व्यसनमुक्त भारत’ासाठी झील इंटरनॅशनल स्कूलचा निर्धार! १० कोटी व्यसनमुक्त प्रतिज्ञा मोहिमेला विद्यार्थ्यांचा उत्स्फूर्त प्रतिसाद; विकसित भारतासाठी व्यसनमुक्त पिढी घडविण्याचा संकल्प कारंजा (लाड), प्रतिनिधी : कारंजा लाड येथील झील इंटरनॅशनल स्कूलमध्ये ‘नशामुक्त भारत अभियान’ व ‘मिशन स्पंदन’ अंतर्गत ‘१० कोटी व्यसनमुक्त प्रतिज्ञा मोहीम’ १३ ऑगस्ट २०२६ रोजी उत्साहपूर्ण व प्रेरणादायी वातावरणात संपन्न झाली. दादी प्रकाशमणीजींच्या पवित्र स्मृतीस विनम्र अभिवादन करून विकसित भारताच्या दिशेने व्यसनमुक्त समाजनिर्मितीचा संदेश या उपक्रमातून देण्यात आला. कार्यक्रमाची सुरुवात दादी प्रकाशमणीजींच्या प्रतिमेस पुष्पहार अर्पण करून व दीपप्रज्वलनाने करण्यात आली. कार्यक्रमाच्या अध्यक्षस्थानी शाळेच्या अध्यक्षा सौ. चेतना सुनील मेश्राम होत्या. अध्यक्षीय मनोगतात त्यांनी विद्यार्थ्यांच्या उत्तम आरोग्यासोबतच उज्ज्वल भविष्यासाठी व्यसनमुक्त जीवनशैली किती महत्त्वाची आहे, यावर मार्गदर्शन केले. प्रजापिता ब्रह्मकुमारी ईश्वरीय विश्वविद्यालय, कारंजा लाड केंद्राच्या संचालिका ब्रह्मकुमारी मालती दीदी प्रमुख पाहुण्या म्हणून उपस्थित होत्या. त्यांनी राजयोग, सकारात्मक विचार आणि मनाची एकाग्रता यांच्या माध्यमातून व्यसनांपासून दूर राहण्याचा प्रभावी संदेश दिला. कार्यक्रमाच्या प्रमुख वक्त्या रीना चेतवाणी यांनी व्यसनाधीनतेमागील विविध कारणांवर प्रकाश टाकला. ताणतणाव, चुकीची संगत आणि कुतूहल यामुळे तरुण पिढी व्यसनांच्या आहारी जाऊ शकते, असे सांगत त्यांनी व्यसनांचे शरीर, मन, कुटुंब आणि समाजावर होणारे गंभीर दुष्परिणाम विद्यार्थ्यांना सोप्या उदाहरणांतून समजावून सांगितले. व्यसनांपासून दूर राहून सकारात्मक व आनंदी जीवन जगण्याचे आवाहनही त्यांनी केले. यावेळी ‘१० कोटी व्यसनमुक्त प्रतिज्ञा मोहिमे’अंतर्गत उपस्थित विद्यार्थी, शिक्षक व मान्यवरांनी आयुष्यात कोणत्याही प्रकारचे व्यसन करणार नाही तसेच समाज व देश व्यसनमुक्त करण्यासाठी सदैव प्रयत्नशील राहू, अशी सामूहिक प्रतिज्ञा घेतली. हात उंचावून एकमुखाने घेतलेल्या या शपथेने कार्यक्रमस्थळी प्रेरणादायी वातावरण निर्माण झाले. या प्रसंगी डॉ. निखिल कटारिया, रावळे ताई व वानखडे सर यांची प्रमुख उपस्थिती लाभली. कार्यक्रमाच्या यशस्वितेसाठी शाळेच्या अध्यक्षा सौ. चेतना मेश्राम यांनी विशेष मार्गदर्शन केले. कार्यक्रमाचे प्रभावी सूत्रसंचालन प्रवीण गवई सर यांनी केले, तर दिपाली मॅडम यांनी आभार प्रदर्शन केले.

अब्दुल समीर विदर्भ कल्याण प्रत

Carpenter कारंजा, वाशिम, महाराष्ट्र•

8 hrs ago

व्यसनमुक्त भारत’ासाठी झील इंटरनॅशनल स्कूलचा निर्धार! १० कोटी व्यसनमुक्त प्रतिज्ञा मोहिमेला विद्यार्थ्यांचा उत्स्फूर्त प्रतिसाद; विकसित भारतासाठी व्यसनमुक्त पिढी घडविण्याचा संकल्प कारंजा (लाड), प्रतिनिधी : कारंजा लाड येथील झील इंटरनॅशनल स्कूलमध्ये ‘नशामुक्त भारत अभियान’ व ‘मिशन स्पंदन’ अंतर्गत ‘१० कोटी व्यसनमुक्त प्रतिज्ञा मोहीम’ १३ ऑगस्ट २०२६ रोजी उत्साहपूर्ण व प्रेरणादायी वातावरणात संपन्न झाली. दादी प्रकाशमणीजींच्या पवित्र स्मृतीस विनम्र अभिवादन करून विकसित भारताच्या दिशेने व्यसनमुक्त समाजनिर्मितीचा संदेश या उपक्रमातून देण्यात आला. कार्यक्रमाची सुरुवात दादी प्रकाशमणीजींच्या प्रतिमेस पुष्पहार अर्पण करून व दीपप्रज्वलनाने करण्यात आली. कार्यक्रमाच्या अध्यक्षस्थानी शाळेच्या अध्यक्षा सौ. चेतना सुनील मेश्राम होत्या. अध्यक्षीय मनोगतात त्यांनी विद्यार्थ्यांच्या उत्तम आरोग्यासोबतच उज्ज्वल भविष्यासाठी व्यसनमुक्त जीवनशैली किती महत्त्वाची आहे, यावर मार्गदर्शन केले. प्रजापिता ब्रह्मकुमारी ईश्वरीय विश्वविद्यालय, कारंजा लाड केंद्राच्या संचालिका ब्रह्मकुमारी मालती दीदी प्रमुख पाहुण्या म्हणून उपस्थित होत्या. त्यांनी राजयोग, सकारात्मक विचार आणि मनाची एकाग्रता यांच्या माध्यमातून व्यसनांपासून दूर राहण्याचा प्रभावी संदेश दिला. कार्यक्रमाच्या प्रमुख वक्त्या रीना चेतवाणी यांनी व्यसनाधीनतेमागील विविध कारणांवर प्रकाश टाकला. ताणतणाव, चुकीची संगत आणि कुतूहल यामुळे तरुण पिढी व्यसनांच्या आहारी जाऊ शकते, असे सांगत त्यांनी व्यसनांचे शरीर, मन, कुटुंब आणि समाजावर होणारे गंभीर दुष्परिणाम विद्यार्थ्यांना सोप्या उदाहरणांतून समजावून सांगितले. व्यसनांपासून दूर राहून सकारात्मक व आनंदी जीवन जगण्याचे आवाहनही त्यांनी केले. यावेळी ‘१० कोटी व्यसनमुक्त प्रतिज्ञा मोहिमे’अंतर्गत उपस्थित विद्यार्थी, शिक्षक व मान्यवरांनी आयुष्यात कोणत्याही प्रकारचे व्यसन करणार नाही तसेच समाज व देश व्यसनमुक्त करण्यासाठी सदैव प्रयत्नशील राहू, अशी सामूहिक प्रतिज्ञा घेतली. हात उंचावून एकमुखाने घेतलेल्या या शपथेने कार्यक्रमस्थळी प्रेरणादायी वातावरण निर्माण झाले. या प्रसंगी डॉ. निखिल कटारिया, रावळे ताई व वानखडे सर यांची प्रमुख उपस्थिती लाभली. कार्यक्रमाच्या यशस्वितेसाठी शाळेच्या अध्यक्षा सौ. चेतना मेश्राम यांनी विशेष मार्गदर्शन केले. कार्यक्रमाचे प्रभावी सूत्रसंचालन प्रवीण गवई सर यांनी केले, तर दिपाली मॅडम यांनी आभार प्रदर्शन केले.