రాష్ట్రంలో కొత్త విద్యా సంవత్సరం ప్రారంభమైనా ప్రభుత్వ పాఠశాలల్లో సమస్యలు పరిష్కారం కాలేదని, ప్రైవేట్, కార్పొరేట్ విద్యాసంస్థల ఫీజులను నియంత్రించాలని భారత విద్యార్థి ఫెడరేషన్ (ఎస్ఎఫ్ఐ) ఆదిలాబాద్ జిల్లా కమిటీ ప్రభుత్వాన్ని డిమాండ్ చేసింది. ఈ మేరకు ఎస్ఎఫ్ఐ నాయకులు ఒక ప్రకటన విడుదల చేశారు. జూన్ 12 నాటికే యూనిఫాంలు, పాఠ్యపుస్తకాలు, నోట్‌బుక్స్ అందిస్తామని ప్రభుత్వం ప్రకటించినా, క్షేత్రస్థాయిలో అమలు కాలేదని ఎస్ఎఫ్ఐ నేతలు విమర్శించారు. పాఠశాలలు ప్రారంభమై చాలా రోజులైనా విద్యార్థులకు ఇంకా పూర్తిస్థాయిలో యూనిఫాంలు అందలేదని, కొన్ని పాఠ్యపుస్తకాల టైటిల్స్ కూడా అందుబాటులో లేవని ఆవేదన వ్యక్తం చేశారు. మధ్యాహ్న భోజన పథకంలో అనేక సమస్యలు వేధిస్తున్నాయని, పెరిగిన ధరలకు అనుగుణంగా మెస్ ఛార్జీల నిధులు పెంచకపోవడంతో విద్యార్థులకు నాణ్యమైన భోజనం అందించడం కష్టంగా మారిందని మండిపడ్డారు. అక్షయపాత్ర, ఇస్కాన్, మన్నా వంటి సంస్థల ద్వారా సరఫరా అవుతున్న భోజనం నాణ్యతపై పలు ప్రాంతాల నుండి ఫిర్యాదులు వస్తున్నాయని, ప్రభుత్వం తగిన నిధులు కేటాయించి నాణ్యమైన ఆహారం అందేలా చర్యలు తీసుకోవాలని కోరారు. ప్రైవేట్, కార్పొరేట్ విద్యాసంస్థలు విద్యను పూర్తిగా వ్యాపారంగా మార్చేశాయని ఎస్ఎఫ్ఐ ధ్వజమెత్తింది. పాఠశాలల పరిసరాల్లోనే పుస్తకాలు, నోట్‌బుక్స్, బెల్టులు, టైలు, షూలు, సాక్సులు వంటి వస్తువులను అధిక ధరలకు విద్యార్థులతో బలవంతంగా కొనుగోలు చేయిస్తున్నారని ఆరోపించారు. పాఠశాలలకు ఆకర్షణీయమైన పేర్లు తగిలించి నర్సరీ స్థాయి నుంచే లక్షలాది రూపాయల ఫీజులను వసూలు చేస్తున్నారని, ఎన్నికల సమయంలో ఇచ్చిన హామీ ప్రకారం ప్రైవేట్ ఫీజులను నియంత్రించే ప్రత్యేక చట్టాన్ని ప్రభుత్వం వెంటనే తీసుకురావాలని డిమాండ్ చేశారు. రాష్ట్రంలోని సుమారు 27,000 ప్రభుత్వ పాఠశాలలను 4,000 పాఠశాలలుగా కుదించే ప్రతిపాదనను ఎస్ఎఫ్ఐ తీవ్రంగా వ్యతిరేకించింది. ఈ నిర్ణయం ప్రభుత్వ విద్యా వ్యవస్థకు తీవ్ర నష్టం కలిగిస్తుందని, పాఠశాలల సంఖ్యను తగ్గించకుండా జనాభా ప్రాతిపదికన కొత్త ప్రభుత్వ పాఠశాలలను ఏర్పాటు చేసి, ఉన్నవాటిని బలోపేతం చేయాలని స్పష్టం చేసింది. ఎస్ఎఫ్ఐ తన ప్రధాన డిమాండ్లను తెలియజేస్తూ, ప్రభుత్వ పాఠశాల విద్యార్థులకు వెంటనే యూనిఫాంలు, పాఠ్యపుస్తకాలు, నోట్‌బుక్స్ పంపిణీ పూర్తి చేయాలని కోరింది. మధ్యాహ్న భోజన పథకానికి బడ్జెట్ నిధులు పెంచి, నాణ్యమైన భోజనం అందించాలని, ప్రైవేట్, కార్పొరేట్ విద్యాసంస్థల ఫీజుల దోపిడీని అరికట్టేందుకు వెంటనే నియంత్రణ చట్టాన్ని అమలు చేయాలని డిమాండ్ చేసింది. అలాగే పాఠశాలల యాజమాన్యాలు సాగిస్తున్న పుస్తకాలు, యూనిఫాంల బలవంతపు విక్రయాలను నిలిపివేయాలని, ప్రభుత్వ పాఠశాలల కుదింపు, మూసివేత నిర్ణయాన్ని ఉపసంహరించుకుని, జనాభా ప్రాతిపదికన కొత్త పాఠశాలలను ఏర్పాటు చేయాలని స్పష్టం చేసింది. ప్రభుత్వ విద్యా వ్యవస్థను బలోపేతం చేయడానికి ప్రత్యేక కార్యాచరణ ప్రణాళికను చేపట్టాలని ఎస్ఎఫ్ఐ డిమాండ్ చేసింది. ఈ కార్యక్రమంలో ఎస్ఎఫ్ఐ నాయకులు సందల్ వార్, ఇషాంత్, ఆదిత్య తదితరులు పాల్గొన్నారు.

AlluriMahesh

Local News Reporter Adilabad Urban, Telangana•

1 hr ago

రాష్ట్రంలో కొత్త విద్యా సంవత్సరం ప్రారంభమైనా ప్రభుత్వ పాఠశాలల్లో సమస్యలు పరిష్కారం కాలేదని, ప్రైవేట్, కార్పొరేట్ విద్యాసంస్థల ఫీజులను నియంత్రించాలని భారత విద్యార్థి ఫెడరేషన్ (ఎస్ఎఫ్ఐ) ఆదిలాబాద్ జిల్లా కమిటీ ప్రభుత్వాన్ని డిమాండ్ చేసింది. ఈ మేరకు ఎస్ఎఫ్ఐ నాయకులు ఒక ప్రకటన విడుదల చేశారు. జూన్ 12 నాటికే యూనిఫాంలు, పాఠ్యపుస్తకాలు, నోట్‌బుక్స్ అందిస్తామని ప్రభుత్వం ప్రకటించినా, క్షేత్రస్థాయిలో అమలు కాలేదని ఎస్ఎఫ్ఐ నేతలు విమర్శించారు. పాఠశాలలు ప్రారంభమై చాలా రోజులైనా విద్యార్థులకు ఇంకా పూర్తిస్థాయిలో యూనిఫాంలు అందలేదని, కొన్ని పాఠ్యపుస్తకాల టైటిల్స్ కూడా అందుబాటులో లేవని ఆవేదన వ్యక్తం చేశారు. మధ్యాహ్న భోజన పథకంలో అనేక సమస్యలు వేధిస్తున్నాయని, పెరిగిన ధరలకు అనుగుణంగా మెస్ ఛార్జీల నిధులు పెంచకపోవడంతో విద్యార్థులకు నాణ్యమైన భోజనం అందించడం కష్టంగా మారిందని మండిపడ్డారు. అక్షయపాత్ర, ఇస్కాన్, మన్నా వంటి సంస్థల ద్వారా సరఫరా అవుతున్న భోజనం నాణ్యతపై పలు ప్రాంతాల నుండి ఫిర్యాదులు వస్తున్నాయని, ప్రభుత్వం తగిన నిధులు కేటాయించి నాణ్యమైన ఆహారం అందేలా చర్యలు తీసుకోవాలని కోరారు. ప్రైవేట్, కార్పొరేట్ విద్యాసంస్థలు విద్యను పూర్తిగా వ్యాపారంగా మార్చేశాయని ఎస్ఎఫ్ఐ ధ్వజమెత్తింది. పాఠశాలల పరిసరాల్లోనే పుస్తకాలు, నోట్‌బుక్స్, బెల్టులు, టైలు, షూలు, సాక్సులు వంటి వస్తువులను అధిక ధరలకు విద్యార్థులతో బలవంతంగా కొనుగోలు చేయిస్తున్నారని ఆరోపించారు. పాఠశాలలకు ఆకర్షణీయమైన పేర్లు తగిలించి నర్సరీ స్థాయి నుంచే లక్షలాది రూపాయల ఫీజులను వసూలు చేస్తున్నారని, ఎన్నికల సమయంలో ఇచ్చిన హామీ ప్రకారం ప్రైవేట్ ఫీజులను నియంత్రించే ప్రత్యేక చట్టాన్ని ప్రభుత్వం వెంటనే తీసుకురావాలని డిమాండ్ చేశారు. రాష్ట్రంలోని సుమారు 27,000 ప్రభుత్వ పాఠశాలలను 4,000 పాఠశాలలుగా కుదించే ప్రతిపాదనను ఎస్ఎఫ్ఐ తీవ్రంగా వ్యతిరేకించింది. ఈ నిర్ణయం ప్రభుత్వ విద్యా వ్యవస్థకు తీవ్ర నష్టం కలిగిస్తుందని, పాఠశాలల సంఖ్యను తగ్గించకుండా జనాభా ప్రాతిపదికన కొత్త ప్రభుత్వ పాఠశాలలను ఏర్పాటు చేసి, ఉన్నవాటిని బలోపేతం చేయాలని స్పష్టం చేసింది. ఎస్ఎఫ్ఐ తన ప్రధాన డిమాండ్లను తెలియజేస్తూ, ప్రభుత్వ పాఠశాల విద్యార్థులకు వెంటనే యూనిఫాంలు, పాఠ్యపుస్తకాలు, నోట్‌బుక్స్ పంపిణీ పూర్తి చేయాలని కోరింది. మధ్యాహ్న భోజన పథకానికి బడ్జెట్ నిధులు పెంచి, నాణ్యమైన భోజనం అందించాలని, ప్రైవేట్, కార్పొరేట్ విద్యాసంస్థల ఫీజుల దోపిడీని అరికట్టేందుకు వెంటనే నియంత్రణ చట్టాన్ని అమలు చేయాలని డిమాండ్ చేసింది. అలాగే పాఠశాలల యాజమాన్యాలు సాగిస్తున్న పుస్తకాలు, యూనిఫాంల బలవంతపు విక్రయాలను నిలిపివేయాలని, ప్రభుత్వ పాఠశాలల కుదింపు, మూసివేత నిర్ణయాన్ని ఉపసంహరించుకుని, జనాభా ప్రాతిపదికన కొత్త పాఠశాలలను ఏర్పాటు చేయాలని స్పష్టం చేసింది. ప్రభుత్వ విద్యా వ్యవస్థను బలోపేతం చేయడానికి ప్రత్యేక కార్యాచరణ ప్రణాళికను చేపట్టాలని ఎస్ఎఫ్ఐ డిమాండ్ చేసింది. ఈ కార్యక్రమంలో ఎస్ఎఫ్ఐ నాయకులు సందల్ వార్, ఇషాంత్, ఆదిత్య తదితరులు పాల్గొన్నారు.