व्यवसायिक शिक्षणातून दिव्यांगांना रोजगाराच्या संधी उपलब्ध -संतोष कुमार नाईकवाडी व्यावसायिक शिक्षणातून दिव्यांगांना रोजगाराच्या संधी – संतोषकुमार नाईकवाडी लातूर (प्रतिनिधी) शालेय शिक्षणानंतर दिव्यांग विद्यार्थ्यांना व्यावसायिक शिक्षण देऊन त्यांना रोजगाराच्या मुख्य प्रवाहात आणणे अत्यंत गरजेचे आहे. यामुळे हे विद्यार्थी स्वावलंबी होऊन स्वतःच्या पायावर उभे राहू शकतात, असे प्रतिपादन जिल्हा दिव्यांग सक्षमीकरण अधिकारी संतोषकुमार नाईकवाडी यांनी केले. ते जीवन विकास प्रतिष्ठान संचलित ॲड. विजयगोपाल अग्रवाल मुकबधिर विद्यालय, सौ. सुशिलादेवी देशमुख मुलींचे निवासी मुकबधिर विद्यालय आणि मतिमंद विद्यालय यांच्या संयुक्त पालक मेळाव्यात बोलत होते. या कार्यक्रमाला संस्थेचे अध्यक्ष जयसिंहराव देशमुख, सचिव धनंजय देशमुख, उपाध्यक्ष चंद्रकला भार्गव, कार्यकारिणी सदस्य नंदकिशोर अग्रवाल, संजय निलेगावकर, पी.व्ही. कुलकर्णी तसेच जिजामाता विद्यालयाचे मुख्याध्यापक देविदास कोल्हे यांची प्रमुख उपस्थिती होती. नाईकवाडी यांनी पुढे सांगितले की, उन्हाळी सुट्ट्यांमध्ये विद्यार्थ्यांना विविध कौशल्याधारित अभ्यासक्रमां मध्ये सहभागी करून घेणे आवश्यक आहे. यामुळे त्यांचा वेळ सकारात्मक उपक्रमांमध्ये जाईल आणि मोबाईलचा अतिरेक टाळता येईल. तसेच दिव्यांग विद्यार्थ्यांना समाजाच्या मुख्य प्रवाहात आणण्यासाठी पालकांनीही पुढाकार घेणे गरजेचे असल्याचे त्यांनी नमूद केले. लग्न समारंभ व सामाजिक कार्यक्रमांमध्ये त्यांचा सहभाग वाढवण्यावरही त्यांनी भर दिला.प्रास्ताविकात पी.व्ही. कुलकर्णी यांनी संस्थेचा आढावा घेत पालक व शाळां मधील समन्वयाचे महत्त्व अधोरेखित केले. संस्थेचे सचिव धनंजय देशमुख यांनी दिव्यांग विद्यार्थ्यांसाठी व्यावसायिक शिक्षणाच्या सुविधा वाढवण्यासाठी शासनाकडे पाठपुरावा करून रोजगाराच्या संधी निर्माण करण्याचे आश्वासन दिले.यावेळी विविध क्षेत्रात उल्लेखनीय कामगिरी करणाऱ्या विद्यार्थी व पालकांचा मान्यवरांच्या हस्ते सत्कार करण्यात आला. कार्यक्रमाचे सूत्रसंचालन प्रशांत कुलकर्णी यांनी केले, तर आभार मुख्याध्यापक शिवप्रसाद भंडारे यांनी मानले. कार्यक्रमाच्या यशस्वीतेसाठी मुख्याध्यापक जयश्री कुलकर्णी, जयलाल गायकवाड यांच्यासह शिक्षक व शिक्षकेत्तर कर्मचाऱ्यांनी परिश्रम घेतले. 240 पालकांचा सहभाग या पालक मेळाव्यात तिन्ही शाळांमधील सुमारे 240 पालकांनी उत्स्फूर्त सहभाग नोंदविला. विविध अभ्यासक्रम, कौशल्य प्रशिक्षण आणि रोजगाराच्या संधींबाबत विशेष शिक्षक सिंधु इंगळे, डी.डी. कांबळे आणि बंकट पवार यांनी मार्गदर्शन केले. तसेच पुणे येथील एका खाजगी कंपनीत नोकरीच्या संधी उपलब्ध असल्याची माहितीही यावेळी देण्यात आली.

Laxman Ugile

उदगीर, लातूर, महाराष्ट्र•

3 hrs ago

व्यवसायिक शिक्षणातून दिव्यांगांना रोजगाराच्या संधी उपलब्ध -संतोष कुमार नाईकवाडी व्यावसायिक शिक्षणातून दिव्यांगांना रोजगाराच्या संधी – संतोषकुमार नाईकवाडी लातूर (प्रतिनिधी) शालेय शिक्षणानंतर दिव्यांग विद्यार्थ्यांना व्यावसायिक शिक्षण देऊन त्यांना रोजगाराच्या मुख्य प्रवाहात आणणे अत्यंत गरजेचे आहे. यामुळे हे विद्यार्थी स्वावलंबी होऊन स्वतःच्या पायावर उभे राहू शकतात, असे प्रतिपादन जिल्हा दिव्यांग सक्षमीकरण अधिकारी संतोषकुमार नाईकवाडी यांनी केले. ते जीवन विकास प्रतिष्ठान संचलित ॲड. विजयगोपाल अग्रवाल मुकबधिर विद्यालय, सौ. सुशिलादेवी देशमुख मुलींचे निवासी मुकबधिर विद्यालय आणि मतिमंद विद्यालय यांच्या संयुक्त पालक मेळाव्यात बोलत होते. या कार्यक्रमाला संस्थेचे अध्यक्ष जयसिंहराव देशमुख, सचिव धनंजय देशमुख, उपाध्यक्ष चंद्रकला भार्गव, कार्यकारिणी सदस्य नंदकिशोर अग्रवाल, संजय निलेगावकर, पी.व्ही. कुलकर्णी तसेच जिजामाता विद्यालयाचे मुख्याध्यापक देविदास कोल्हे यांची प्रमुख उपस्थिती होती. नाईकवाडी यांनी पुढे सांगितले की, उन्हाळी सुट्ट्यांमध्ये विद्यार्थ्यांना विविध कौशल्याधारित अभ्यासक्रमां मध्ये सहभागी करून घेणे आवश्यक आहे. यामुळे त्यांचा वेळ सकारात्मक उपक्रमांमध्ये जाईल आणि मोबाईलचा अतिरेक टाळता येईल. तसेच दिव्यांग विद्यार्थ्यांना समाजाच्या मुख्य प्रवाहात

आणण्यासाठी पालकांनीही पुढाकार घेणे गरजेचे असल्याचे त्यांनी नमूद केले. लग्न समारंभ व सामाजिक कार्यक्रमांमध्ये त्यांचा सहभाग वाढवण्यावरही त्यांनी भर दिला.प्रास्ताविकात पी.व्ही. कुलकर्णी यांनी संस्थेचा आढावा घेत पालक व शाळां मधील समन्वयाचे महत्त्व अधोरेखित केले. संस्थेचे सचिव धनंजय देशमुख यांनी दिव्यांग विद्यार्थ्यांसाठी व्यावसायिक शिक्षणाच्या सुविधा वाढवण्यासाठी शासनाकडे पाठपुरावा करून रोजगाराच्या संधी निर्माण करण्याचे आश्वासन दिले.यावेळी विविध क्षेत्रात उल्लेखनीय कामगिरी करणाऱ्या विद्यार्थी व पालकांचा मान्यवरांच्या हस्ते सत्कार करण्यात आला. कार्यक्रमाचे सूत्रसंचालन प्रशांत कुलकर्णी यांनी केले, तर आभार मुख्याध्यापक शिवप्रसाद भंडारे यांनी मानले. कार्यक्रमाच्या यशस्वीतेसाठी मुख्याध्यापक जयश्री कुलकर्णी, जयलाल गायकवाड यांच्यासह शिक्षक व शिक्षकेत्तर कर्मचाऱ्यांनी परिश्रम घेतले. 240 पालकांचा सहभाग या पालक मेळाव्यात तिन्ही शाळांमधील सुमारे 240 पालकांनी उत्स्फूर्त सहभाग नोंदविला. विविध अभ्यासक्रम, कौशल्य प्रशिक्षण आणि रोजगाराच्या संधींबाबत विशेष शिक्षक सिंधु इंगळे, डी.डी. कांबळे आणि बंकट पवार यांनी मार्गदर्शन केले. तसेच पुणे येथील एका खाजगी कंपनीत नोकरीच्या संधी उपलब्ध असल्याची माहितीही यावेळी देण्यात आली.