महाराष्ट्राच्या सांस्कृतिक धोरणात लोककलांचा विचार करण्यात आला असून, लोककलांना अधिक प्रोत्साहन देण्यासाठी आणि त्यांचे जतन व संवर्धन बळकट करण्यासाठी एक नवीन समिती स्थापन करण्यात येईल, अशी घोषणा सांस्कृतिक कार्य मंत्री अँड आशिष शेलार यांनी पुण्यात केली आहे. पद्मश्री रघुवीर खेडकर यांच्या प्रमुख उपस्थितीत राज्यातील विविध भागांतील लोककलावंतांनी पुण्यातील मोती बाग येथे मंत्री शेलार यांची भेट घेऊन आपल्या मागण्या मांडल्या. या संवाद कार्यक्रमाला मराठी भाषा विद्यापीठाचे कुलगुरू डॉ. अविनाश अवलगावकर, समरसता गतीविधीचे अखिल भारतीय कार्यकारिणी सदस्य डॉ. रमेश पांडव आणि इतर कलावंत उपस्थित होते. यावेळी कलावंतांशी संवाद साधताना मंत्री आशिष शेलार यांनी सांगितले की, सध्याच्या डिजिटल युगात पुढच्या पिढीला लोककलांची माहिती व्हावी यासाठी त्यांचे डिजिटल संग्रहालय, दस्तावेजीकरण आणि जतन करण्याचे काम तातडीने सुरू केले जाईल. याशिवाय, शासनाच्या पर्यावरण, शिक्षण, आरोग्य आणि सामाजिक विकास अशा विविध योजनांच्या जनजागृती आणि प्रचारात स्थानिक लोककलावंतांना प्राधान्य दिले जाईल. यासाठी आवश्यक असलेला शासन निर्णय तातडीने काढण्याची कार्यवाही केली जाईल. शासनाच्या दृष्टीने लोककलावंतांचे उज्ज्वल भविष्य अत्यंत महत्त्वाचे असून शासन त्यांच्यासाठी सकारात्मक आणि ठोस निर्णय घेत राहील, अशी ग्वाही मंत्र्यांनी दिली. दरम्यान, शासनाने लोककलावंतांच्या अनुदानात दुप्पटीने वाढ केल्याबद्दल उपस्थित कलाकारांनी शासनाचे आभार मानले.

Amit Omprakash tiwari

मुंबई, मुंबई, महाराष्ट्र•

3 hrs ago

महाराष्ट्राच्या सांस्कृतिक धोरणात लोककलांचा विचार करण्यात आला असून, लोककलांना अधिक प्रोत्साहन देण्यासाठी आणि त्यांचे जतन व संवर्धन बळकट करण्यासाठी एक नवीन समिती स्थापन करण्यात येईल, अशी घोषणा सांस्कृतिक कार्य मंत्री अँड आशिष शेलार यांनी पुण्यात केली आहे. पद्मश्री रघुवीर खेडकर यांच्या प्रमुख उपस्थितीत राज्यातील विविध भागांतील लोककलावंतांनी पुण्यातील मोती बाग येथे मंत्री शेलार यांची भेट घेऊन आपल्या मागण्या मांडल्या. या संवाद कार्यक्रमाला मराठी भाषा विद्यापीठाचे कुलगुरू डॉ. अविनाश अवलगावकर, समरसता गतीविधीचे अखिल भारतीय कार्यकारिणी सदस्य डॉ. रमेश पांडव आणि इतर कलावंत उपस्थित होते. यावेळी कलावंतांशी संवाद साधताना मंत्री आशिष शेलार यांनी सांगितले की, सध्याच्या डिजिटल युगात पुढच्या पिढीला लोककलांची माहिती व्हावी यासाठी त्यांचे डिजिटल संग्रहालय, दस्तावेजीकरण आणि जतन करण्याचे काम तातडीने सुरू केले जाईल. याशिवाय, शासनाच्या पर्यावरण, शिक्षण, आरोग्य आणि सामाजिक विकास अशा विविध योजनांच्या जनजागृती आणि प्रचारात स्थानिक लोककलावंतांना प्राधान्य दिले जाईल. यासाठी आवश्यक असलेला शासन निर्णय तातडीने काढण्याची कार्यवाही केली जाईल. शासनाच्या दृष्टीने लोककलावंतांचे उज्ज्वल भविष्य अत्यंत महत्त्वाचे असून शासन त्यांच्यासाठी सकारात्मक आणि ठोस निर्णय घेत राहील, अशी ग्वाही मंत्र्यांनी दिली. दरम्यान, शासनाने लोककलावंतांच्या अनुदानात दुप्पटीने वाढ केल्याबद्दल उपस्थित कलाकारांनी शासनाचे आभार मानले.