ପାଟଣା ତହସିଲରେ ଭିଜିଲାନ୍ସ ରେଡ୍; ୬ ହଜାର ଟଙ୍କା ଲାଞ୍ଚ ନେଉଥିବା ବେଳେ JRA ଗିରଫ କେନ୍ଦୁଝର,୨୮।୮(ଦୁର୍ଯ୍ୟୋଧନ ପାତ୍ର):କେନ୍ଦୁଝର ଜିଲ୍ଲା ପାଟଣା ତହସିଲ କାର୍ଯ୍ୟାଳୟରେ ଲାଞ୍ଚ ନେବା ବେଳେ ଓଡ଼ିଶା ଭିଜିଲାନ୍ସ ହାତରେ ଧରାପଡ଼ିଛନ୍ତି ଜଣେ କନିଷ୍ଠ ରାଜସ୍ୱ ସହାୟକ (JRA)।ଅଭିଯୁକ୍ତ ଜେଆରଏ ହେଉଛନ୍ତି ବି.ଏଚ୍. ଉମାଶଙ୍କର, ଯିଏ ପାଟଣା ତହସିଲଦାରଙ୍କ କାର୍ଯ୍ୟାଳୟରେ କାର୍ଯ୍ୟରତଥିଲେ।ସୂଚନା ଅନୁସାରେ, ଜଣେ ଆବେଦନକାରୀ ନିଜ ଜମିର ନାମ ପରିବର୍ତ୍ତନ (Mutation) ପାଇଁ ସରକାରୀ ନିୟମ ଅନୁଯାୟୀ ୩ ଜୁନ୍ ୨୦୨୬ରେ ଅନଲାଇନ୍ ଆବେଦନ କରିଥିଲେ।ଏହାପରେ ଆବେଦନର ସ୍ଥିତି ଜାଣିବା ପାଇଁ ସେ ତହସିଲ କାର୍ଯ୍ୟାଳୟରେ ଯୋଗାଯୋଗ କରିଥିଲେ।ମ୍ୟୁଟେସନ୍ ମାମଲାର ଫାଇଲ୍ ପ୍ରକ୍ରିୟାକରଣ କରିବା ସହ ଆବେଦନକାରୀ ଏବଂ ତାଙ୍କ ଅନ୍ୟ ସହଭାଗୀମାନଙ୍କ ନାମରେ ROR (Record of Rights) / ଜମି ପଟ୍ଟା ଜାରି କରାଇବାରେ ସହଯୋଗ କରିବା ପାଇଁ JRA ଉମାଶଙ୍କର ୬,୦୦୦ ଟଙ୍କା ଲାଞ୍ଚ ଦାବି କରିଥିବା ଅଭିଯୋଗ ହୋଇଥିଲା ।ଲାଞ୍ଚ ଦାବିରେ ଅସନ୍ତୁଷ୍ଟ ହୋଇ ଆବେଦନକାରୀ ଓଡ଼ିଶା ଭିଜିଲାନ୍ସକୁ ଏ ସମ୍ପର୍କରେ ଅବଗତ କରାଇଥିଲେ। ଅଭିଯୋଗ ଆଧାରରେ ଭିଜିଲାନ୍ସ ପକ୍ଷରୁ ଯୋଜନାବଦ୍ଧ ଭାବେ ଟ୍ରାପ୍ କରାଯାଇଥିଲା।ଆଜି ପାଟଣା ତହସିଲ କାର୍ଯ୍ୟାଳୟ ପରିସରର ଗ୍ୟାରେଜ୍ ନିକଟରେ ଆବେଦନକାରୀଙ୍କ ଠାରୁ ୬,୦୦୦ ଟଙ୍କା ଲାଞ୍ଚ ଗ୍ରହଣ କରୁଥିବା ସମୟରେ ଭିଜିଲାନ୍ସ ଟିମ୍ JRA ବି.ଏଚ୍. ଉମାଶଙ୍କରଙ୍କୁ ଧରିଥିଲା। ତାଙ୍କ ନିକଟରୁ ଲାଞ୍ଚ ବାବଦର ୬,୦୦୦ ଟଙ୍କା ଜବତ କରାଯାଇଛି। ଟ୍ରାପ୍ ପରେ ଉମାଶଙ୍କରଙ୍କ ଦୁଇଟି ସ୍ଥାନରେ ଏକକାଳୀନ ଚଢ଼ାଉ ଓ ତଲାସୀ ଚାଲିଥିବା ଭିଜିଲାନ୍ସ ପକ୍ଷରୁ ସୂଚନା ମିଳିଛି।ଆୟବହିର୍ଭୂତ ସମ୍ପତ୍ତି (DA) ଦିଗରୁ ମଧ୍ୟ ତଦନ୍ତ କରାଯାଉଛି।ଏହି ଘଟଣାରେ ବାଲେଶ୍ୱର ଭିଜିଲାନ୍ସ ଥାନା କେସ୍ ନମ୍ବର ୧୭/୨୦୨୬, ଧାରା ୭, Prevention of Corruption (Amendment) Act, 2018 ଅନୁଯାୟୀ ମାମଲା ରୁଜୁ ହୋଇଛି । ଅଭିଯୁକ୍ତ JRA ଉମାଶଙ୍କରଙ୍କ ବିରୋଧରେ ତଦନ୍ତ ଜାରି ରହିଛି।

ଦୁର୍ଯ୍ୟୋଧନ ପାତ୍ର

Building society କେନ୍ଦୁଝର ସଦର, କେନ୍ଦୁଝର, ଓଡ଼ିଶା•

3 hrs ago

ପାଟଣା ତହସିଲରେ ଭିଜିଲାନ୍ସ ରେଡ୍; ୬ ହଜାର ଟଙ୍କା ଲାଞ୍ଚ ନେଉଥିବା ବେଳେ JRA ଗିରଫ କେନ୍ଦୁଝର,୨୮।୮(ଦୁର୍ଯ୍ୟୋଧନ ପାତ୍ର):କେନ୍ଦୁଝର ଜିଲ୍ଲା ପାଟଣା ତହସିଲ କାର୍ଯ୍ୟାଳୟରେ ଲାଞ୍ଚ ନେବା ବେଳେ ଓଡ଼ିଶା ଭିଜିଲାନ୍ସ ହାତରେ ଧରାପଡ଼ିଛନ୍ତି ଜଣେ କନିଷ୍ଠ ରାଜସ୍ୱ ସହାୟକ (JRA)।ଅଭିଯୁକ୍ତ ଜେଆରଏ ହେଉଛନ୍ତି ବି.ଏଚ୍. ଉମାଶଙ୍କର, ଯିଏ ପାଟଣା ତହସିଲଦାରଙ୍କ କାର୍ଯ୍ୟାଳୟରେ କାର୍ଯ୍ୟରତଥିଲେ।ସୂଚନା ଅନୁସାରେ, ଜଣେ ଆବେଦନକାରୀ ନିଜ ଜମିର ନାମ ପରିବର୍ତ୍ତନ (Mutation) ପାଇଁ ସରକାରୀ ନିୟମ ଅନୁଯାୟୀ ୩ ଜୁନ୍ ୨୦୨୬ରେ ଅନଲାଇନ୍ ଆବେଦନ କରିଥିଲେ।ଏହାପରେ ଆବେଦନର ସ୍ଥିତି ଜାଣିବା ପାଇଁ ସେ ତହସିଲ କାର୍ଯ୍ୟାଳୟରେ ଯୋଗାଯୋଗ କରିଥିଲେ।ମ୍ୟୁଟେସନ୍ ମାମଲାର ଫାଇଲ୍ ପ୍ରକ୍ରିୟାକରଣ କରିବା ସହ ଆବେଦନକାରୀ ଏବଂ ତାଙ୍କ ଅନ୍ୟ ସହଭାଗୀମାନଙ୍କ ନାମରେ ROR (Record of Rights) / ଜମି ପଟ୍ଟା ଜାରି କରାଇବାରେ ସହଯୋଗ କରିବା ପାଇଁ JRA ଉମାଶଙ୍କର ୬,୦୦୦ ଟଙ୍କା ଲାଞ୍ଚ ଦାବି କରିଥିବା ଅଭିଯୋଗ ହୋଇଥିଲା ।ଲାଞ୍ଚ ଦାବିରେ ଅସନ୍ତୁଷ୍ଟ ହୋଇ ଆବେଦନକାରୀ ଓଡ଼ିଶା ଭିଜିଲାନ୍ସକୁ ଏ ସମ୍ପର୍କରେ ଅବଗତ କରାଇଥିଲେ। ଅଭିଯୋଗ ଆଧାରରେ ଭିଜିଲାନ୍ସ ପକ୍ଷରୁ ଯୋଜନାବଦ୍ଧ ଭାବେ ଟ୍ରାପ୍ କରାଯାଇଥିଲା।ଆଜି ପାଟଣା ତହସିଲ କାର୍ଯ୍ୟାଳୟ ପରିସରର ଗ୍ୟାରେଜ୍ ନିକଟରେ ଆବେଦନକାରୀଙ୍କ ଠାରୁ ୬,୦୦୦ ଟଙ୍କା ଲାଞ୍ଚ ଗ୍ରହଣ କରୁଥିବା ସମୟରେ ଭିଜିଲାନ୍ସ ଟିମ୍ JRA ବି.ଏଚ୍. ଉମାଶଙ୍କରଙ୍କୁ ଧରିଥିଲା। ତାଙ୍କ ନିକଟରୁ ଲାଞ୍ଚ ବାବଦର ୬,୦୦୦ ଟଙ୍କା ଜବତ କରାଯାଇଛି। ଟ୍ରାପ୍ ପରେ ଉମାଶଙ୍କରଙ୍କ ଦୁଇଟି ସ୍ଥାନରେ ଏକକାଳୀନ ଚଢ଼ାଉ ଓ ତଲାସୀ ଚାଲିଥିବା ଭିଜିଲାନ୍ସ ପକ୍ଷରୁ ସୂଚନା ମିଳିଛି।ଆୟବହିର୍ଭୂତ ସମ୍ପତ୍ତି (DA) ଦିଗରୁ ମଧ୍ୟ ତଦନ୍ତ କରାଯାଉଛି।ଏହି ଘଟଣାରେ ବାଲେଶ୍ୱର ଭିଜିଲାନ୍ସ ଥାନା କେସ୍ ନମ୍ବର ୧୭/୨୦୨୬, ଧାରା ୭, Prevention of Corruption (Amendment) Act, 2018 ଅନୁଯାୟୀ ମାମଲା ରୁଜୁ ହୋଇଛି । ଅଭିଯୁକ୍ତ JRA ଉମାଶଙ୍କରଙ୍କ ବିରୋଧରେ ତଦନ୍ତ ଜାରି ରହିଛି।