वसईच्या माणिकपूर परिसरातील नागरी प्राथमिक आरोग्य केंद्र दिवान मान येथे एका पती-पत्नीने आरोग्य कर्मचाऱ्याशी हुज्जत घालत उद्धट वर्तन केल्याची घटना समोर आली आहे. संजय मायकल डिसिल्वा (रा. माणिकपूर, वसई वेस्ट) यांनी दिलेल्या तक्रारीनुसार, ११ जुलै २०२६ रोजी सकाळी ११:४० वाजता ते आरोग्य केंद्रात कार्यरत असताना दोन व्यक्ती (पती-पत्नी) उपचारासाठी आले होते. ते डॉक्टरच्या केबिनबाहेर बराच वेळ उभे असल्याने डिसिल्वा यांनी त्यांना बसण्याची विनंती केली. यावर त्या व्यक्तीने "नही बैठना है" असे उद्धटपणे उत्तर दिले. कारण विचारले असता, "माझ्या पत्नीच्या कमरेत दुखत आहे" असे सांगून तो वाद घालू लागला. डिसिल्वा यांनी आधी सांगितले असते तर मी का बोललो असतो असे म्हणताच, त्या व्यक्तीने "तू कोण आहेस तुला मी का सांगू, आपले काम कर, आमच्या टॅक्सवर तुम्ही बोलता, जास्त बोलायचे नाही, तुझ्यासारखे लल्लू पंजू खूप पाहिले आहेत" अशा शब्दांत अपमान केला. यानंतर तिथल्या कर्मचाऱ्यांनी डिसिल्वा यांना कामासाठी बाजूला केले. त्यानंतर त्या व्यक्तीने एका नगरसेवकाला फोन लावून डिसिल्वा यांच्याशी बोलणे करून दिले आणि नंतर दुसऱ्या नगरसेवकालाही फोन लावला. डिसिल्वा यांनी स्वतः नगरसेवकांना भेटून प्रत्यक्ष घडलेला प्रकार सांगितला, तर दुसरीकडे तो व्यक्ती तिथे खोटे बोलत होता. नगरसेवकांनी मध्यस्थी करत हे प्रकरण शांत केले. मात्र, तिथून निघत असताना त्या व्यक्तीने "जर हे प्रकरण इतर कुठे घडले असते तर तू येथून जाऊ शकला नसतास" अशी धमकी डिसिल्वा यांना दिली. ही व्यक्ती दवाखान्यात आल्यावर नेहमीच असे उद्धट वर्तन करत असल्याचे सांगत, संजय मायकल डिसिल्वा यांनी माणिकपूर पोलीस ठाण्याच्या पोलीस निरीक्षकांकडे या प्रकरणी योग्य ती कारवाई करण्याची लेखी मागणी केली आहे.

Sanjay Dsilva

Security Guard वसई, पालघर, महाराष्ट्र•

1 hr ago

वसईच्या माणिकपूर परिसरातील नागरी प्राथमिक आरोग्य केंद्र दिवान मान येथे एका पती-पत्नीने आरोग्य कर्मचाऱ्याशी हुज्जत घालत उद्धट वर्तन केल्याची घटना समोर आली आहे. संजय मायकल डिसिल्वा (रा. माणिकपूर, वसई वेस्ट) यांनी दिलेल्या तक्रारीनुसार, ११ जुलै २०२६ रोजी सकाळी ११:४० वाजता ते आरोग्य केंद्रात कार्यरत असताना दोन व्यक्ती (पती-पत्नी) उपचारासाठी आले होते. ते डॉक्टरच्या केबिनबाहेर बराच वेळ उभे असल्याने डिसिल्वा यांनी त्यांना बसण्याची विनंती केली. यावर त्या व्यक्तीने "नही बैठना है" असे उद्धटपणे उत्तर दिले. कारण विचारले असता, "माझ्या पत्नीच्या कमरेत दुखत आहे" असे सांगून तो वाद घालू लागला. डिसिल्वा यांनी आधी सांगितले असते तर मी का बोललो असतो असे म्हणताच, त्या व्यक्तीने "तू कोण आहेस तुला मी का सांगू, आपले काम कर, आमच्या टॅक्सवर तुम्ही बोलता, जास्त बोलायचे नाही, तुझ्यासारखे लल्लू पंजू खूप पाहिले आहेत" अशा शब्दांत अपमान केला. यानंतर तिथल्या कर्मचाऱ्यांनी डिसिल्वा यांना कामासाठी बाजूला केले. त्यानंतर त्या व्यक्तीने एका नगरसेवकाला फोन लावून डिसिल्वा यांच्याशी बोलणे करून दिले आणि नंतर दुसऱ्या नगरसेवकालाही फोन लावला. डिसिल्वा यांनी स्वतः नगरसेवकांना भेटून प्रत्यक्ष घडलेला प्रकार सांगितला, तर दुसरीकडे तो व्यक्ती तिथे खोटे बोलत होता. नगरसेवकांनी मध्यस्थी करत हे प्रकरण शांत केले. मात्र, तिथून निघत असताना त्या व्यक्तीने "जर हे प्रकरण इतर कुठे घडले असते तर तू येथून जाऊ शकला नसतास" अशी धमकी डिसिल्वा यांना दिली. ही व्यक्ती दवाखान्यात आल्यावर नेहमीच असे उद्धट वर्तन करत असल्याचे सांगत, संजय मायकल डिसिल्वा यांनी माणिकपूर पोलीस ठाण्याच्या पोलीस निरीक्षकांकडे या प्रकरणी योग्य ती कारवाई करण्याची लेखी मागणी केली आहे.