প্ৰধানমন্ত্ৰী নৰেন্দ্ৰ মোদীৰ সুশাসন আৰু বিকাশৰ ১২ বছৰ সম্পূৰ্ণ হোৱা উপলক্ষে সমগ্ৰ দেশজুৰি এই অধ্যায় উদযাপন আৰু প্ৰচাৰৰ লক্ষ্যৰে লখিমপুৰতো ক্ৰমাগত দ্বিতীয় দিনৰ বাবে এক যাত্ৰা আয়োজন কৰা হয়। এই যাত্ৰাই বগীনদীত এক উৎসাহী পৰিৱেশ সৃষ্টি কৰে। বগীনদী মণ্ডলৰ উদ্যোগত বগীনদীৰ পৰা বগীনদী প্ৰেক্ষাগৃহ আৰু অতিথিশালালৈকে উলিওৱা এই ‘প্ৰগতি পথ যাত্ৰা’ত বিজেপি জিলা সভাপতি শ্যামল শৰ্মা আৰু ধীৰেন সোণোৱালৰ লগতে বহু উদ্যোগী কাৰ্য্যকতা আৰু বিধায়ক মানৱ ডেকায়ো অংশগ্ৰহণ কৰে।

গহপুৰৰ পথাৰৰ এক বিশেষ দৃশ্যই এক শক্তিশালী বাৰ্তা প্ৰেৰণ কৰিছে। এই দৃশ্য কেৱল কৃষিকার্যৰ নহয়, বৰং ই নাৰীশক্তিৰ জাগৰণ, আত্মবিশ্বাসৰ জয়গান আৰু গ্ৰাম্য অৰ্থনীতিত পৰিৱৰ্তনৰ এক অনুপ্ৰেৰণাদায়ক কাহিনী দাঙি ধৰিছে।

লখিমপুৰ জিলাৰ দ্বিতীয় পুৰণি নগৰ বিহপুৰীয়া, য'ত বৃটিছৰ দিনৰ বেহা-বেপাৰ আৰু আৰক্ষী থানাৰ অস্তিত্বই ইয়াৰ ইতিহাসৰ জ্বলন্ত সাক্ষী। এই সমষ্টি ভিত্তিক ৰাইজে দীৰ্ঘদিন ধৰি প্ৰশাসন যন্ত্ৰক তেওঁলোকৰ কাষলৈ অনাৰ দাবী জনাই আহিছে। বিধায়ক ভূপেন বৰাই এই সপোন বাস্তৱত ৰূপায়িত কৰিবলৈ সংকল্পৱদ্ধ বুলি জনাইছে। বিধায়কগৰাকীয়ে সাংবাদিকসকলক কয় যে যদি তেওঁ বিহপুৰীয়া সমষ্টিত ভূমি বেদখলৰ ক্ষেত্ৰত কোনো ৰাজহুৱা অভিযোগ নাপায়, তেন্তে তেওঁ বিধায়ক হিচাপে কাম কৰাত অসুবিধা হয়। তেওঁ লগতে স্পষ্ট কৰি দিয়ে যে বিহপুৰীয়াত অচিৰেই প্ৰশাসনিক ব্যৱস্থা কাৰ্যকৰী কৰিবলৈ চৰকাৰী ভূমি বেদখলৰ ৰাজহুৱা অভিযোগ লাভ কৰাটো অতি জৰুৰী।

ঐতিহ্যমণ্ডিত শিৱসাগৰ চহৰত পুনৰ শিৱসাগৰ আৰক্ষীয়ে এক সফল ড্ৰাগছ বিৰোধী অভিযান চলাই বৃহৎ সাফল্য লাভ কৰিছে। নগৰ উপ-পৰিদৰ্শক দেৱাশীষ শৰ্মাৰ নেতৃত্বত চলা এই বিশেষ অভিযানত আৰক্ষীয়ে শিৱসাগৰ জেঙনিকটীয়া পুলিচ ৰিজাৰ্ভৰ সমীপৰ পৰা ৮ টাকৈ ড্ৰাগছ ভৰ্তি কন্টেইনাৰ জব্দ কৰিবলৈ সক্ষম হয়। এই ঘটনাৰ ফলত বৰ্তমান সমগ্ৰ অঞ্চলটোত তীব্ৰ চাঞ্চল্যৰ সৃষ্টি হৈছে। আৰক্ষীয়ে ড্ৰাগছখিনি সৰবৰাহ কৰাৰ অভিযোগত নগাঁৱৰ হানিফ আলি নামৰ এজন সন্দেহজনক যুৱকক আটক কৰিছে, যি বৰ্তমান শিৱসাগৰত ভাৰাতীয়া হিচাপে বাস কৰি আছিল। অভিযানকালত যুৱকজনৰ জিম্মাৰ পৰা ড্ৰাগছখিনিৰ লগতে ব্যৱহৃত এ এছ ০৪ এ ডি ১২০৮ (AS 04 AD 1208) নম্বৰৰ এখন এনটৰ্ক স্কুটীও জব্দ কৰা হয়। উল্লেখ্য যে, কালিৰ দিনটোতো শিৱসাগৰ আৰক্ষীয়ে আন এক তীব্ৰ অভিযান চলাই এখন বিলাসী বাহনৰ পৰা ড্ৰাগছ উদ্ধাৰ কৰাৰ লগতে জাহিদ হুছেইন আৰু ৱাচিম হুছেইন নামৰ দুজন যুৱকক আটক কৰিছিল। মাত্ৰ ২৪ ঘণ্টাৰ ভিতৰত শিৱসাগৰ চহৰত এনেদৰে দুটাকৈ ডাঙৰ ড্ৰাগছ উদ্ধাৰৰ ঘটনাই চহৰখন ড্ৰাগছৰ ঘাটিলৈ পৰিণত হৈছে নেকি, তাকলৈ বৰ্তমান সচেতন মহলৰ লগতে স্থানীয় অভিভাৱকসকলক গভীৰভাৱে চিন্তিত কৰি তুলিছে।

আজি বিশ্ব শিশু শ্ৰমিক বিৰোধী দিৱসৰ দিনা চৰাইদেউ জিলাত অভিযান চলাই ১০জন শিশু শ্ৰমিকক উদ্ধাৰ কৰা হৈছে। জিলাখনৰ সোণাৰি, নামতোলা আৰু মথুৰাপুৰ অঞ্চলত চৰাইদেউ জিলাৰ ট্ৰাস্ক ফৰ্চ টিমে এই অভিযান চলায়। চৰকাৰে শিশুসকলৰ বাবে বিনামূলীয়া শিক্ষাৰ ব্যৱস্থা কৰাৰ পাছতো বহু শিশু এতিয়াও শিশু শ্ৰমিক হিচাপে নিয়োজিত হৈ আছে। আজিৰ অভিযানত সোণাৰি আৰু নামতোলাৰ পৰা ৪জন শিশুক উদ্ধাৰ কৰাৰ লগতে মথুৰাপুৰৰ ৰাজা হোটেল, জেপি হোটেল আৰু যাদৱ হোটেলৰ পৰা ৬জন শিশুক হাতে-লোতে উদ্ধাৰ কৰা হয়। উদ্ধাৰ হোৱা শিশুসকলক জিলাৰ শিশু কল্যাণ সমিতিত হাজিৰ কৰোৱা হ'ব আৰু শিশু শ্ৰমিক নিয়োগ কৰা মালিক পক্ষৰ বিৰুদ্ধে আইনী ব্যৱস্থা গ্ৰহণ কৰা হ'ব।

গুৱাহাটীৰ মালিগাঁৱত সংঘটিত এক মৰ্মান্তিক দুৰ্ঘটনাত সোণাৰিৰ এগৰাকী মেধাৱী ছাত্ৰীয়ে অকালতে প্ৰাণ হেৰুৱাবলগীয়া হৈছে। পৰীক্ষা দিবলৈ স্কুটীৰে গৈ থকা অৱস্থাতে পথৰ দাঁতিত থকা বিশাল গছ এজোপা বাগৰি পৰাৰ ফলত ছাত্ৰীগৰাকীৰ থিতাতে মৃত্যু হয়। মৃত ছাত্ৰীগৰাকীক সোণাৰিৰ শান্তিপুৰৰ পৰিস্মিতা হাজৰিকা বুলি চিনাক্ত কৰা হৈছে। এই ঘটনাত আন এজন ছাত্ৰ জ্যোতিৰ্ময় মহন গুৰুতৰভাৱে আহত হৈছে আৰু তেওঁক সংকটজনক অৱস্থাত চিকিৎসালয়ত ভৰ্তি কৰোৱা হৈছে। ইফালে, ঘটনাৰ খবৰ পোৱাৰ পিছতেই পৰিস্মিতা আৰু জ্যোতিৰ্ময়ৰ পৰিয়ালৰ লোকসকল সোণাৰিৰপৰা ইতিমধ্যে গুৱাহাটীলৈ ৰাওনা হৈছে।

গোলাঘাট আৰক্ষীয়ে হেলমেট নিপিন্ধা বাইক আৰোহীসকলৰ বিৰুদ্ধে এক কঠোৰ স্থিতি গ্ৰহণ কৰিছে। গোলাঘাট নগৰৰ বিভিন্ন স্থানত বাইক আৰোহীসকলে যান-বাহন আইন উলংঘা কৰি কোনো সংকোচ অবিহনে হেলমেট পৰিধান নকৰাকৈ ঘুৰি ফুৰা দেখা গৈছে, যাৰ ফলত গোলাঘাটৰ কেইবাঠাইতো বহু ভয়ংকৰ দুৰ্ঘটনা সংঘটিত হৈছে। এনে বহুকেইটা ঘটনা হোৱাৰ পিছতে আৰক্ষীয়ে বাইক আৰোহীসকলৰ বিৰুদ্ধে কঠোৰ হৈছে। যোৱা ৰাতি ডিএছপি মানবেন্দ্ৰ দাসৰ নেতৃত্বত এনে বাইক আৰোহীসকলৰ বিৰুদ্ধে বিভিন্ন স্থানত ব্যৱস্থা গ্ৰহণ কৰা হয়। মানবেন্দ্ৰ দাসে এই সন্দৰ্ভত উল্লেখ কৰে যে প্ৰতিজন ব্যক্তিয়ে নিজৰ জীৱনৰ প্ৰতি সজাগ আৰু সচেতন হোৱাটো অত্যন্ত জৰুৰী, কিয়নো ক্ষন্তেকৰ ভুলৰ বাবে নিজৰ লগতে আনৰ জীৱনো বিপদত পৰে। সেয়েহে, সকলোৱে সজাগ আৰু সচেতন হৈ সুস্থ-সবল জীৱন যাপন কৰা উচিত। আনহাতে, গোলাঘাটত ব্যাপক হাৰত বৃদ্ধি পোৱা বাইক চোৰৰ বিৰুদ্ধেও এইবাৰ আৰক্ষীয়ে কঠোৰ স্থিতি গ্ৰহণ কৰিব বুলি উল্লেখ কৰিছে।

যান-বাহন আইন উলংঘা কৰি হেলমেট নিপিন্ধাকৈ ঘুৰি ফুৰা বাইক আৰোহীৰ বিৰুদ্ধে গোলাঘাট আৰক্ষীয়ে কঠোৰ স্থিতি গ্ৰহণ কৰিছে। গোলাঘাট নগৰৰ বিভিন্ন স্থানত বাইক আৰোহীসকলে হেলমেট পৰিধান নকৰাকৈ বিনা দ্বিধাই ঘূৰি ফুৰা দেখা যায়, যাৰ ফলত অঞ্চলটোত কেইবাটাও ভয়াবহ দুৰ্ঘটনা সংঘটিত হৈছে। এনে ঘটনাবোৰৰ বাবে আৰক্ষীয়ে বাইক আৰোহীসকলৰ প্ৰতি কঠোৰ হোৱা পৰিলক্ষিত হৈছে। এই সন্দৰ্ভত যোৱা নিশা ডিএছপি মানবেন্দ্ৰ দাসৰ নেতৃত্বত বিভিন্ন স্থানত হেলমেটবিহীন বাইক আৰোহীৰ বিৰুদ্ধে ব্যৱস্থা গ্ৰহণ কৰা হয়। মানবেন্দ্ৰ দাসে উল্লেখ কৰে যে প্ৰতিজন ব্যক্তিয়ে নিজৰ জীৱনৰ প্ৰতি সজাগ আৰু সচেতন হোৱা উচিত, কিয়নো ক্ষন্তেকৰ ভুলৰ বাবে নিজৰ লগতে আনৰ জীৱনো বিপদত পৰে। সেয়েহে, সকলোৱে সজাগ আৰু সচেতন হৈ সুস্থ-সবল জীৱন যাপন কৰিব লাগে বুলিও তেওঁ মন্তব্য কৰে। আনহাতে, গোলাঘাটত ব্যাপক হাৰত বৃদ্ধি পোৱা বাইক চুৰিৰ ঘটনাৰ বিৰুদ্ধেও আৰক্ষীয়ে এইবাৰ কঠোৰ ব্যৱস্থা গ্ৰহণ কৰিব বুলি জানিব পৰা গৈছে।

চৰাইদেউ জিলাৰ মথুৰাপুৰ উচ্চতৰ মাধ্যমিক বিদ্যালয়ত মাহমৰা সমষ্টিৰ পৰা প্ৰথমবাৰৰ বাবে বিধায়ক হিচাপে নিৰ্বাচিত হোৱা সুৰুজ দিহিঙীয়াক এক বিশেষ অনুষ্ঠানত সম্বৰ্ধনা জনোৱা হয়। চাহ জনগোষ্ঠীৰ ছাত্ৰ-ছাত্ৰীৰ অধ্যয়নৰ স্থল এই বিদ্যালয়ত অনুষ্ঠিত এই অনুষ্ঠানত বিদ্যালয়খনৰ ছাত্ৰ-ছাত্ৰী, শিক্ষক-শিক্ষয়িত্ৰী আৰু অভিভাৱকসকল উপস্থিত আছিল। বিদ্যালয়খন দীৰ্ঘদিনৰ পৰা বিভিন্ন সমস্যাৰে জৰ্জৰিত হৈ আছে বুলি উল্লেখ কৰি বিদ্যালয়ৰ তৰফৰ পৰা বিধায়কগৰাকীক এখন স্মাৰক-পত্ৰ প্ৰদান কৰা হয়। এই স্মাৰক-পত্ৰযোগে বিদ্যালয়খনক বেদখলমুক্ত কৰা, চাৰিবেৰ নিৰ্মাণ কৰা, ছাত্ৰ-ছাত্ৰীৰ সংখ্যা অনুসৰি শিক্ষক নিযুক্তি দিয়া, কৰ্মচাৰী নিযুক্তি দিয়া আৰু এখন প্ৰেক্ষাগৃহ নিৰ্মাণ কৰাৰ বাবে আহ্বান জনোৱা হৈছিল। এই অনুষ্ঠানতে বিধায়ক সুৰুজ দিহিঙীয়াই বৃহত্তৰ মথুৰাপুৰ অঞ্চলৰ হাইস্কুল শিক্ষান্ত পৰীক্ষাৰ ছাত্ৰ-ছাত্ৰীৰ সুবিধাৰ্থে বিদ্যালয়খনত এটা মেট্ৰিক পৰীক্ষাৰ কেন্দ্ৰ স্থাপনৰ প্ৰস্তাৱ প্ৰেৰণ কৰাৰ কথা উল্লেখ কৰে।