વિરમગામમાં ધારાસભ્ય હાર્દિક પટેલના જનસેવા કાર્યાલય ખાતે ગુજરાત સરકારના શિક્ષણ મંત્રી પ્રદ્યુમન વાજાની વિશેષ મુલાકાત યોજાઈ હતી. આ પ્રસંગે તાજેતરમાં જાહેર થયેલા ધોરણ-10 અને ધોરણ-12 બોર્ડ પરીક્ષાના શ્રેષ્ઠ પરિણામો પ્રાપ્ત કરનાર તેજસ્વી વિદ્યાર્થીઓનું સન્માન કરવામાં આવ્યું હતું. આ સન્માન સમારોહમાં, ધોરણ-10 બોર્ડ પરીક્ષામાં વિરમગામ વિધાનસભા કક્ષાએ પ્રથમ સ્થાન મેળવનાર પટેલ ધર્મ દીપકભાઈ, ધોરણ-12 સામાન્ય પ્રવાહમાં ભરવાડ ભારતીબેન ભીમાભાઈ, વિજ્ઞાન પ્રવાહમાં પટેલ યશકુમાર દિનેશભાઈ અને ઉત્તર બુનિયાદી પ્રવાહમાં ગોહિલ શ્રદ્ધાબેન શૈલેષભાઈને શિક્ષણ મંત્રી પ્રદ્યુમન વાજાના હસ્તે મુખ્યમંત્રી ભુપેન્દ્ર પટેલના અભિનંદન પત્રો એનાયત કરવામાં આવ્યા હતા. આ કાર્યક્રમ દરમિયાન, વિરમગામ તાલુકાના ઝેઝરા, વનથળ, ઘોડા અને જખવાડા ગામો ઉપરાંત માંડલ તાલુકાના નાના ઉભડા અને દેત્રોજ તાલુકાના દેકાવાડા, બામરોલી તથા ડાંગરવા ગામોમાં નવી માધ્યમિક શાળાઓ મંજૂર કરવા બદલ શિક્ષણ મંત્રી પ્રદ્યુમન વાજા અને ધારાસભ્ય હાર્દિક પટેલ પ્રત્યે આભાર વ્યક્ત કરવામાં આવ્યો હતો. આ ઉપરાંત, વિરમગામ વિધાનસભાના નળકાંઠા અને દેત્રોજ વિસ્તારના વિદ્યાર્થીઓને સ્થાનિક સ્તરે ઉચ્ચ શિક્ષણની સુવિધા મળી રહે તે માટે સરકારી કોલેજ મંજૂર કરવાની માંગ સાથે શિક્ષણ મંત્રીને રૂબરૂ રજૂઆત કરી ભલામણ પત્ર સુપરત કરવામાં આવ્યો હતો. આ મુલાકાત દરમિયાન શિક્ષણ ક્ષેત્રના વિકાસ, ગ્રામ્ય વિસ્તારોમાં શૈક્ષણિક સુવિધાઓના વિસ્તરણ અને વિદ્યાર્થીઓને વધુ સારી તકો ઉપલબ્ધ કરાવવા અંગે પણ વિસ્તૃત ચર્ચા કરવામાં આવી હતી. સમગ્ર કાર્યક્રમમાં શિક્ષણ પ્રત્યેની પ્રતિબદ્ધતા અને ગ્રામ્ય વિસ્તારના વિદ્યાર્થીઓના ઉજ્જવળ ભવિષ્ય માટેનો સંકલ્પ સ્પષ્ટપણે જોવા મળ્યો હતો.

Jagdish Raval

Photographer વિરમગામ, અમદાવાદ, ગુજરાત•

2 hrs ago

વિરમગામમાં ધારાસભ્ય હાર્દિક પટેલના જનસેવા કાર્યાલય ખાતે ગુજરાત સરકારના શિક્ષણ મંત્રી પ્રદ્યુમન વાજાની વિશેષ મુલાકાત યોજાઈ હતી. આ પ્રસંગે તાજેતરમાં જાહેર થયેલા ધોરણ-10 અને ધોરણ-12 બોર્ડ પરીક્ષાના શ્રેષ્ઠ પરિણામો પ્રાપ્ત કરનાર તેજસ્વી વિદ્યાર્થીઓનું સન્માન કરવામાં આવ્યું હતું. આ સન્માન સમારોહમાં, ધોરણ-10 બોર્ડ પરીક્ષામાં વિરમગામ વિધાનસભા કક્ષાએ પ્રથમ સ્થાન મેળવનાર પટેલ ધર્મ દીપકભાઈ, ધોરણ-12 સામાન્ય પ્રવાહમાં ભરવાડ ભારતીબેન ભીમાભાઈ, વિજ્ઞાન પ્રવાહમાં પટેલ યશકુમાર દિનેશભાઈ અને ઉત્તર બુનિયાદી પ્રવાહમાં ગોહિલ શ્રદ્ધાબેન શૈલેષભાઈને શિક્ષણ મંત્રી પ્રદ્યુમન વાજાના હસ્તે મુખ્યમંત્રી ભુપેન્દ્ર પટેલના અભિનંદન પત્રો એનાયત કરવામાં આવ્યા હતા. આ કાર્યક્રમ દરમિયાન, વિરમગામ તાલુકાના ઝેઝરા, વનથળ, ઘોડા અને જખવાડા ગામો ઉપરાંત માંડલ તાલુકાના નાના ઉભડા અને દેત્રોજ તાલુકાના

દેકાવાડા, બામરોલી તથા ડાંગરવા ગામોમાં નવી માધ્યમિક શાળાઓ મંજૂર કરવા બદલ શિક્ષણ મંત્રી પ્રદ્યુમન વાજા અને ધારાસભ્ય હાર્દિક પટેલ પ્રત્યે આભાર વ્યક્ત કરવામાં આવ્યો હતો. આ ઉપરાંત, વિરમગામ વિધાનસભાના નળકાંઠા અને દેત્રોજ વિસ્તારના વિદ્યાર્થીઓને સ્થાનિક સ્તરે ઉચ્ચ શિક્ષણની સુવિધા મળી રહે તે માટે સરકારી કોલેજ મંજૂર કરવાની માંગ સાથે શિક્ષણ મંત્રીને રૂબરૂ રજૂઆત કરી ભલામણ પત્ર સુપરત કરવામાં આવ્યો હતો. આ મુલાકાત દરમિયાન શિક્ષણ ક્ષેત્રના વિકાસ, ગ્રામ્ય વિસ્તારોમાં શૈક્ષણિક સુવિધાઓના વિસ્તરણ અને વિદ્યાર્થીઓને વધુ સારી તકો ઉપલબ્ધ કરાવવા અંગે પણ વિસ્તૃત ચર્ચા કરવામાં આવી હતી. સમગ્ર કાર્યક્રમમાં શિક્ષણ પ્રત્યેની પ્રતિબદ્ધતા અને ગ્રામ્ય વિસ્તારના વિદ્યાર્થીઓના ઉજ્જવળ ભવિષ્ય માટેનો સંકલ્પ સ્પષ્ટપણે જોવા મળ્યો હતો.