வருகின்ற 26.06.2026 அன்று அனுசரிக்கப்படும் சர்வதேச போதைப்பொருள் எதிர்ப்பு தினத்தை முன்னிட்டு, தமிழ்நாடு விளையாட்டு மேம்பாட்டு ஆணையத்தின் சார்பில் “ஸ்டார்ட் ரன் ஸ்டாப் டிரக்ஸ்” எனும் போதைப்பொருள் ஒழிப்பு விழிப்புணர்வு ஓட்டம் விருதுநகரில் நடைபெறவுள்ளது. இந்த ஓட்டத்தில் மாணவ, மாணவியர்கள் மற்றும் இளைஞர்கள் பங்கேற்கலாம் என மாவட்ட ஆட்சித்தலைவர் தெரிவித்துள்ளார். தமிழக அரசு, விளையாட்டை ஒரு சக்திவாய்ந்த சமூக மாற்றக் கருவியாகக் கருதி செயலாற்றி வருகிறது. இளைஞர்களின் ஆற்றலை ஆக்கப்பூர்வமான வழியில் செலுத்தி, ஆரோக்கியமான வாழ்க்கைமுறையை ஊக்குவிப்பதன் மூலம் சமூகத்தில் நேர்மறையான மாற்றத்தை உருவாக்குவதே அரசின் தலையாய நோக்கமாகும். ‘போதைப்பொருள் இல்லாத தமிழகம்' என்ற உன்னத இலக்கை நோக்கிய பயணத்தில், தூய்மையான, நேர்மையான மற்றும் அறநெறி சார்ந்த விளையாட்டுக் கலாச்சாரத்தை வளர்த்தெடுப்பதில் தமிழக அரசு உறுதிபூண்டுள்ளது. சர்வதேச போதைப்பொருள் பயன்பாடு மற்றும் சட்ட விரோத கடத்தல் எதிர்ப்பு தினமாக கடைபிடிக்கப்படும் ஜூன் 26ஆம் நாள் அன்று காலை 6.30 மணி அளவில் விருதுநகர் மாவட்ட ஆட்சியர் அலுவலக வளாக நுழைவு வாயிலில் இந்த 5 கிலோமீட்டர் தூர விழிப்புணர்வு ஓட்டம் துவங்கி நடைபெறுகிறது. 14 வயதிற்கு மேற்பட்ட மாணவ மாணவியர்கள், இளைஞர்கள், விளையாட்டு வீரர்கள் மற்றும் பொதுமக்கள் என அனைவரும் இந்த ஓட்டத்தில் கலந்துகொள்ளலாம். கலந்துகொள்ள விருப்பமுள்ளவர்கள் மாவட்ட விளையாட்டரங்கத்தில் 78240 09970 / 04562-225947 ஆகிய தொலைபேசி எண்களின் மூலம் பதிவு செய்துகொள்ளலாம் என மாவட்ட ஆட்சித்தலைவர் மரு.என்.ஓ.சுகபுத்ரா, இ.ஆ.ப., அவர்கள் தகவல் தெரிவித்துள்ளார்.
வருகின்ற 26.06.2026 அன்று அனுசரிக்கப்படும் சர்வதேச போதைப்பொருள் எதிர்ப்பு தினத்தை முன்னிட்டு, தமிழ்நாடு விளையாட்டு மேம்பாட்டு ஆணையத்தின் சார்பில் “ஸ்டார்ட் ரன் ஸ்டாப் டிரக்ஸ்” எனும் போதைப்பொருள் ஒழிப்பு விழிப்புணர்வு ஓட்டம் விருதுநகரில் நடைபெறவுள்ளது. இந்த ஓட்டத்தில் மாணவ, மாணவியர்கள் மற்றும் இளைஞர்கள் பங்கேற்கலாம் என மாவட்ட ஆட்சித்தலைவர் தெரிவித்துள்ளார். தமிழக அரசு, விளையாட்டை ஒரு சக்திவாய்ந்த சமூக மாற்றக் கருவியாகக் கருதி செயலாற்றி வருகிறது. இளைஞர்களின் ஆற்றலை ஆக்கப்பூர்வமான வழியில் செலுத்தி, ஆரோக்கியமான வாழ்க்கைமுறையை ஊக்குவிப்பதன் மூலம் சமூகத்தில் நேர்மறையான மாற்றத்தை உருவாக்குவதே அரசின் தலையாய நோக்கமாகும். ‘போதைப்பொருள் இல்லாத தமிழகம்' என்ற உன்னத இலக்கை நோக்கிய பயணத்தில், தூய்மையான, நேர்மையான மற்றும் அறநெறி சார்ந்த விளையாட்டுக் கலாச்சாரத்தை வளர்த்தெடுப்பதில் தமிழக அரசு உறுதிபூண்டுள்ளது. சர்வதேச போதைப்பொருள் பயன்பாடு மற்றும் சட்ட விரோத கடத்தல் எதிர்ப்பு தினமாக கடைபிடிக்கப்படும் ஜூன் 26ஆம் நாள் அன்று காலை 6.30 மணி அளவில் விருதுநகர் மாவட்ட ஆட்சியர் அலுவலக வளாக நுழைவு வாயிலில் இந்த 5 கிலோமீட்டர் தூர விழிப்புணர்வு ஓட்டம் துவங்கி நடைபெறுகிறது. 14 வயதிற்கு மேற்பட்ட மாணவ மாணவியர்கள், இளைஞர்கள், விளையாட்டு வீரர்கள் மற்றும் பொதுமக்கள் என அனைவரும் இந்த ஓட்டத்தில் கலந்துகொள்ளலாம். கலந்துகொள்ள விருப்பமுள்ளவர்கள் மாவட்ட விளையாட்டரங்கத்தில் 78240 09970 / 04562-225947 ஆகிய தொலைபேசி எண்களின் மூலம் பதிவு செய்துகொள்ளலாம் என மாவட்ட ஆட்சித்தலைவர் மரு.என்.ஓ.சுகபுத்ரா, இ.ஆ.ப., அவர்கள் தகவல் தெரிவித்துள்ளார்.
- மதுரை ஐராவதநல்லூர் வேலன் தெரு பகுதியில், மனநலம் பாதிக்கப்பட்ட சுமார் 35 வயதுடைய பெண் ஒருவர், தனது வீட்டின் அறைக்குள் தாழ்ப்பாள் போட்டுக்கொண்டு, கதவைத் திறக்க முடியாமல் உள்ளே சிக்கிக்கொண்டார். அவரை மீட்க குடும்பத்தினர் மற்றும் அருகிலிருந்தவர்களால் முடியவில்லை. இதையடுத்து, அனுப்பானடி தீயணைப்பு நிலைய தீயணைப்பு மீட்பு குழுவினர் சம்பவ இடத்திற்கு விரைந்து வந்தனர். அவர்கள் இயந்திரங்கள் மற்றும் கடப்பாறை உள்ளிட்ட மீட்பு உபகரணங்களின் உதவியுடன் கதவைத் திறந்து, சிக்கியிருந்த அப்பெண்ணை எந்தவித காயமும் இன்றி பத்திரமாக மீட்டனர்.1
- மதுரை மாவட்ட ஆட்சியராக கடந்த ஜூன் 1ஆம் தேதி பொறுப்பேற்ற ஐ.ஏ.எஸ். அதிகாரி ஆகாஷ், வெறும் 20 நாட்களிலேயே சிவகங்கை மாவட்ட ஆட்சியராக இடமாற்றம் செய்யப்பட்டு இன்று பொறுப்பேற்றார். இதேபோல், சிவகங்கை மாவட்ட ஆட்சியராக கடந்த ஜூன் 18ஆம் தேதி பொறுப்பேற்ற நிஷாந்த் கிருஷ்ணா, மூன்று நாட்களிலேயே மதுரை மாவட்ட ஆட்சியராக மாற்றப்பட்டுள்ளார். அடுத்தடுத்து நிகழ்ந்த இந்த நிர்வாக மாற்றங்கள் தற்போது கவனம் பெற்றுள்ளன. 2014ஆம் ஆண்டு ஐ.ஏ.எஸ். பேட்ச் அதிகாரியான ஆகாஷ், தென்காசி மற்றும் நாகப்பட்டினம் மாவட்டங்களில் மாவட்ட ஆட்சியராகப் பணியாற்றிய அனுபவம் கொண்டவர். சிவகங்கை மாவட்ட ஆட்சியர் அலுவலகத்தில் இன்று பொறுப்பேற்ற அவருக்கு மாவட்ட நிர்வாக அதிகாரிகள் வாழ்த்து தெரிவித்தனர். புதிய ஆட்சியர், மாவட்ட வளர்ச்சித் திட்டங்கள், மக்கள் நலப் பணிகள் மற்றும் நிர்வாக நடவடிக்கைகளை விரைவுபடுத்துவதில் கவனம் செலுத்துவார் என எதிர்பார்க்கப்படுகிறது.1
- தமிழக முதல்வர் விஜய் பிறந்தநாளை முன்னிட்டு, விருதுநகர் மாவட்டம் சாத்தூரில் விருதுநகர் மத்திய மாவட்ட கழகம் சார்பில் பல்வேறு நிகழ்ச்சிகள் நடைபெற்று வருகின்றன. இதன் ஒரு பகுதியாக, சாத்தூரில் 108 பால்குடம் எடுக்கும் நிகழ்ச்சி வெகு விமர்சையாக நடைபெற்றது. சாத்தூர் பேருந்து நிலையம் முன்பு நூற்றுக்கணக்கான பெண்கள் மற்றும் தவெக நிர்வாகிகள், தொண்டர்கள் கூடி, பால்குடம் எடுத்து ஊர்வலமாகச் சென்றனர். இந்நிகழ்ச்சியை விருதுநகர் மத்திய மாவட்ட செயலாளர் சின்னப்பர் தொடங்கி வைத்தார். பேருந்து நிலையம் தொடங்கி முக்கிய வீதிகள் வழியாக ஊர்வலமாக எடுத்துச் செல்லப்பட்ட பால்குடங்கள், சாத்தூர் அருள்மிகு சுப்ரமணிய சுவாமி திருக்கோவிலில் உள்ள மூலவருக்கு அபிஷேகம் செய்யப்பட்டன. அதனைத் தொடர்ந்து, உலக நன்மைக்காகவும், தமிழக முதல்வர் விஜய் நீண்ட நாள் நலமுடன் வாழவும், தமிழகம் அனைத்து துறைகளிலும் மேன்மை அடையவும் வேண்டி சுப்பிரமணிய சுவாமிக்கு சிறப்பு அபிஷேகம் மற்றும் பூஜைகள் நடைபெற்றன. தமிழக முதல்வர் விஜய் பிறந்தநாளை முன்னிட்டு நடைபெற்ற இந்த சிறப்பு பூஜையில் சமூக நலன் மற்றும் மகளிர் மேம்பாட்டுத்துறை அமைச்சர் ஜெகதீஸ்வரி கலந்துகொண்டார். கோவிலுக்கு வந்த அமைச்சருக்கு கோவில் நிர்வாகம் சார்பில் பூரண கும்ப மரியாதை வழங்கப்பட்டது. நிகழ்ச்சியில் கலந்துகொண்டு பால்குடம் எடுத்து வந்த மகளிர் அணியினர், குழவை இட்டு “அரோகரா” கோஷத்துடன் அருள்மிகு சுப்ரமணிய சுவாமியை வணங்கினர். இந்நிகழ்வில் தமிழக கட்சி கழகம் விருதுநகர் மத்திய மாவட்ட நிர்வாகிகள், மகளிர் அணி மாவட்ட நிர்வாகிகள், தொண்டர்கள், சாத்தூர் நகர ஒன்றிய நிர்வாகிகள் எனப் பலரும் பங்கேற்றனர்.1
- கோவில்பட்டி பயணியர் விடுதி முன்பு தமிழக விவசாயிகள் பாதுகாப்பு சங்கம் சார்பில் மாபெரும் ஆர்ப்பாட்டம் ஒன்று நடைபெற்றது. இந்த ஆர்ப்பாட்டத்திற்கு தென்காசி மாவட்ட பொறுப்பாளர் திரு ரங்கசாமி மற்றும் தூத்துக்குடி மாவட்ட பொறுப்பாளர் திரு ஆதிமூலம் ஆகியோர் தலைமை தாங்கினர். தென்னக மானாவாரி விவசாயிகள் சங்கத் தலைவர் திரு பிரேம்குமார் அவர்களும் இந்த நிகழ்வில் பங்கேற்றார். விவசாயிகள் சௌந்தரராஜன், ஜெகநாதன், சேதுராஜ், கோபால்சாமி ஆகியோர் உட்பட நூற்றுக்கும் மேற்பட்ட விவசாயிகள் இந்த ஆர்ப்பாட்டத்தில் கலந்துகொண்டனர்.1
- தேனி மாவட்டம், ஆண்டிபட்டி ஒன்றியத்திற்குட்பட்ட ரெங்கசமுத்திரம் கிராமத்தில், கிராம மக்களின் பயன்பாட்டிற்காக சில ஆண்டுகளுக்கு முன்பு அரசு சமுதாயக் கூட கட்டிடம் கட்டப்பட்டது. ஆனால், இந்த கட்டிடத்தை ஊராட்சி நிர்வாகம் முறையாகப் பராமரிக்காத காரணத்தால், தற்போது சமுதாயக் கூடத்தின் மேற்கூரைகள் பெயர்ந்து, கான்கிரீட் கம்பிகள் வெளியே தெரியும் அளவிற்கு கடுமையாகச் சேதமடைந்துள்ளது. இதனால், இந்தக் கட்டிடத்தை உடனடியாகச் சரிசெய்து, மீண்டும் கிராம மக்களின் பயன்பாட்டிற்குக் கொண்டுவர வேண்டும் என்று பொதுமக்கள் கோரிக்கை விடுத்துள்ளனர்.1
- தேனி மாவட்டம் கம்பம் அருகே உள்ள காமயகவுண்டன்பட்டி பகுதியைச் சேர்ந்த ராணுவ வீரர் லென்ஸ் நாயக் மீனாட்சி சுந்தரம், காஷ்மீரில் தீவிரவாதிகளுடன் நடைபெற்ற போரில் வீர தீரத்துடன் சண்டையிட்டார். வாய் பகுதியில் துப்பாக்கி குண்டுகள் பாய்ந்து பலத்த காயம் ஏற்பட்ட போதிலும், அவர் காயத்தைப் பொருட்படுத்தாமல் போரிட்டு 5 தீவிரவாதிகளை சுட்டுக் கொன்று தனது சக வீரர்களைக் காப்பாற்றினார். அவரது இந்த வீர தீர செயலைப் பாராட்டி, இந்திய நாட்டின் உயரிய விருதான 'கீர்த்தி சக்கரா' விருதை இந்திய குடியரசுத் தலைவர் திரௌபதி முர்மு அவருக்கு வழங்கினார். இந்த உயரிய விருதைப் பெற்றதைத் தொடர்ந்து, தனது சொந்த மாவட்டமான தேனி மாவட்டத்திற்கு வருகை தந்த ராணுவ வீரர் மீனாட்சி சுந்தரத்திற்கு ஊர் பொதுமக்கள் உற்சாக வரவேற்பு மற்றும் பாராட்டு விழாக்களை நடத்தி வருகின்றனர். இதன் ஒரு பகுதியாக, தேனி மாவட்டம் கோட்டூர் அருகே உள்ள தர்மாபுரி கிராமத்தில், முன்னாள் படை வீரர் நல சங்கம் மற்றும் தர்மாபுரி ஊர் பொதுமக்கள் சார்பில் ராணுவ வீரருக்கு ஒரு உற்சாகமான வரவேற்பு அளிக்கப்பட்டது. இந்த வரவேற்பு விழாவில், தேவராட்டம், ஒயிலாட்டம் உள்ளிட்ட பாரம்பரிய நடனங்களை ஆடிய ஊர் பொதுமக்கள், ராணுவ வீரர் மீனாட்சி சுந்தரத்திற்கு மாலை அணிவித்து வரவேற்றனர். முன்னாள் ராணுவ வீரர்களும், ஊர் பொதுமக்களும் இணைந்து, வீர தீர செயலுக்காக நாட்டின் உயரிய விருதான 'கீர்த்தி சக்கரா' விருது பெற்ற அவருக்கு தங்களது வாழ்த்துக்களைத் தெரிவித்தனர்.1
- சிங்கம்புணரியில் நேற்று இரவு பலத்த காற்றுடன் கூடிய கனமழை பெய்தது. 24.60 மி.மீ. அளவு பதிவான இந்த மழையால் நகரம் முழுவதும் மழைநீர் பெருக்கெடுத்தது. இதனால் விவசாயிகள் மிகுந்த மகிழ்ச்சி அடைந்து, விவசாயப் பணிகளை உடனடியாகத் தொடங்க முடிவு செய்தனர். இதே பலத்த காற்றில், அரசு ஆண்கள் மேல்நிலைப்பள்ளியின் தெற்கு சுற்றுச்சுவர் மீது சுமார் 50 ஆண்டுகள் பழமையான ஒரு ஆலமரம் சாய்ந்து விழுந்தது. அதிர்ஷ்டவசமாக, இந்த சம்பவத்தில் பள்ளிச் சுவருக்கு எந்தப் பாதிப்பும் ஏற்படவில்லை. இருப்பினும், சாய்ந்த மரத்தை உடனடியாக அங்கிருந்து அகற்ற வேண்டும் என பள்ளி ஆசிரியர்களும் பெற்றோர்களும் கோரிக்கை விடுத்துள்ளனர்.1
- தமிழக முதல்வர் விஜய் அவர்களின் 52வது பிறந்தநாளை முன்னிட்டு, மாநிலம் முழுவதும் உள்ள கட்சியினரும் ரசிகர்களும் பல்வேறு நலத்திட்ட நிகழ்ச்சிகளை ஏற்பாடு செய்து வருகின்றனர். இந்த கொண்டாட்டத்தின் ஒரு பகுதியாக, மதுரை சிந்தாமணி பகுதியில் தவெக மாவட்டச் செயலாளர் மருதுபாண்டி தலைமையில் கட்சித் தொண்டர்கள் வாகன ஓட்டிகளுக்கு இலவச ஹெல்மெட்டுகள் மற்றும் இனிப்புகளை விநியோகித்தனர். மேலும், இருசக்கர வாகன ஓட்டிகள் கட்டாயம் ஹெல்மெட் அணிந்து பயணிக்க வேண்டும் என்ற விழிப்புணர்வையும் ஏற்படுத்தினர். இதைத் தொடர்ந்து, திருப்பரங்குன்றம் முருகன் கோவில் வளாகத்தில் முதல்வர் விஜய் பிறந்தநாள் கொண்டாட்டத்தின் அங்கமாக பக்தர்களுக்கு அன்னதானம் வழங்கப்பட்டது. இந்நிகழ்ச்சியில் தவெக நிர்வாகிகள், தொண்டர்கள் மற்றும் பொதுமக்கள் எனப் பலரும் திரளாக பங்கேற்று பிறந்தநாள் நிகழ்ச்சிகளை சிறப்பித்தனர்.1