बीड जिल्ह्यात रस्ता वाहतूक पर्यावरण नागरी सुरक्षा समितीची बैठक आयोजित करण्यात आली होती.

औरंगाबाद जिल्ह्यातील गंगापूरमध्ये आदिवासी हॉस्टेलच्या ढिसाळ कारभाराबाबत जाब विचारण्यासाठी प्रकल्प अधिकाऱ्यांना फोन केला असता, त्या स्वतः कार्यालयात उपस्थित नसल्याचे समोर आले आहे. वरिष्ठ अधिकारीच जागेवर हजर नसल्यामुळे इतर कर्मचाऱ्यांकडून काय अपेक्षा करावी, असा संतप्त सवाल उपस्थित केला जात आहे. यासंदर्भात विचारणा केली असता उडवाउडवीची उत्तरे देण्यात आली. या प्रकारामुळे संबंधित मंत्र्यांनी तातडीने दखल घेऊन या ढिसाळ कारभारावर योग्य ती कारवाई करावी, अशी मागणी केली जात आहे.

छत्रपती संभाजीनगर काँग्रेसचे शहराध्यक्ष सय्यद अकरम आणि त्यांच्या कुटुंबीयांना एका अज्ञात व्यक्तीकडून एसएमएसद्वारे जीवे मारण्याच्या धमक्या मिळाल्याचा प्रकार समोर आला आहे. या गंभीर प्रकरणी काँग्रेसच्या एका शिष्टमंडळाने तात्काळ पोलिस आयुक्त कार्यालयात भेट देऊन लेखी तक्रार दाखल केली आहे. शिष्टमंडळाने पोलिसांकडे मागणी केली आहे की, धमकी देणाऱ्या या अज्ञात आरोपीचा तातडीने शोध घेण्यात यावा आणि त्याच्यावर कठोर कायदेशीर कारवाई करण्यात यावी.

छत्रपती संभाजीनगर येथे १९९० च्या दशकातील डॉन बाबा फर्जंन याच्या घरावर पोलिसांनी रात्री उशिरा मोठी धाड टाकली आहे. या कारवाईत पोलिसांनी डॉनच्या घरातून तब्बल ६,३५० काडतुसे, शस्त्रे, पैसे आणि सोने-चांदी जप्त केली आहे. गोपनीय सूत्रांकडून मिळालेल्या गुप्त माहितीच्या आधारे ही धाड टाकण्यात आली होती. संबंधित डॉन बाबा फर्जंन याचा मागील महिन्यातच डायबेटिजने मृत्यू झाला असून, सध्या पोलिसांनी या कारवाईदरम्यान डॉनच्या पत्नीला ताब्यात घेतले आहे.

फुलंब्री नगरपंचायतीने शहरात धडाकेबाज कामगिरी करत एका विशेष मोहिमेअंतर्गत गल्ल्यांमधील अतिक्रमणे हटवली आहेत. नगरपंचायतीच्या या कारवाईमुळे अरुंद रस्त्यांवरील आणि सार्वजनिक ठिकाणचा अनधिकृत ताबा काढण्यात यश आले आहे.

road acha he ninsjshsbsgbsnabsgnsgsnsha gebshbsnsjnsbsbsnehe chh. sambhaji nagarhhenb

बीड जिल्ह्यातील जिल्हा परिषदेच्या शाळांमध्ये दररोज सकाळी जगाच्या कल्याणासाठी आणि मानवतेसाठी संत ज्ञानेश्वरांची विश्वात्मक प्रार्थना "पसायदान" म्हटली जाते. मात्र, या विद्यार्थ्यांना शिक्षणासाठी मूलभूत सुविधा, सुरक्षित शाळा इमारत, पिण्याचे स्वच्छ पाणी आणि स्वच्छतागृहे मिळतील काय, असा सवाल सामाजिक कार्यकर्ते डॉ. गणेश ढवळे लिंबागणेशकर यांनी विचारला आहे. तसेच, या विद्यार्थ्यांना सरकारी अधिकाऱ्यांकडून निधीचे "दान" मिळेल काय, असे विचारत त्यांनी प्रशासनाला धारेवर धरले आहे।

आषाढी एकादशीनिमित्त विठुरायाच्या दर्शनासाठी पंढरपूरकडे प्रस्थान केलेल्या पैठणच्या शांतीब्रह्म संत एकनाथ महाराजांच्या चरण पादुका असलेल्या पालखीचे शिरूर कासार शहरात प्रशासनाच्या वतीने मोठ्या जल्लोषात आणि हरिनामाच्या गजरात स्वागत करण्यात आले आहे. "भेटी लागे जीव.. लागलीसे आस..पाऊले चालली पंढरीची वाट..!" या भक्तिभावाने पालखीचे स्वागत करण्यात आले. या स्वागत सोहळ्याप्रसंगी तहसीलदार सुरेशजी घोळवे, नायब तहसीलदार तथा मुख्याधिकारी गणेश दहिफळे, पोलीस ठाण्याचे एपीआय राजेश गडवे यांच्यासह सर्व प्रशासकीय अधिकारी आणि प्रतिष्ठित नागरिक उपस्थित होते. हरिनामाच्या गजरात शांतीब्रह्म संत एकनाथ महाराजांची ही पालखी पंढरपूरकडे मार्गस्थ झाली आहे.