परळी वैजनाथ येथील ज्ञान प्रबोधिनी विकास शिक्षण प्रसारक मंडळ संचलित अभिनव विद्यालयात, नेहरू चौक येथे पुण्यश्लोक अहिल्याबाई होळकर यांची जयंती साजरी करण्यात आली. संस्थेचे अध्यक्ष राजाभाऊ जब्दे, सचिव परळी भूषण साहेबराव फड आणि कार्यवाहक तथा अभिनव विद्यालयाचे मुख्याध्यापक सूर्यकांत कातकडे यांच्या मार्गदर्शनाखाली हा कार्यक्रम आयोजित करण्यात आला होता. यावेळी मुख्याध्यापक सूर्यकांत कातकडे यांच्या हस्ते पुण्यश्लोक अहिल्याबाई होळकर यांच्या प्रतिमेचे पूजन करून पुष्पहार अर्पण करण्यात आला. कार्यक्रमाला शिक्षक व शिक्षकेतर कर्मचारी उपस्थित होते. अहिल्याबाई होळकर यांचा जन्म ३१ मे १७२५ रोजी महाराष्ट्रातील अहमदनगर जिल्ह्यातील जामखेड तालुक्यातील चौंडी खेड्यात झाला होता. त्यांचे वडील माणकोजी शिंदे हे त्या गावचे पाटील होते. स्त्रीशिक्षण फारसे प्रचलित नसतानाही त्यांच्या वडिलांनी त्यांना लिहिण्यावाचण्यास शिकवले. एका आख्यायिकेनुसार, पुण्यास जाताना मल्हारराव होळकर यांनी ८ वर्षांच्या अहिल्यादेवींना चौंडी येथील एका देवळात पाहिले. मुलगी आवडल्यामुळे त्यांनी तिला स्वतःचा मुलगा खंडेराव यांची वधू म्हणून निवडले. अहिल्यादेवींचे पती खंडेराव होळकर हे १७५४ मध्ये कुम्हेरच्या लढाईत धारातीर्थी पडले. त्यांच्या निधनानंतर सासरे मल्हाररावांनी अहिल्याबाईंना सती जाऊ दिले नाही. बारा वर्षांनंतर मल्हारराव होळकर यांचेही निधन झाले आणि त्यानंतर अहिल्याबाईंनी धनगर साम्राज्याच्या माळवा प्रांताचा कारभार सांभाळला. अहिल्याबाई होळकर आपल्या उचित न्यायदानासाठी प्रसिद्ध होत्या. त्यांनी भारतभरात अनेक हिंदू मंदिरे आणि नदीघाट बांधले. एवढेच नाही तर त्यांनी लोकांना रोजगार उपलब्ध व्हावा यासाठी औद्योगिक धोरणे आखली आणि अनेक प्रसिद्ध हिंदू मंदिरांचा जीर्णोद्धार केला. त्यांनी महेश्वर आणि इंदूर ही गावे सुंदर बनवली. त्या अनेक देवळांच्या आश्रयदात्या होत्या आणि अनेक तीर्थक्षेत्री, ज्यात द्वारका, काशी, उज्जैन, नाशिक व परळी वैजनाथ यांचा प्रामुख्याने समावेश आहे, धर्मशाळा बांधल्या. वेरावळ येथील सोमनाथचे महमूद गझनीने ध्वस्त केलेले देऊळ पाहून अहिल्यादेवींनी त्याच्या शेजारीच शंकराचे एक देऊळ बांधले, ज्याला सोमनाथला जाणारे लोक आजही भेट देतात. अहिल्याबाईंना प्रजेच्या कल्याणाची कामे करण्याची आवड होती.

M. p. gitte

परळी, बीड, महाराष्ट्र•

1 hr ago

परळी वैजनाथ येथील ज्ञान प्रबोधिनी विकास शिक्षण प्रसारक मंडळ संचलित अभिनव विद्यालयात, नेहरू चौक येथे पुण्यश्लोक अहिल्याबाई होळकर यांची जयंती साजरी करण्यात आली. संस्थेचे अध्यक्ष राजाभाऊ जब्दे, सचिव परळी भूषण साहेबराव फड आणि कार्यवाहक तथा अभिनव विद्यालयाचे मुख्याध्यापक सूर्यकांत कातकडे यांच्या मार्गदर्शनाखाली हा कार्यक्रम आयोजित करण्यात आला होता. यावेळी मुख्याध्यापक सूर्यकांत कातकडे यांच्या हस्ते पुण्यश्लोक अहिल्याबाई होळकर यांच्या प्रतिमेचे पूजन करून पुष्पहार अर्पण करण्यात आला. कार्यक्रमाला शिक्षक व शिक्षकेतर कर्मचारी उपस्थित होते. अहिल्याबाई होळकर यांचा जन्म ३१ मे १७२५ रोजी महाराष्ट्रातील अहमदनगर जिल्ह्यातील जामखेड तालुक्यातील चौंडी खेड्यात झाला होता. त्यांचे वडील माणकोजी शिंदे हे त्या गावचे पाटील होते. स्त्रीशिक्षण फारसे प्रचलित नसतानाही त्यांच्या वडिलांनी त्यांना लिहिण्यावाचण्यास शिकवले. एका आख्यायिकेनुसार, पुण्यास जाताना मल्हारराव होळकर यांनी ८ वर्षांच्या अहिल्यादेवींना चौंडी येथील एका देवळात पाहिले. मुलगी आवडल्यामुळे त्यांनी तिला स्वतःचा मुलगा खंडेराव यांची वधू म्हणून निवडले. अहिल्यादेवींचे पती खंडेराव होळकर हे १७५४ मध्ये कुम्हेरच्या लढाईत धारातीर्थी पडले. त्यांच्या निधनानंतर सासरे मल्हाररावांनी अहिल्याबाईंना सती जाऊ दिले नाही. बारा वर्षांनंतर मल्हारराव होळकर यांचेही निधन झाले आणि त्यानंतर अहिल्याबाईंनी धनगर साम्राज्याच्या माळवा प्रांताचा कारभार सांभाळला. अहिल्याबाई होळकर आपल्या उचित न्यायदानासाठी प्रसिद्ध होत्या. त्यांनी भारतभरात अनेक हिंदू मंदिरे आणि नदीघाट बांधले. एवढेच नाही तर त्यांनी लोकांना रोजगार उपलब्ध व्हावा यासाठी औद्योगिक धोरणे आखली आणि अनेक प्रसिद्ध हिंदू मंदिरांचा जीर्णोद्धार केला. त्यांनी महेश्वर आणि इंदूर ही गावे सुंदर बनवली. त्या अनेक देवळांच्या आश्रयदात्या होत्या आणि अनेक तीर्थक्षेत्री, ज्यात द्वारका, काशी, उज्जैन, नाशिक व परळी वैजनाथ यांचा प्रामुख्याने समावेश आहे, धर्मशाळा बांधल्या. वेरावळ येथील सोमनाथचे महमूद गझनीने ध्वस्त केलेले देऊळ पाहून अहिल्यादेवींनी त्याच्या शेजारीच शंकराचे एक देऊळ बांधले, ज्याला सोमनाथला जाणारे लोक आजही भेट देतात. अहिल्याबाईंना प्रजेच्या कल्याणाची कामे करण्याची आवड होती.