వైద్య శిబిరానికి తరలివచ్చిన ప్రజలు జన్నారం పట్టణంలో శ్రీ రాఘవేంద్ర ట్రస్ట్ ఆధ్వర్యంలో ఏర్పాటుచేసిన ఉచిత మెగా వైద్య శిబిరానికి వివిధ ప్రాంతాల నుండి ప్రజలు భారీగా తరలివచ్చారు. జన్నారం మాజీ జడ్పిటిసి, ట్రస్ట్ చైర్మన్ ఎర్ర చంద్రశేఖర్ ఆధ్వర్యంలో ఆదివారము ఉదయం పట్టణంలోని శ్రీ రాఘవేంద్ర సినిమా ధియేటర్ ఆవరణలో మెగా వైద్య శిబిరం ఏర్పాటు చేశారు. ఈ శిబిరానికి మెడ్ లైఫ్ సూపర్ స్పెషాలిటీ హాస్పిటల్ కి చెందిన పలు విభాగాల వైద్య నిపుణులు, సిబ్బంది వచ్చారు. దీంతో వివిధ ప్రాంతాల నుండి ప్రజలు భారీగా తరలివచ్చి వైద్య పరీక్షలు చేయించుకుంటున్నారు. వారికోసం నిర్వాహకులు ఉచిత భోజన, వాహన సౌకర్యాన్ని కల్పించారు. ఈ కార్యక్రమంలో ఆదిలాబాద్ ఎంపీ జి.నగేష్, లక్షెట్టిపేట కోర్టు జడ్జి అసదుల్లా షరీఫ్, నిర్వహకులు ఎర్ర చంద్రశేఖర్, పలువురు ప్రముఖులు పాల్గొన్నారు.

Murthy

Reporter Khanapur, Nirmal•

40 min ago

Just enjoying vacation