कुसुम मोहिमेचा अहवाल: जिल्ह्यात २४६ संशयित कुष्ठरुग्ण; ८ नव्या रुग्णांवर उपचार सुरू कुसुम मोहिमेत धक्कादायक आकडे! १८,७६५ तपासणीत २४६ संशयित कुष्ठरुग्ण; ८ नव्या रुग्णांचे निदान शेगांव / बुलढाणा, दि. १8(जिमाका) – कुष्ठमुक्त महाराष्ट्राच्या दिशेने जिल्ह्यात राबविण्यात आलेल्या “कुसुम” विशेष सर्व्हेक्षण मोहिमेत चिंताजनक वास्तव समोर आले आहे. अवघ्या पंधरवड्यात १८ हजार ७६५ नागरिकांची तपासणी करण्यात आली असता २४६ संशयित कुष्ठरुग्णांची नोंद, तर ८ नव्या रुग्णांचे निदान झाल्याने आरोग्य यंत्रणा सतर्क झाली आहे. निदान झालेल्या रुग्णांवर तत्काळ एमडीटी उपचार सुरू करण्यात आले आहेत. * वीटभट्ट्यांपासून कारागृहांपर्यंत सखोल तपासणी ३० जानेवारी ते १३ फेब्रुवारी दरम्यान राबविण्यात आलेल्या या मोहिमेत प्राथमिक आरोग्य केंद्रे, ग्रामीण व उपजिल्हा रुग्णालये, नगरपालिका दवाखाने यांच्या माध्यमातून उच्च जोखमीच्या ठिकाणी विशेष तपासणी मोहीम राबविण्यात आली. वीटभट्ट्या, गिट्टी खदानी, आश्रमशाळा, वसतिगृहे, अनाथाश्रम, वृद्धाश्रम, कारागृह, साखर कारखाने, औद्योगिक वसाहती तसेच भटके व स्थलांतरित नागरिक या सर्वांचा समावेश होता. * ही लक्षणे दिसताच तपासणी करा! त्वचेवर बधिर फिकट किंवा तांबूस चट्टे, हात-पाय सुन्न होणे, भुवया विरळ होणे, बोटे वाकडी होणे, अंगावर गाठी येणे, कानाच्या पाळ्या जाड होणे – अशी लक्षणे आढळल्यास तात्काळ तपासणी आवश्यक असल्याचे आरोग्य विभागाने स्पष्ट केले. * कुष्ठरोग पूर्णपणे बरा होतो – आरोग्य विभाग सहा महिने ते एक वर्षाच्या बहुविध औषधोपचारामुळे रोग पूर्णपणे बरा होतो, मात्र उपचार टाळल्यास अपंगत्वाचा धोका वाढतो, असा इशारा देण्यात आला आहे. * “लक्षणे आढळल्यास विलंब नको” – डॉ. हरी पवार कोणतीही संशयास्पद चिन्हे दिसताच जवळच्या आरोग्य केंद्रात तपासणी करून घ्यावी, असे आवाहन सहाय्यक संचालक डॉ. हरी पवार यांनी केले आहे. (संग्रहीत फोटो - जन जागृती पटनाट्य👇🏻 )

Sachin kadukar

Photographer Shegaon, Buldhana•

5 hrs ago

कुसुम मोहिमेचा अहवाल: जिल्ह्यात २४६ संशयित कुष्ठरुग्ण; ८ नव्या रुग्णांवर उपचार सुरू कुसुम मोहिमेत धक्कादायक आकडे! १८,७६५ तपासणीत २४६ संशयित कुष्ठरुग्ण; ८ नव्या रुग्णांचे निदान शेगांव / बुलढाणा, दि. १8(जिमाका) – कुष्ठमुक्त महाराष्ट्राच्या दिशेने जिल्ह्यात राबविण्यात आलेल्या “कुसुम” विशेष सर्व्हेक्षण मोहिमेत चिंताजनक वास्तव समोर आले आहे. अवघ्या पंधरवड्यात १८ हजार ७६५ नागरिकांची तपासणी करण्यात आली असता २४६ संशयित कुष्ठरुग्णांची नोंद, तर ८ नव्या रुग्णांचे निदान झाल्याने आरोग्य यंत्रणा सतर्क झाली आहे. निदान झालेल्या रुग्णांवर तत्काळ एमडीटी उपचार सुरू करण्यात आले आहेत. * वीटभट्ट्यांपासून कारागृहांपर्यंत सखोल तपासणी ३० जानेवारी ते १३ फेब्रुवारी दरम्यान राबविण्यात आलेल्या या मोहिमेत प्राथमिक आरोग्य केंद्रे, ग्रामीण व उपजिल्हा रुग्णालये, नगरपालिका दवाखाने यांच्या माध्यमातून उच्च जोखमीच्या ठिकाणी विशेष तपासणी मोहीम राबविण्यात आली. वीटभट्ट्या, गिट्टी खदानी, आश्रमशाळा, वसतिगृहे, अनाथाश्रम, वृद्धाश्रम, कारागृह, साखर कारखाने, औद्योगिक वसाहती तसेच भटके व स्थलांतरित नागरिक या सर्वांचा समावेश होता. * ही लक्षणे दिसताच तपासणी करा! त्वचेवर बधिर फिकट किंवा तांबूस चट्टे, हात-पाय सुन्न होणे, भुवया विरळ होणे, बोटे वाकडी होणे, अंगावर गाठी येणे, कानाच्या पाळ्या जाड होणे – अशी लक्षणे आढळल्यास तात्काळ तपासणी आवश्यक असल्याचे आरोग्य विभागाने स्पष्ट केले. * कुष्ठरोग पूर्णपणे बरा होतो – आरोग्य विभाग सहा महिने ते एक वर्षाच्या बहुविध औषधोपचारामुळे रोग पूर्णपणे बरा होतो, मात्र उपचार टाळल्यास अपंगत्वाचा धोका वाढतो, असा इशारा देण्यात आला आहे. * “लक्षणे आढळल्यास विलंब नको” – डॉ. हरी पवार कोणतीही संशयास्पद चिन्हे दिसताच जवळच्या आरोग्य केंद्रात तपासणी करून घ्यावी, असे आवाहन सहाय्यक संचालक डॉ. हरी पवार यांनी केले आहे. (संग्रहीत फोटो - जन जागृती पटनाट्य👇🏻 )