ନିରୁଦ୍ଧିଷ୍ଟ subha_diary ~~~~~ ହବିଷ ହବିଷ ବାସୁଥିବା ଗୋଟେ ନଭେମ୍ବର ଆଖିରୁ ଘଡ଼ିଏ ନିଦ ବଳି ପଡ଼ିଲେ, କି ତିନିଦିନ ଯାଏ ନିର୍ଧୁମ୍ ବର୍ଷା ଟିଭି ବା ରେଡିଓ ତିନିଶହ ଥର କହିଲେ, ଅଥବା ଆକାଶକୁ ମୁହଁ ମୋଡ଼ି ତା' ସହ କଟି କଲେ କି ବିଦ୍ୟାରାଣ ଖାଇଲେ, ନିର୍ଲଜ୍ଜଙ୍କ ଭଳି ମୋତେ ସ୍କୁଲ୍ ଯିବାକୁ ଅପେକ୍ଷା କରୁଥିବା ପୁଅଟା ଢେର୍ ବଦଳି ଯିବଣି ! ତା ସହ ବଦଳି ଯିବଣି ମୋ ଲେଡିବାର୍ଡ ସାଇକେଲର ବୟସ, ମୋ ପ୍ରିୟ ନଈପଠାର ସ୍ବାସ୍ଥ୍ୟ, ଯୋଡ଼ି ନିମ୍ବଗଛରୁ ବସା ଭାଙ୍ଗି ଉଡ଼ି ଯିବେଣି ସେ ଦୁଇ ବଣି, କେନାଲ ପାଣିରେ ପୋଲ ଉପରୁ ଛବି ହେଉଥିବା ଯୋଡେ ଛାଇ ବି ନିରୁଦ୍ଦିଷ୍ଟ ହେବଣି ! କେଜାଣେ, ସେଦିନ ମେଳାରେ ମୋ ଗଭାରୁ ଖସି ପଡ଼ିଥିବା ଗୋଲାପକୁ ସେ ଯୋଉ ବହିରେ ସାଇତିଥିଲା ସେଥିରେ କେତେ ପରସ୍ତ ସ୍ମୃତିର ଅଳନ୍ଧୁ ମାଡ଼ିବଣି? ମୋ ପାଉଁଜିର ଶବ୍ଦ ଅକ୍ଷୟ ମହାନ୍ତିଙ୍କ ଗୀତ ପରି ଗୋଟେ ଲମ୍ବା ଖରାବେଳରେ ତା ଛାତିକୁ ଚିମୁଟୁ ଥିବ ନା ନାହିଁ ! ମୁଁ ତ ଏକଥା ବି ଜାଣେନା, ସବୁ ନୂଆଁ ବର୍ଷ ମାନଙ୍କରେ ସେ ମୋ ପାଇଁ ତୋଳି ଆଣୁଥିବା ସୁଗନ୍ଧରାଜର ବାସ୍ନା ଏଯାଏଁ ତା ନାକ ଅଗରେ ଥିବ ନା ନାହିଁ ? ନା, ସେ ଆଉ କାହା ଅତରରେ ଦିଗହରା ହେବଣି ? ଆମ ଘର ଦେଇ ଯିବା ବେଳେ ସେ କଣ ଆଗଭଳି ଛାତକୁ ଚାହୁଁଥିବ ଆଜି କାଲି, ଏଇସନ କୁଆଁର ପୁନେଇଁରେ ତୁଚ୍ଛା ମିଛଟାରେ ସେ କଣ ବାରବାର ରାଜୁ ମଉସାଙ୍କ ଦୋକାନକୁ ଆସିଥିବ ; ମୁଁ ଆଜିକାଲି ସହର ମୁହାଁ ଜାଣି ! ସେ ତଣ୍ଟି ପାଖରେ ଢୋକୁଥିବା ଧାଡିଏ ପ୍ରେମ , ହରିହାଟରୁ କିଣିଥିବା କୁଙ୍କୁମ , ତା' ଚିତ୍ର ଖାତାରେ ଆଙ୍କିଥିବା ଝିଅଟିଏ ଯାହାର ରଙ୍ଗ ଗହମ, ହଜେଇ ଦେଇଥିବା ଜ୍ୟାମିତି ବାକ୍ସରେ ବନ୍ଧା ପଡିଥିବା ପାପୁଲିଏ ଢଳଢଳ ବୟସ, ମୁଁ ସବୁଥର ଫେରେଇ ଦେଉଥିବା ମୁଠାଏ ଶ୍ୟାମଳ ହସ, ସମୟର ସୁଅରେ ବୋଧହୁଏ ଲିଭି ଆସିବଣି! - ଗୌରୀ ସାହୁ ThrowbackVibes 🔙 #NostalgiaFeels 🕰️ #LoveAndPoetry ❤️📖 #StorytellingReel 📜

Lakhan Singh

Simdega•

6 hrs ago