भादा पोलिसांनी एका मोठ्या कारवाईत ११ वर्षांपासून फरार असलेल्या चंदनाच्या झाडाचा गाभा चोरणाऱ्या दोन आरोपींना अटक केली आहे. कायद्याला वर्षानुवर्षे चकमा देणाऱ्या फरार आरोपींना न्यायालयासमोर उभे करण्याच्या उद्देशाने जिल्हा पोलीस दलाने पोलीस अधीक्षक अमोल तांबे यांच्या नेतृत्वाखाली विशेष मोहीम सुरू केली होती, ज्याला अपर पोलीस अधीक्षक मंगेश चव्हाण यांच्या मार्गदर्शनाखाली आणखी एक उल्लेखनीय यश मिळाले आहे. ही घटना ५ ऑगस्ट २०१५ ते ६ ऑगस्ट २०१५ च्या मध्यरात्रीदरम्यान घडली होती, जेव्हा बेलकुंड येथील प्राथमिक आरोग्य केंद्राच्या परिसरातील चंदनाच्या झाडाचा गाभा अज्ञात व्यक्तींनी चोरून नेला होता. चोरीस गेलेल्या चंदनाची किंमत सुमारे ५ हजार रुपये होती. या प्रकरणी, प्राथमिक आरोग्य केंद्र, बेलकुंड येथील वैद्यकीय अधिकारी डॉ. किरण पळंगे यांच्या फिर्यादीवरून ६ ऑगस्ट २०१५ रोजी भादा पोलीस ठाण्यात गुरनं. ६६/२०१५, कलम ३७९ भादंवि तसेच भारतीय वन अधिनियमांतर्गत गुन्हा दाखल करण्यात आला होता. या गुन्ह्याच्या तपासादरम्यान यापूर्वी तीन आरोपींना अटक करण्यात आली होती, परंतु नितीन गोरख राऊत (वय ४८ वर्षे, रा. सर्जापूर, ता. बार्शी, जि. सोलापूर) आणि रामचंद्र उर्फ राम धर्मराज माळी (वय ५० वर्षे, रा. नारी, ता. बार्शी, जि. सोलापूर) हे दोन्ही आरोपी गुन्हा दाखल झाल्यापासून फरार होते. विशेष शोध मोहिमेदरम्यान पोलिसांनी तांत्रिक माहिती, गोपनीय बातमीदारांचे जाळे आणि विविध ठिकाणी पडताळणी करून या दोन्ही आरोपींचा शोध घेतला आणि त्यांना ताब्यात घेतले. आरोपींविरुद्ध आवश्यक कायदेशीर प्रक्रिया पूर्ण करून त्यांना पुरवणी दोषारोपपत्रासह माननीय न्यायालयासमोर हजर करण्यात आले आहे. सदर कारवाई सहाय्यक पोलीस निरीक्षक डॉ. विशाल शहाणे, पोहेकॉ फिरोज शेख, कांबळे, पोना पाटील आणि पोअं मोरे यांनी केली.

Nitin Chalak

Media company शिरूर-अनंतपाळ, लातूर, महाराष्ट्र•

6 hrs ago

भादा पोलिसांनी एका मोठ्या कारवाईत ११ वर्षांपासून फरार असलेल्या चंदनाच्या झाडाचा गाभा चोरणाऱ्या दोन आरोपींना अटक केली आहे. कायद्याला वर्षानुवर्षे चकमा देणाऱ्या फरार आरोपींना न्यायालयासमोर उभे करण्याच्या उद्देशाने जिल्हा पोलीस दलाने पोलीस अधीक्षक अमोल तांबे यांच्या नेतृत्वाखाली विशेष मोहीम सुरू केली होती, ज्याला अपर पोलीस अधीक्षक मंगेश चव्हाण यांच्या मार्गदर्शनाखाली आणखी एक उल्लेखनीय यश मिळाले आहे. ही घटना ५ ऑगस्ट २०१५ ते ६ ऑगस्ट २०१५ च्या मध्यरात्रीदरम्यान घडली होती, जेव्हा बेलकुंड येथील प्राथमिक आरोग्य केंद्राच्या परिसरातील चंदनाच्या झाडाचा गाभा अज्ञात व्यक्तींनी चोरून नेला होता. चोरीस गेलेल्या चंदनाची किंमत सुमारे ५ हजार रुपये होती. या प्रकरणी, प्राथमिक आरोग्य केंद्र, बेलकुंड येथील वैद्यकीय अधिकारी डॉ. किरण पळंगे यांच्या फिर्यादीवरून ६ ऑगस्ट २०१५ रोजी भादा पोलीस ठाण्यात गुरनं.

६६/२०१५, कलम ३७९ भादंवि तसेच भारतीय वन अधिनियमांतर्गत गुन्हा दाखल करण्यात आला होता. या गुन्ह्याच्या तपासादरम्यान यापूर्वी तीन आरोपींना अटक करण्यात आली होती, परंतु नितीन गोरख राऊत (वय ४८ वर्षे, रा. सर्जापूर, ता. बार्शी, जि. सोलापूर) आणि रामचंद्र उर्फ राम धर्मराज माळी (वय ५० वर्षे, रा. नारी, ता. बार्शी, जि. सोलापूर) हे दोन्ही आरोपी गुन्हा दाखल झाल्यापासून फरार होते. विशेष शोध मोहिमेदरम्यान पोलिसांनी तांत्रिक माहिती, गोपनीय बातमीदारांचे जाळे आणि विविध ठिकाणी पडताळणी करून या दोन्ही आरोपींचा शोध घेतला आणि त्यांना ताब्यात घेतले. आरोपींविरुद्ध आवश्यक कायदेशीर प्रक्रिया पूर्ण करून त्यांना पुरवणी दोषारोपपत्रासह माननीय न्यायालयासमोर हजर करण्यात आले आहे. सदर कारवाई सहाय्यक पोलीस निरीक्षक डॉ. विशाल शहाणे, पोहेकॉ फिरोज शेख, कांबळे, पोना पाटील आणि पोअं मोरे यांनी केली.