ಚಿಕ್ಕೋಡಿ ಪಟ್ಟಣದ ರಾಘವೇಂದ್ರ ಹೊಟೇಲ್ ಪಕ್ಕದಲ್ಲಿ ಪಾನ-ಬಿಡಿ ಅಂಗಡಿ ನಡೆಸುತ್ತಿರುವ ರಾಜೀವ ಶೆಟ್ಟಿ ಎಂಬುವರು, 2026ರ ಜೂನ್ 14ರಂದು ಸಂಜೆ ಅಪರಿಚಿತ ಯುವಕನೊಬ್ಬನಿಗೆ ಸೇರಿದ ಕಳೆದುಹೋಗಿದ್ದ ಪಾಕೀಟನ್ನು ಪ್ರಾಮಾಣಿಕವಾಗಿ ಹಿಂದಿರುಗಿಸಿದ್ದಾರೆ. ಯುವಕ ರಾಜೀವ್ ಅವರ ಅಂಗಡಿಯಿಂದ ವ್ಯಾಪಾರ ಮಾಡಿ ತೆರಳಿದ ನಂತರ ಆತನ ಪಾಕೀಟು ಅಂಗಡಿಯ ಮುಂದೆ ಬಿದ್ದಿತ್ತು. ಇದನ್ನು ಆರಂಭದಲ್ಲಿ ಯಾರೂ ಗಮನಿಸಿರಲಿಲ್ಲ, ಆದರೆ ಕೆಲ ಸಮಯದ ನಂತರ ರಾಜೀವ್ ಅವರ ಗಮನಕ್ಕೆ ಬಂದಾಗ ಅದನ್ನು ಎತ್ತಿಕೊಂಡು ಪರ್ಸ್ ಯಾರದು ಎಂದು ಯೋಚಿಸಿದ್ದಾರೆ. ಗುರುತು ಸಿಗದಿದ್ದಾಗ ಅವರು ಪಾಕೀಟು ತೆರೆದು ನೋಡಿದಾಗ ಅದರಲ್ಲಿ ಸುಮಾರು ₹10,000 ನಗದು ಹಾಗೂ ಮಹತ್ವದ ಕಾರ್ಡ್‌ಗಳು ಇರುವುದನ್ನು ಕಂಡು ಆಶ್ಚರ್ಯಚಕಿತರಾದರು. ಪಾಕೀಟಿನಲ್ಲಿ VRL ಬಸ್ ಟಿಕೆಟ್ ಸಹ ಇತ್ತು. ಯಾರಾದರೂ ಪಾಕೀಟು ಹುಡುಕಿಕೊಂಡು ಬರಬಹುದೆಂದು ರಾಜೀವ್ ಕಾದಿರುವಾಗ, ಸ್ವಲ್ಪ ಸಮಯದ ನಂತರ ಆ ಅಪರಿಚಿತ ಯುವಕ ಅಲ್ಲಿಗೆ ಬಂದು ಪಾಕೀಟು ಕಂಡಿದ್ದೀರಾ ಎಂದು ವಿಚಾರಿಸಿದ್ದಾನೆ. ತಕ್ಷಣವೇ ರಾಜೀವ್ ಅವರು ಪಾಕೀಟನ್ನು ಆ ಯುವಕನ ಕೈಗೆ ನೀಡಿ ತಮ್ಮ ಮಾನವೀಯತೆಯನ್ನು ಪ್ರದರ್ಶಿಸಿದ್ದಾರೆ. ರಾಜೀವ್ ಅವರ ಈ ಪ್ರಾಮಾಣಿಕ ವರ್ತನೆಗೆ ಮೆಚ್ಚಿದ ಯುವಕ ₹1,000 ಹಣವನ್ನು ನೀಡಲು ಮುಂದಾಗಿದ್ದಾನೆ. ಆದರೆ, ಸದಾ ಅಡಚಣೆಯಲ್ಲಿರುವ ರಾಜೀವ್ ಅವರು ಆ ಹಣವನ್ನು ಸ್ವೀಕರಿಸಲು ನಿರಾಕರಿಸಿ, “ಪರರ ಹಣ ನಮಗೆ ಬೇಕಿಲ್ಲ ಸರ್, ಧನ್ಯವಾದಗಳು” ಎಂದು ನಗುಮುಖದಿಂದ ಆ ಯುವಕನನ್ನು ಕಳುಹಿಸಿದ್ದಾರೆ. ಎಷ್ಟೇ ಬಡತನವಿದ್ದರೂ ತಮ್ಮ ಪ್ರಾಮಾಣಿಕ ಬದುಕನ್ನು ನಡೆಸುವ ರಾಜೀವ್ ಅವರಂತಹ ಗುಣವಂತರನ್ನು ಪ್ರಶಂಸಿಸಬೇಕು ಎಂದು ಈ ಘಟನೆಯು ಸಾರಿದೆ. ರಾಜೀವ್ ಅವರ ಈ ಕಾರ್ಯವನ್ನು ಅರಿತ ಸಂಯುಕ್ತ ಕರ್ನಾಟಕ ಕನ್ನಡ ದಿನಪತ್ರಿಕೆಯ ವರದಿಗಾರ ಸುಧೀರ ಕುಂಭೋಜಕರ ಹಾಗೂ ಸಮಾನ ಮನಸ್ಕರು ರಾಜೀವ್ ಅವರಿಗೆ ಶಾಲು ಹೊದಿಸಿ, ಹಾರ ಹಾಕಿ, ಸಿಹಿ ನೀಡಿ ಸತ್ಕರಿಸಿದರು. ಈ ಸಂದರ್ಭದಲ್ಲಿ ಚಂದ್ರಕಾಂತ ಹುಕ್ಕೇರಿ, ಅಶೋಕ ಶೆಟ್ಟಿ, ಸಂಯುಕ್ತ ಕ್ರಾಂತಿ ದಿನಪತ್ರಿಕೆ ವರದಿಗಾರ ನದೀಮ ನಾಯಿಕವಾಡಿ, ಸುಭಾಷಿತ ದಿನಪತ್ರಿಕೆ ವರದಿಗಾರ ಶಿವಾನಂದ ಭಂಡಾರಿ ಸೇರಿದಂತೆ ರಾಘವೇಂದ್ರ ಹೊಟೇಲ್ ಸಿಬ್ಬಂದಿಯವರು ಉಪಸ್ಥಿತರಿದ್ದರು. ಹಿರಿಯ ಪತ್ರಕರ್ತರು ಸುಧೀರ ಕುಂಭೋಜಕರ ಮತ್ತು ಸಮಾಜ ಸೇವಕರು ಚಂದ್ರಕಾಂತ ಹುಕ್ಕೇರಿ ಅವರಿಂದ ರಾಜೀವ್ ಶೆಟ್ಟಿ ಅವರಿಗೆ ಈ ಸನ್ಮಾನ ನಡೆದಿದೆ.

ನದೀಮ ನಾಯಕವಾಡಿ

Voice of people Chikodi, Belagavi•

1 hr ago

ಚಿಕ್ಕೋಡಿ ಪಟ್ಟಣದ ರಾಘವೇಂದ್ರ ಹೊಟೇಲ್ ಪಕ್ಕದಲ್ಲಿ ಪಾನ-ಬಿಡಿ ಅಂಗಡಿ ನಡೆಸುತ್ತಿರುವ ರಾಜೀವ ಶೆಟ್ಟಿ ಎಂಬುವರು, 2026ರ ಜೂನ್ 14ರಂದು ಸಂಜೆ ಅಪರಿಚಿತ ಯುವಕನೊಬ್ಬನಿಗೆ ಸೇರಿದ ಕಳೆದುಹೋಗಿದ್ದ ಪಾಕೀಟನ್ನು ಪ್ರಾಮಾಣಿಕವಾಗಿ ಹಿಂದಿರುಗಿಸಿದ್ದಾರೆ. ಯುವಕ ರಾಜೀವ್ ಅವರ ಅಂಗಡಿಯಿಂದ ವ್ಯಾಪಾರ ಮಾಡಿ ತೆರಳಿದ ನಂತರ ಆತನ ಪಾಕೀಟು ಅಂಗಡಿಯ ಮುಂದೆ ಬಿದ್ದಿತ್ತು. ಇದನ್ನು ಆರಂಭದಲ್ಲಿ ಯಾರೂ ಗಮನಿಸಿರಲಿಲ್ಲ, ಆದರೆ ಕೆಲ ಸಮಯದ ನಂತರ ರಾಜೀವ್ ಅವರ ಗಮನಕ್ಕೆ ಬಂದಾಗ ಅದನ್ನು ಎತ್ತಿಕೊಂಡು ಪರ್ಸ್ ಯಾರದು ಎಂದು ಯೋಚಿಸಿದ್ದಾರೆ. ಗುರುತು ಸಿಗದಿದ್ದಾಗ ಅವರು ಪಾಕೀಟು ತೆರೆದು ನೋಡಿದಾಗ ಅದರಲ್ಲಿ ಸುಮಾರು ₹10,000 ನಗದು ಹಾಗೂ ಮಹತ್ವದ ಕಾರ್ಡ್‌ಗಳು ಇರುವುದನ್ನು ಕಂಡು ಆಶ್ಚರ್ಯಚಕಿತರಾದರು. ಪಾಕೀಟಿನಲ್ಲಿ VRL ಬಸ್ ಟಿಕೆಟ್ ಸಹ ಇತ್ತು. ಯಾರಾದರೂ ಪಾಕೀಟು ಹುಡುಕಿಕೊಂಡು ಬರಬಹುದೆಂದು ರಾಜೀವ್ ಕಾದಿರುವಾಗ, ಸ್ವಲ್ಪ ಸಮಯದ ನಂತರ ಆ ಅಪರಿಚಿತ ಯುವಕ ಅಲ್ಲಿಗೆ ಬಂದು ಪಾಕೀಟು ಕಂಡಿದ್ದೀರಾ ಎಂದು ವಿಚಾರಿಸಿದ್ದಾನೆ. ತಕ್ಷಣವೇ ರಾಜೀವ್ ಅವರು ಪಾಕೀಟನ್ನು ಆ ಯುವಕನ ಕೈಗೆ ನೀಡಿ ತಮ್ಮ ಮಾನವೀಯತೆಯನ್ನು ಪ್ರದರ್ಶಿಸಿದ್ದಾರೆ. ರಾಜೀವ್ ಅವರ ಈ ಪ್ರಾಮಾಣಿಕ ವರ್ತನೆಗೆ ಮೆಚ್ಚಿದ ಯುವಕ ₹1,000 ಹಣವನ್ನು ನೀಡಲು ಮುಂದಾಗಿದ್ದಾನೆ. ಆದರೆ, ಸದಾ ಅಡಚಣೆಯಲ್ಲಿರುವ ರಾಜೀವ್ ಅವರು ಆ ಹಣವನ್ನು ಸ್ವೀಕರಿಸಲು ನಿರಾಕರಿಸಿ, “ಪರರ ಹಣ ನಮಗೆ ಬೇಕಿಲ್ಲ ಸರ್, ಧನ್ಯವಾದಗಳು” ಎಂದು ನಗುಮುಖದಿಂದ ಆ ಯುವಕನನ್ನು ಕಳುಹಿಸಿದ್ದಾರೆ. ಎಷ್ಟೇ ಬಡತನವಿದ್ದರೂ ತಮ್ಮ ಪ್ರಾಮಾಣಿಕ ಬದುಕನ್ನು ನಡೆಸುವ ರಾಜೀವ್ ಅವರಂತಹ ಗುಣವಂತರನ್ನು ಪ್ರಶಂಸಿಸಬೇಕು ಎಂದು ಈ ಘಟನೆಯು ಸಾರಿದೆ. ರಾಜೀವ್ ಅವರ ಈ ಕಾರ್ಯವನ್ನು ಅರಿತ ಸಂಯುಕ್ತ ಕರ್ನಾಟಕ ಕನ್ನಡ ದಿನಪತ್ರಿಕೆಯ ವರದಿಗಾರ ಸುಧೀರ ಕುಂಭೋಜಕರ ಹಾಗೂ ಸಮಾನ ಮನಸ್ಕರು ರಾಜೀವ್ ಅವರಿಗೆ ಶಾಲು ಹೊದಿಸಿ, ಹಾರ ಹಾಕಿ, ಸಿಹಿ ನೀಡಿ ಸತ್ಕರಿಸಿದರು. ಈ ಸಂದರ್ಭದಲ್ಲಿ ಚಂದ್ರಕಾಂತ ಹುಕ್ಕೇರಿ, ಅಶೋಕ ಶೆಟ್ಟಿ, ಸಂಯುಕ್ತ ಕ್ರಾಂತಿ ದಿನಪತ್ರಿಕೆ ವರದಿಗಾರ ನದೀಮ ನಾಯಿಕವಾಡಿ, ಸುಭಾಷಿತ ದಿನಪತ್ರಿಕೆ ವರದಿಗಾರ ಶಿವಾನಂದ ಭಂಡಾರಿ ಸೇರಿದಂತೆ ರಾಘವೇಂದ್ರ ಹೊಟೇಲ್ ಸಿಬ್ಬಂದಿಯವರು ಉಪಸ್ಥಿತರಿದ್ದರು. ಹಿರಿಯ ಪತ್ರಕರ್ತರು ಸುಧೀರ ಕುಂಭೋಜಕರ ಮತ್ತು ಸಮಾಜ ಸೇವಕರು ಚಂದ್ರಕಾಂತ ಹುಕ್ಕೇರಿ ಅವರಿಂದ ರಾಜೀವ್ ಶೆಟ್ಟಿ ಅವರಿಗೆ ಈ ಸನ್ಮಾನ ನಡೆದಿದೆ.