नांदेड शहरात अज्ञात कारणावरून हत्यासत्र सुरूच असून, मध्यरात्रीच्या सुमारास एका व्यक्तीची हत्या झाल्याची धक्कादायक घटना समोर आली आहे. या घटनेमुळे परिसरात खळबळ उडाली असून, शहरातील कायदा व सुव्यवस्थेवर गंभीर प्रश्नचिन्ह निर्माण झाले आहे. शेख शमीम शेख इसाक (वय ४२ वर्षे) असे हत्या झालेल्या व्यक्तीचे नाव आहे. शनिवारी मध्यरात्री सुमारे दोन वाजताच्या सुमारास शेख शमीम शेख इसाक हे एका मित्रासोबत वाघी रस्त्यावरील पान टपरी जवळील ओट्ट्यावर बसले असताना, दुचाकीवरून आलेल्या दोन अज्ञात हल्लेखोरांनी त्यांच्याजवळ येऊन परिसरातील दर्ग्याचा पत्ता विचारला. शेख शमीम शेख इसाक पत्ता सांगत असतानाच हल्लेखोरांनी त्यांच्यावर गोळीबार केला आणि त्यानंतर धारदार शस्त्राने अनेक वार केले. गंभीर जखमी झालेल्या इसाक यांना तातडीने उपचारासाठी रुग्णालयात दाखल करण्यात आले, मात्र उपचार सुरू असतानाच रविवारी पहाटे ५ वाजताच्या सुमारास त्यांचा मृत्यू झाला. गोळीबार झालेल्या ठिकाणी रिकामी काडतूसे सापडल्याचेही सांगण्यात आले आहे. घटनेची माहिती मिळताच पोलीस उपअधीक्षक रामेश्वर व्यंजने, पोलीस निरीक्षक अजित कुंभार, अतुल भोसले तसेच इतर पोलीस अधिकारी व कर्मचारी तात्काळ घटनास्थळी दाखल झाले. पोलिसांनी परिसराचा पंचनामा केला असून, या हत्येमागे नेमके कोणते कारण आहे, याबाबतची माहिती अद्याप मिळालेली नाही. पोलीस आरोपींचा शोध तात्काळ लावण्याचा प्रयत्न करत आहेत. नांदेड शहरात आधी गोळ्या झाडून नंतर धारदार शस्त्राने वार करण्याच्या या प्रकारामुळे नागरिकांमध्ये भीतीचे वातावरण आहे.

जयपाल चांदोबा दावनगीरकर

Social worker देगलूर, नांदेड, महाराष्ट्र•

5 hrs ago

नांदेड शहरात अज्ञात कारणावरून हत्यासत्र सुरूच असून, मध्यरात्रीच्या सुमारास एका व्यक्तीची हत्या झाल्याची धक्कादायक घटना समोर आली आहे. या घटनेमुळे परिसरात खळबळ उडाली असून, शहरातील कायदा व सुव्यवस्थेवर गंभीर प्रश्नचिन्ह निर्माण झाले आहे. शेख शमीम शेख इसाक (वय ४२ वर्षे) असे हत्या झालेल्या व्यक्तीचे नाव आहे. शनिवारी मध्यरात्री सुमारे दोन वाजताच्या सुमारास शेख शमीम शेख इसाक हे एका मित्रासोबत वाघी रस्त्यावरील पान टपरी जवळील ओट्ट्यावर बसले असताना, दुचाकीवरून आलेल्या दोन अज्ञात हल्लेखोरांनी त्यांच्याजवळ येऊन परिसरातील दर्ग्याचा पत्ता विचारला. शेख शमीम शेख इसाक पत्ता सांगत असतानाच हल्लेखोरांनी त्यांच्यावर गोळीबार केला आणि त्यानंतर धारदार शस्त्राने अनेक वार केले. गंभीर जखमी झालेल्या इसाक यांना तातडीने उपचारासाठी रुग्णालयात दाखल करण्यात आले, मात्र उपचार सुरू असतानाच रविवारी पहाटे ५ वाजताच्या सुमारास त्यांचा मृत्यू झाला. गोळीबार झालेल्या ठिकाणी रिकामी काडतूसे सापडल्याचेही सांगण्यात आले आहे. घटनेची माहिती मिळताच पोलीस उपअधीक्षक रामेश्वर व्यंजने, पोलीस निरीक्षक अजित कुंभार, अतुल भोसले तसेच इतर पोलीस अधिकारी व कर्मचारी तात्काळ घटनास्थळी दाखल झाले. पोलिसांनी परिसराचा पंचनामा केला असून, या हत्येमागे नेमके कोणते कारण आहे, याबाबतची माहिती अद्याप मिळालेली नाही. पोलीस आरोपींचा शोध तात्काळ लावण्याचा प्रयत्न करत आहेत. नांदेड शहरात आधी गोळ्या झाडून नंतर धारदार शस्त्राने वार करण्याच्या या प्रकारामुळे नागरिकांमध्ये भीतीचे वातावरण आहे.