रस्त्यावरील अतिक्रमणाने शिवनगर कॉलनीतील वाहनधारक त्रस्त झाले आहेत शिवनगर कॉलनीतील मुख्य रस्त्यावरील अतिक्रमण हटविण्याची रहिवाशांची मागणी; नगर परिषदेकडे निवेदन उदगीर( प्रतिनिधी)उदगीर शहरातील शिवनगर कॉलनी येथील मुख्य रस्त्यावर झालेल्या अतिक्रमणामुळे वाहतुकीसह नागरिकांच्या दैनंदिन ये-जा करण्यास मोठ्या प्रमाणावर अडचणी निर्माण होत असल्याचा आरोप करत शिवनगर कॉलनीतील रहिवाशांनी नगर परिषद प्रशासनाकडे अतिक्रमण हटविण्याची मागणी केली आहे. याबाबत मुख्याधिकारी तथा अध्यक्ष, नगर परिषद उदगीर यांना निवेदन सादर करण्यात आले. निवेदनात म्हटले आहे की, सर्व्हे क्रमांक ३०८, प्लॉट क्रमांक २०१, दुकान क्रमांक ३-२-३७५३/१ समोरील रस्ता मंजूर लेआउटनुसार सुमारे ३० फूट रुंदीचा आहे. मात्र, संबंधित ठिकाणी झालेल्या अतिक्रमणामुळे रस्त्याची रुंदी कमी होऊन ती सध्या केवळ १७ ते १८ फूट इतकीच उरली आहे. हा रस्ता शिवनगर कॉलनीतील प्रमुख मार्ग असल्याने वाहनचालक, पादचारी तसेच परिसरातील नागरिकांना दररोज वाहतूक कोंडी व गैरसोयींचा सामना करावा लागत आहे. यामुळे संबंधित अतिक्रमण तात्काळ हटवून रस्ता मूळ मंजूर रुंदीनुसार उपलब्ध करून द्यावा तसेच या प्रकरणात आवश्यक ती कायदेशीर कार्यवाही लवकरात लवकर करण्यात यावी, अशी मागणी शिवनगर कॉलनीतील रहिवाशांनी नगर परिषद प्रशासनाकडे केली आहे. प्रशासनाने या मागणीची दखल घेऊन त्वरित कारवाई करावी, अशी अपेक्षाही नागरिकांनी व्यक्त केली आहे.

Laxman Ugile

उदगीर, लातूर, महाराष्ट्र•

6 hrs ago

रस्त्यावरील अतिक्रमणाने शिवनगर कॉलनीतील वाहनधारक त्रस्त झाले आहेत शिवनगर कॉलनीतील मुख्य रस्त्यावरील अतिक्रमण हटविण्याची रहिवाशांची मागणी; नगर परिषदेकडे निवेदन उदगीर( प्रतिनिधी)उदगीर शहरातील शिवनगर कॉलनी येथील मुख्य रस्त्यावर झालेल्या अतिक्रमणामुळे वाहतुकीसह नागरिकांच्या दैनंदिन ये-जा करण्यास मोठ्या प्रमाणावर अडचणी निर्माण होत असल्याचा आरोप करत शिवनगर कॉलनीतील रहिवाशांनी नगर परिषद प्रशासनाकडे अतिक्रमण हटविण्याची मागणी केली आहे. याबाबत मुख्याधिकारी तथा अध्यक्ष, नगर परिषद उदगीर यांना निवेदन सादर करण्यात आले. निवेदनात म्हटले आहे की, सर्व्हे क्रमांक ३०८, प्लॉट क्रमांक २०१, दुकान क्रमांक ३-२-३७५३/१ समोरील रस्ता मंजूर लेआउटनुसार सुमारे ३० फूट रुंदीचा आहे. मात्र, संबंधित ठिकाणी झालेल्या अतिक्रमणामुळे रस्त्याची रुंदी कमी होऊन ती सध्या केवळ १७ ते १८ फूट इतकीच उरली आहे. हा रस्ता शिवनगर कॉलनीतील प्रमुख मार्ग असल्याने वाहनचालक, पादचारी तसेच परिसरातील नागरिकांना दररोज वाहतूक कोंडी व गैरसोयींचा सामना करावा लागत आहे. यामुळे संबंधित अतिक्रमण तात्काळ हटवून रस्ता मूळ मंजूर रुंदीनुसार उपलब्ध करून द्यावा तसेच या प्रकरणात आवश्यक ती कायदेशीर कार्यवाही लवकरात लवकर करण्यात यावी, अशी मागणी शिवनगर कॉलनीतील रहिवाशांनी नगर परिषद प्रशासनाकडे केली आहे. प्रशासनाने या मागणीची दखल घेऊन त्वरित कारवाई करावी, अशी अपेक्षाही नागरिकांनी व्यक्त केली आहे.