आंबेगाव, शिरूर आणि जुन्नर तालुक्यात डिटर्जंट, शॅम्पू व घातक रसायनांचा वापर करून बनावट दूध तयार करणाऱ्या रॅकेटचा अन्न व औषध प्रशासनाने (FDA) पर्दाफाश केला आहे. या धडक कारवाईचे लोणी ग्रामपंचायत आणि ग्रामस्थांनी स्वागत केले असून, अन्न व औषध प्रशासनाचे आयुक्त तुकाराम मुंढे यांचे अभिनंदन करत प्रशासनाला जाहीर पाठिंबा दर्शविला आहे. लोणी ग्रामपंचायतीने प्रसिद्धीस दिलेल्या निवेदनात, या प्रकरणात सामील असलेल्या केवळ स्थानिक आरोपींवरच नव्हे, तर रॅकेटचे मुख्य सूत्रधार, आर्थिक लाभार्थी आणि सर्व दोषींवर कठोर गुन्हे दाखल करून त्यांना तात्काळ अटक करण्याची मागणी केली आहे. या प्रकरणाचा खटला जलदगती न्यायालयात चालवून दोषींना कठोर शिक्षा मिळावी, अशी आग्रही भूमिका ग्रामपंचायतीने मांडली आहे. आंबेगाव तालुका हा अल्पभूधारक शेतकऱ्यांचा असून दूध व्यवसाय हा अनेक कुटुंबांच्या उदरनिर्वाहाचा प्रमुख आधार आहे. भेसळखोरांच्या या कृत्यामुळे प्रामाणिक शेतकऱ्यांची प्रतिमा मलीन होत असून त्यांना आर्थिक फटका बसत असल्याचे निवेदनात नमूद करण्यात आले आहे. दूध भेसळीवर कायमस्वरूपी आळा बसल्यास प्रामाणिक शेतकऱ्यांच्या दुधाला योग्य दर मिळण्यास मदत होईल, असा विश्वास ग्रामपंचायतीने व्यक्त केला आहे. भविष्यात अशा घृणास्पद कृत्यांना आळा घालण्यासाठी नागरिकांनी जागरूक राहून प्रशासनाला सहकार्य करावे आणि आरोग्य व शेतकऱ्यांच्या हितासाठी सर्वांनी एकजुटीने उभे राहावे, असे आवाहन ग्रामपंचायत लोणीने केले आहे.

Tejas Walunj

Local News Reporter आंबेगाव, पुणे, महाराष्ट्र•

14 hrs ago

आंबेगाव, शिरूर आणि जुन्नर तालुक्यात डिटर्जंट, शॅम्पू व घातक रसायनांचा वापर करून बनावट दूध तयार करणाऱ्या रॅकेटचा अन्न व औषध प्रशासनाने (FDA) पर्दाफाश केला आहे. या धडक कारवाईचे लोणी ग्रामपंचायत आणि ग्रामस्थांनी स्वागत केले असून, अन्न व औषध प्रशासनाचे आयुक्त तुकाराम मुंढे यांचे अभिनंदन करत प्रशासनाला जाहीर पाठिंबा दर्शविला आहे. लोणी ग्रामपंचायतीने प्रसिद्धीस दिलेल्या निवेदनात, या प्रकरणात सामील असलेल्या केवळ स्थानिक आरोपींवरच नव्हे, तर रॅकेटचे मुख्य सूत्रधार, आर्थिक लाभार्थी आणि सर्व दोषींवर कठोर गुन्हे दाखल करून त्यांना तात्काळ अटक करण्याची मागणी केली आहे. या प्रकरणाचा खटला जलदगती न्यायालयात चालवून दोषींना कठोर शिक्षा मिळावी, अशी आग्रही भूमिका ग्रामपंचायतीने मांडली आहे. आंबेगाव तालुका हा अल्पभूधारक शेतकऱ्यांचा असून दूध व्यवसाय हा अनेक कुटुंबांच्या उदरनिर्वाहाचा प्रमुख आधार आहे. भेसळखोरांच्या या कृत्यामुळे प्रामाणिक शेतकऱ्यांची प्रतिमा मलीन होत असून त्यांना आर्थिक फटका बसत असल्याचे निवेदनात नमूद करण्यात आले आहे. दूध भेसळीवर कायमस्वरूपी आळा बसल्यास प्रामाणिक शेतकऱ्यांच्या दुधाला योग्य दर मिळण्यास मदत होईल, असा विश्वास ग्रामपंचायतीने व्यक्त केला आहे. भविष्यात अशा घृणास्पद कृत्यांना आळा घालण्यासाठी नागरिकांनी जागरूक राहून प्रशासनाला सहकार्य करावे आणि आरोग्य व शेतकऱ्यांच्या हितासाठी सर्वांनी एकजुटीने उभे राहावे, असे आवाहन ग्रामपंचायत लोणीने केले आहे.