భద్రాచలం ఎక్సైజ్ కార్యాలయం నుంచి గంజాయి కేసు నిందితుడు పరార్.. సీఐ, కానిస్టేబుల్ సస్పెన్షన్‌తో ఉన్నతాధికారుల చర్యలు ఇప్పుడు హాట్ టాపిక్‌గా మారాయి. భద్రాద్రి కొత్తగూడెం జిల్లా భద్రాచలంలో ఎక్సైజ్ శాఖలో కలకలం రేపిన ఘటన చోటుచేసుకుంది. గంజాయి కేసులో పట్టుబడిన ఓ నిందితుడు ఎక్సైజ్ కార్యాలయం నుంచి తప్పించుకుని పరారైన ఘటనపై ఉన్నతాధికారులు తీవ్రంగా స్పందించారు.గంజాయి కేసులో పట్టుబడిన నిందితుడు ఎక్సైజ్ కార్యాలయంలో ఉండగా అక్కడి నుంచి తప్పించుకుని పరారైనట్లు సమాచారం. ఈ ఘటనపై ఉన్నతాధికారులు విచారణ చేపట్టి.. విధుల్లో నిర్లక్ష్యం వహించినట్లు భావించిన ఎక్సైజ్ సీఐతో పాటు ఓ కానిస్టేబుల్‌పై సస్పెన్షన్ వేటు వేశారు.నిందితుడు ఎక్సైజ్ కార్యాలయం నుంచి ఎలా తప్పించుకున్నాడు..? అతడి భద్రత విషయంలో సిబ్బంది ఎలాంటి జాగ్రత్తలు తీసుకున్నారు..? నిందితుడు పరారయ్యే సమయంలో విధుల్లో ఉన్న అధికారులు, సిబ్బంది నిర్లక్ష్యం వహించారా..? అనే కోణాల్లో అధికారులు విచారణ జరుపుతున్నట్లు తెలుస్తోంది.ఇప్పటికే సీఐ, కానిస్టేబుల్‌ను సస్పెండ్ చేస్తూ ఉన్నతాధికారులు చర్యలు తీసుకోవడంతో ఈ ఘటన భద్రాద్రి కొత్తగూడెం జిల్లాలో చర్చనీయాంశంగా మారింది.పరారైన గంజాయి కేసు నిందితుడి కోసం పోలీసులు, ఎక్సైజ్ అధికారులు గాలింపు చర్యలు చేపట్టినట్లు సమాచారం. ఘటనకు సంబంధించి పూర్తి వివరాలు అధికారికంగా వెల్లడించాల్సి ఉంది.

ఖమ్మం రిపోర్టర్

ఖమ్మం (గ్రామీణ), ఖమ్మం, తెలంగాణ•

5 hrs ago

భద్రాచలం ఎక్సైజ్ కార్యాలయం నుంచి గంజాయి కేసు నిందితుడు పరార్.. సీఐ, కానిస్టేబుల్ సస్పెన్షన్‌తో ఉన్నతాధికారుల చర్యలు ఇప్పుడు హాట్ టాపిక్‌గా మారాయి. భద్రాద్రి కొత్తగూడెం జిల్లా భద్రాచలంలో ఎక్సైజ్ శాఖలో కలకలం రేపిన ఘటన చోటుచేసుకుంది. గంజాయి కేసులో పట్టుబడిన ఓ నిందితుడు ఎక్సైజ్ కార్యాలయం నుంచి తప్పించుకుని పరారైన ఘటనపై ఉన్నతాధికారులు తీవ్రంగా స్పందించారు.గంజాయి కేసులో పట్టుబడిన నిందితుడు ఎక్సైజ్ కార్యాలయంలో ఉండగా అక్కడి నుంచి తప్పించుకుని పరారైనట్లు సమాచారం. ఈ ఘటనపై ఉన్నతాధికారులు విచారణ చేపట్టి.. విధుల్లో నిర్లక్ష్యం వహించినట్లు భావించిన ఎక్సైజ్ సీఐతో పాటు ఓ కానిస్టేబుల్‌పై సస్పెన్షన్ వేటు వేశారు.నిందితుడు ఎక్సైజ్ కార్యాలయం నుంచి ఎలా తప్పించుకున్నాడు..? అతడి భద్రత విషయంలో సిబ్బంది ఎలాంటి జాగ్రత్తలు తీసుకున్నారు..? నిందితుడు పరారయ్యే సమయంలో విధుల్లో ఉన్న అధికారులు, సిబ్బంది నిర్లక్ష్యం వహించారా..? అనే కోణాల్లో అధికారులు విచారణ జరుపుతున్నట్లు తెలుస్తోంది.ఇప్పటికే సీఐ, కానిస్టేబుల్‌ను సస్పెండ్ చేస్తూ ఉన్నతాధికారులు చర్యలు తీసుకోవడంతో ఈ ఘటన భద్రాద్రి కొత్తగూడెం జిల్లాలో చర్చనీయాంశంగా మారింది.పరారైన గంజాయి కేసు నిందితుడి కోసం పోలీసులు, ఎక్సైజ్ అధికారులు గాలింపు చర్యలు చేపట్టినట్లు సమాచారం. ఘటనకు సంబంధించి పూర్తి వివరాలు అధికారికంగా వెల్లడించాల్సి ఉంది.