गडचिरोली जिल्ह्यातील सिरोंचा तालुक्यातील सोमनपल्ली-कोपेला मार्गाची पावसामुळे अत्यंत दयनीय अवस्था झाली असून संपूर्ण रस्ता चिखलमय झाला आहे. ठिकठिकाणी पडलेले मोठे खड्डे, साचलेले पाणी आणि गुडघाभर चिखलामुळे वाहनचालकांना आपला जीव धोक्यात घालून प्रवास करावा लागत आहे. पावसाळ्यात ही परिस्थिती आणखी गंभीर बनल्यामुळे स्थानिक नागरिकांमध्ये प्रशासनाविरोधात तीव्र संताप आणि नाराजी व्यक्त होत आहे. रस्त्याची वेळेत दुरुस्ती न झाल्यामुळे ग्रामस्थांना मोठा मनस्ताप सहन करावा लागत आहे. या मार्गावरून दररोज ग्रामस्थ, शेतकरी, विद्यार्थी, शासकीय कर्मचारी तसेच रुग्णांची वाहतूक होत असते. मात्र, रस्त्यावरील चिखलामुळे दुचाकी वाहने वारंवार घसरत असून अपघाताचा धोका कमालीचा वाढला आहे. अनेक ठिकाणी नागरिकांवर आपली वाहने चिखलातून ढकलत नेण्याची वेळ येत आहे. याचा अत्यंत विपरीत परिणाम आपत्कालीन वैद्यकीय सेवा, शालेय प्रवास आणि शेतीमाल वाहतुकीवर होत आहे. सातत्याने मागणी करूनही या समस्येचे निवारण न झाल्यामुळे स्थानिक नागरिकांनी सार्वजनिक बांधकाम विभाग व संबंधित प्रशासनाकडे या मार्गाची तातडीने पाहणी करून खडीकरण, पाण्याचा निचरा आणि डांबरीकरणाची कामे हाती घेण्याची मागणी केली आहे. ही कामे न केल्यास या मार्गावर एखादी मोठी दुर्घटना घडण्याची भीती व्यक्त केली जात आहे. या दुरवस्थेमुळे शासनाची सडक योजना दुर्गम भागात अद्याप पोहोचलीच नसल्याचे वास्तव समोर आले आहे. सिरोंचा तालुक्याच्या दुर्गम व अतिदुर्गम भागातील रस्त्यांची मोठी दैनावस्था झाली असून, नागरिक कित्येक वर्षांपासून रस्ता विकासासाठी संघर्ष करत आहेत. विकासकामांसाठी येणारा शासनाचा लाखो रुपयांचा निधी नेमका जातो कुठे, असा संतप्त सवाल आता स्थानिक नागरिकांकडून उपस्थित केला जात आहे.

विवेक मीरालवार

Pharmacist अहेरी, गडचिरोली, महाराष्ट्र•

7 hrs ago

गडचिरोली जिल्ह्यातील सिरोंचा तालुक्यातील सोमनपल्ली-कोपेला मार्गाची पावसामुळे अत्यंत दयनीय अवस्था झाली असून संपूर्ण रस्ता चिखलमय झाला आहे. ठिकठिकाणी पडलेले मोठे खड्डे, साचलेले पाणी आणि गुडघाभर चिखलामुळे वाहनचालकांना आपला जीव धोक्यात घालून प्रवास करावा लागत आहे. पावसाळ्यात ही परिस्थिती आणखी गंभीर बनल्यामुळे स्थानिक नागरिकांमध्ये प्रशासनाविरोधात तीव्र संताप आणि नाराजी व्यक्त होत आहे. रस्त्याची वेळेत दुरुस्ती न झाल्यामुळे ग्रामस्थांना मोठा मनस्ताप सहन करावा लागत आहे. या मार्गावरून दररोज ग्रामस्थ, शेतकरी, विद्यार्थी, शासकीय कर्मचारी तसेच रुग्णांची वाहतूक होत असते. मात्र, रस्त्यावरील चिखलामुळे दुचाकी वाहने वारंवार घसरत असून अपघाताचा धोका कमालीचा वाढला आहे. अनेक ठिकाणी नागरिकांवर आपली वाहने चिखलातून ढकलत नेण्याची वेळ येत आहे. याचा अत्यंत विपरीत परिणाम आपत्कालीन वैद्यकीय सेवा, शालेय प्रवास आणि शेतीमाल वाहतुकीवर होत आहे. सातत्याने मागणी करूनही या समस्येचे निवारण न झाल्यामुळे स्थानिक नागरिकांनी सार्वजनिक बांधकाम विभाग व संबंधित प्रशासनाकडे या मार्गाची तातडीने पाहणी करून खडीकरण, पाण्याचा निचरा आणि डांबरीकरणाची कामे हाती घेण्याची मागणी केली आहे. ही कामे न केल्यास या मार्गावर एखादी मोठी दुर्घटना घडण्याची भीती व्यक्त केली जात आहे. या दुरवस्थेमुळे शासनाची सडक योजना दुर्गम भागात अद्याप पोहोचलीच नसल्याचे वास्तव समोर आले आहे. सिरोंचा तालुक्याच्या दुर्गम व अतिदुर्गम भागातील रस्त्यांची मोठी दैनावस्था झाली असून, नागरिक कित्येक वर्षांपासून रस्ता विकासासाठी संघर्ष करत आहेत. विकासकामांसाठी येणारा शासनाचा लाखो रुपयांचा निधी नेमका जातो कुठे, असा संतप्त सवाल आता स्थानिक नागरिकांकडून उपस्थित केला जात आहे.