ପୁରୀବାସୀଙ୍କ ପାଇଁ ଖୁସି ଖବର ମାସକୁ ଦୁଇ ଶନିବାର ମିଳିବ ବିଶେଷଜ୍ଞ ଡାକ୍ତରଙ୍କ ପରାମର୍ଶ। ୧୯୬୯ ମସିହାରେ ପୁରୀରେ ପ୍ରତିଷ୍ଠିତ ରୋଟାରୀ କ୍ଲବ ପୁରୀ ଏବେ ସେବା କ୍ଷେତ୍ରରେ ଆଉ ଏକ ମାଇଲଖୁଣ୍ଟ ହାସଲ କରିବାକୁ ଯାଉଛି। ଆସନ୍ତା ୨୯ ତାରିଖରୁ ରୋଟାରୀ ଭବନ ପରିସରରେ ଆରମ୍ଭ ହେବ ସୁପରସ୍ପେସିଆଲିଟି କ୍ଲିନିକ୍। ଭୁବନେଶ୍ୱରସ୍ଥିତ ଉତ୍କଳ ହସ୍ପିଟାଲର ସହଯୋଗରେ ନାମମାତ୍ର ଫିସ୍‌ରେ ବିଭିନ୍ନ ରୋଗର ବିଶେଷଜ୍ଞ ପରାମର୍ଶ ମିଳିବ। ୫୭ ବର୍ଷ ଧରି ସେବା, ସଚେତନତା ଓ ସଦ୍ଭାବନାର ବାର୍ତ୍ତା ନେଇ କାର୍ଯ୍ୟ କରିଆସୁଛି ପୁରୀ ରୋଟାରୀ କ୍ଲବ। ଗତ ଚାରି ବର୍ଷରୁ ଅଧିକ ସମୟ ଧରି ରୋଟାରୀ ଭବନ ପରିସରରେ ଚାଲୁଥିବା ରୋଟାରୀ ଚକ୍ଷୁ ଚିକିତ୍ସା ଓ ପରାମର୍ଶ କେନ୍ଦ୍ରରେ ୧୦ ହଜାରରୁ ଅଧିକ ରୋଗୀଙ୍କୁ ପରାମର୍ଶ ଦିଆଯାଇଛି। ସେହିପରି ପ୍ରାୟ ଏକ ହଜାର ରୋଗୀଙ୍କର ମାଗଣାରେ ମୋତିଆବିନ୍ଦୁ ଅସ୍ତ୍ରୋପଚାର ମଧ୍ୟ କରାଯାଇଛି। କ୍ଲବର ୫୮ତମ ବର୍ଷରେ ପୁରୀ ସହରରେ ପ୍ରଥମ ଥର ପାଇଁ ଆରମ୍ଭ ହେବ ସୁପରସ୍ପେସିଆଲିଟି କ୍ଲିନିକ୍। ଆସନ୍ତା ୨୯ ତାରିଖ ପୂର୍ବାହ୍ନରେ ରୋଟାରୀ ଭବନ ପରିସରରେ ଏହାର ଶୁଭାରମ୍ଭ ହେବ। ଭୁବନେଶ୍ୱରସ୍ଥିତ ଉତ୍କଳ ହସ୍ପିଟାଲର ସହଯୋଗରେ ପ୍ରତି ମାସର ଦୁଇଟି ଶନିବାର ଦିନ ବରିଷ୍ଠ ଓ ଅଭିଜ୍ଞ ବିଶେଷଜ୍ଞ ଡାକ୍ତରମାନେ ରୋଗୀଙ୍କୁ ପରାମର୍ଶ ଦେବେ। କ୍ୟାନସର, ଡାଏବେଟିସ୍, ସ୍ତ୍ରୀରୋଗ, ମୂତ୍ରାଶୟ ସମ୍ବନ୍ଧୀୟ ରୋଗ ଓ ସ୍ନାୟୁଜନିତ ରୋଗର ନିରୂପଣ ସହ ଆବଶ୍ୟକ ଚିକିତ୍ସା ପରାମର୍ଶ ନାମମାତ୍ର ଫିସ୍‌ରେ ଉପଲବ୍ଧ ହେବ। ଏହି କ୍ଲିନିକ୍ ଦ୍ୱାରା ପୁରୀର ରୋଗୀ ଓ ସେମାନଙ୍କ ସମ୍ପର୍କୀୟଙ୍କୁ ଭୁବନେଶ୍ୱର ଓ କଟକ ଯାଇ ଚିକିତ୍ସା ପରାମର୍ଶ ନେବାରେ ହେଉଥିବା ଅର୍ଥ, ଶ୍ରମ ଓ ସମୟର ସଞ୍ଚୟ ହୋଇପାରିବ। ବୁଧବାର ରୋଟାରୀ ଭବନ ପରିସରରେ ଆୟୋଜିତ ସାମ୍ବାଦିକ ସମ୍ମିଳନୀରେ କ୍ଲବ ସଭାପତି ବିଜୟ କୁମାର ପତି ଓ ସମ୍ପାଦକ ଭକ୍ତଚରଣ ଦାସ କ୍ଲିନିକ୍ ସମ୍ପର୍କରେ ବିସ୍ତୃତ ସୂଚନା ଦେଇଥିଲେ। ପ୍ରାକ୍ତନ ସଭାପତି ଶୁଭ୍ରାଂଶୁ ଶେଖର ମହାପାତ୍ର, ଜୟ ଦାସଗୁପ୍ତା, ପ୍ରଚାର ପ୍ରସାର ପ୍ରମୁଖ ନାରାୟଣ ଦାଶ, ରବିନାରାୟଣ ମିଶ୍ରଙ୍କ ସମେତ ବହୁ ରୋଟାରିଆନ୍ ସାମ୍ବାଦିକ ସମ୍ମିଳନୀ ପରିଚାଳନାରେ ସହଯୋଗ କରିଥିଲେ। ଏହି ନୂଆ କ୍ଲିନିକ୍ ପୁରୀବାସୀଙ୍କ ପାଇଁ ସହଜ ଓ ସୁଲଭ ବିଶେଷଜ୍ଞ ଚିକିତ୍ସା ପରାମର୍ଶର ଏକ ନୂଆ ଦ୍ୱାର ଖୋଲିବ ବୋଲି ଆଶା କରାଯାଉଛି।ରିପୋର୍ଟର ଡ଼ଃ ମନୋଜ କୁମାର ବଳିଆରସିଂ,ପୁରୀ ।

Dr.Manoj kumar baliarsingh

ପୁରୀ (M), ପୁରୀ, ଓଡ଼ିଶା•

4 hrs ago

ପୁରୀବାସୀଙ୍କ ପାଇଁ ଖୁସି ଖବର ମାସକୁ ଦୁଇ ଶନିବାର ମିଳିବ ବିଶେଷଜ୍ଞ ଡାକ୍ତରଙ୍କ ପରାମର୍ଶ। ୧୯୬୯ ମସିହାରେ ପୁରୀରେ ପ୍ରତିଷ୍ଠିତ ରୋଟାରୀ କ୍ଲବ ପୁରୀ ଏବେ ସେବା କ୍ଷେତ୍ରରେ ଆଉ ଏକ ମାଇଲଖୁଣ୍ଟ ହାସଲ କରିବାକୁ ଯାଉଛି। ଆସନ୍ତା ୨୯ ତାରିଖରୁ ରୋଟାରୀ ଭବନ ପରିସରରେ ଆରମ୍ଭ ହେବ ସୁପରସ୍ପେସିଆଲିଟି କ୍ଲିନିକ୍। ଭୁବନେଶ୍ୱରସ୍ଥିତ ଉତ୍କଳ ହସ୍ପିଟାଲର ସହଯୋଗରେ ନାମମାତ୍ର ଫିସ୍‌ରେ ବିଭିନ୍ନ ରୋଗର ବିଶେଷଜ୍ଞ ପରାମର୍ଶ ମିଳିବ। ୫୭ ବର୍ଷ ଧରି ସେବା, ସଚେତନତା ଓ ସଦ୍ଭାବନାର ବାର୍ତ୍ତା ନେଇ କାର୍ଯ୍ୟ କରିଆସୁଛି ପୁରୀ ରୋଟାରୀ କ୍ଲବ। ଗତ ଚାରି ବର୍ଷରୁ ଅଧିକ ସମୟ ଧରି ରୋଟାରୀ ଭବନ ପରିସରରେ ଚାଲୁଥିବା ରୋଟାରୀ ଚକ୍ଷୁ ଚିକିତ୍ସା ଓ ପରାମର୍ଶ କେନ୍ଦ୍ରରେ ୧୦ ହଜାରରୁ ଅଧିକ ରୋଗୀଙ୍କୁ ପରାମର୍ଶ ଦିଆଯାଇଛି। ସେହିପରି ପ୍ରାୟ ଏକ ହଜାର ରୋଗୀଙ୍କର ମାଗଣାରେ ମୋତିଆବିନ୍ଦୁ ଅସ୍ତ୍ରୋପଚାର ମଧ୍ୟ କରାଯାଇଛି। କ୍ଲବର ୫୮ତମ ବର୍ଷରେ ପୁରୀ ସହରରେ ପ୍ରଥମ ଥର ପାଇଁ ଆରମ୍ଭ ହେବ ସୁପରସ୍ପେସିଆଲିଟି କ୍ଲିନିକ୍। ଆସନ୍ତା ୨୯ ତାରିଖ ପୂର୍ବାହ୍ନରେ ରୋଟାରୀ ଭବନ ପରିସରରେ ଏହାର ଶୁଭାରମ୍ଭ ହେବ। ଭୁବନେଶ୍ୱରସ୍ଥିତ ଉତ୍କଳ ହସ୍ପିଟାଲର ସହଯୋଗରେ

ପ୍ରତି ମାସର ଦୁଇଟି ଶନିବାର ଦିନ ବରିଷ୍ଠ ଓ ଅଭିଜ୍ଞ ବିଶେଷଜ୍ଞ ଡାକ୍ତରମାନେ ରୋଗୀଙ୍କୁ ପରାମର୍ଶ ଦେବେ। କ୍ୟାନସର, ଡାଏବେଟିସ୍, ସ୍ତ୍ରୀରୋଗ, ମୂତ୍ରାଶୟ ସମ୍ବନ୍ଧୀୟ ରୋଗ ଓ ସ୍ନାୟୁଜନିତ ରୋଗର ନିରୂପଣ ସହ ଆବଶ୍ୟକ ଚିକିତ୍ସା ପରାମର୍ଶ ନାମମାତ୍ର ଫିସ୍‌ରେ ଉପଲବ୍ଧ ହେବ। ଏହି କ୍ଲିନିକ୍ ଦ୍ୱାରା ପୁରୀର ରୋଗୀ ଓ ସେମାନଙ୍କ ସମ୍ପର୍କୀୟଙ୍କୁ ଭୁବନେଶ୍ୱର ଓ କଟକ ଯାଇ ଚିକିତ୍ସା ପରାମର୍ଶ ନେବାରେ ହେଉଥିବା ଅର୍ଥ, ଶ୍ରମ ଓ ସମୟର ସଞ୍ଚୟ ହୋଇପାରିବ। ବୁଧବାର ରୋଟାରୀ ଭବନ ପରିସରରେ ଆୟୋଜିତ ସାମ୍ବାଦିକ ସମ୍ମିଳନୀରେ କ୍ଲବ ସଭାପତି ବିଜୟ କୁମାର ପତି ଓ ସମ୍ପାଦକ ଭକ୍ତଚରଣ ଦାସ କ୍ଲିନିକ୍ ସମ୍ପର୍କରେ ବିସ୍ତୃତ ସୂଚନା ଦେଇଥିଲେ। ପ୍ରାକ୍ତନ ସଭାପତି ଶୁଭ୍ରାଂଶୁ ଶେଖର ମହାପାତ୍ର, ଜୟ ଦାସଗୁପ୍ତା, ପ୍ରଚାର ପ୍ରସାର ପ୍ରମୁଖ ନାରାୟଣ ଦାଶ, ରବିନାରାୟଣ ମିଶ୍ରଙ୍କ ସମେତ ବହୁ ରୋଟାରିଆନ୍ ସାମ୍ବାଦିକ ସମ୍ମିଳନୀ ପରିଚାଳନାରେ ସହଯୋଗ କରିଥିଲେ। ଏହି ନୂଆ କ୍ଲିନିକ୍ ପୁରୀବାସୀଙ୍କ ପାଇଁ ସହଜ ଓ ସୁଲଭ ବିଶେଷଜ୍ଞ ଚିକିତ୍ସା ପରାମର୍ଶର ଏକ ନୂଆ ଦ୍ୱାର ଖୋଲିବ ବୋଲି ଆଶା କରାଯାଉଛି।ରିପୋର୍ଟର ଡ଼ଃ ମନୋଜ କୁମାର ବଳିଆରସିଂ,ପୁରୀ ।