मराठा आंदोलक मनोज जरांगे पाटील यांनी सरकारविरोधात आक्रमक भूमिका घेत अंतरवाली सराटी येथील शेतात रणरणत्या उन्हात पुन्हा एकदा आमरण उपोषणाला सुरुवात केली आहे. सरकारने काल केलेली शिष्टाई निष्फळ ठरल्यानंतर शनिवार, ३० मे रोजी हे आंदोलन प्रत्यक्ष सुरू झाले. सरकारच्या वतीने मंत्री राधाकृष्ण विखे पाटील आणि आमदार प्रसाद लाड यांच्यासोबत झालेल्या चर्चेतून कोणताही तोडगा निघाला नाही, त्यामुळे जरांगे पाटील यांनी कठोर भूमिका घेतली. त्यांनी प्रसार माध्यमांशी बोलताना “आता कोणत्याही परिस्थितीत मागे हटणार नाही,” असा निर्धार व्यक्त केला. मराठा समाजाला आरक्षण मिळावे, हैदराबाद गॅझेटमधील कुणबी नोंदींना प्रमाणपत्र मिळावे, सातारा गॅझेट मंजूर करावे आणि मराठा आंदोलनादरम्यान दाखल झालेले गुन्हे मागे घ्यावेत, या प्रमुख मागण्यांसाठी हे उपोषण सुरू करण्यात आले आहे. दरम्यान, राज्यभरातून मोठ्या संख्येने मराठा समाज बांधव अंतरवाली सराटीकडे रवाना होत असून, वातावरण तापू लागले आहे. काही ठिकाणी आंदोलकांनी रस्ते रोको करण्यास सुरुवात केल्याची माहिती समोर येत आहे, ज्यामुळे आंदोलन आणखी चिघळण्याची शक्यता व्यक्त केली जात आहे. सरकारकडून पुन्हा एकदा मध्यस्थीचा प्रयत्न सुरू असून मंत्री राधाकृष्ण विखे पाटील यांचे शिष्टमंडळ अंतरवाली सराटीकडे रवाना झाले आहे. दुसरीकडे, आंदोलनस्थळी मोठा पोलिस बंदोबस्त तैनात करण्यात आला असून प्रशासन पूर्णपणे सतर्क झाले आहे.

Tej maharashtra varta

पंढरपूर, सोलापूर, महाराष्ट्र•

12 hrs ago

मराठा आंदोलक मनोज जरांगे पाटील यांनी सरकारविरोधात आक्रमक भूमिका घेत अंतरवाली सराटी येथील शेतात रणरणत्या उन्हात पुन्हा एकदा आमरण उपोषणाला सुरुवात केली आहे. सरकारने काल केलेली शिष्टाई निष्फळ ठरल्यानंतर शनिवार, ३० मे रोजी हे आंदोलन प्रत्यक्ष सुरू झाले. सरकारच्या वतीने मंत्री राधाकृष्ण विखे पाटील आणि आमदार प्रसाद लाड यांच्यासोबत झालेल्या चर्चेतून कोणताही तोडगा निघाला नाही, त्यामुळे जरांगे पाटील यांनी कठोर भूमिका घेतली. त्यांनी प्रसार माध्यमांशी बोलताना “आता कोणत्याही परिस्थितीत मागे हटणार नाही,” असा निर्धार व्यक्त केला. मराठा समाजाला आरक्षण मिळावे, हैदराबाद गॅझेटमधील कुणबी नोंदींना प्रमाणपत्र मिळावे, सातारा गॅझेट मंजूर करावे आणि मराठा आंदोलनादरम्यान दाखल झालेले गुन्हे मागे घ्यावेत, या प्रमुख मागण्यांसाठी हे उपोषण सुरू करण्यात आले आहे. दरम्यान, राज्यभरातून मोठ्या संख्येने मराठा समाज बांधव अंतरवाली सराटीकडे रवाना होत असून, वातावरण तापू लागले आहे. काही ठिकाणी आंदोलकांनी रस्ते रोको करण्यास सुरुवात केल्याची माहिती समोर येत आहे, ज्यामुळे आंदोलन आणखी चिघळण्याची शक्यता व्यक्त केली जात आहे. सरकारकडून पुन्हा एकदा मध्यस्थीचा प्रयत्न सुरू असून मंत्री राधाकृष्ण विखे पाटील यांचे शिष्टमंडळ अंतरवाली सराटीकडे रवाना झाले आहे. दुसरीकडे, आंदोलनस्थळी मोठा पोलिस बंदोबस्त तैनात करण्यात आला असून प्रशासन पूर्णपणे सतर्क झाले आहे.