खामगाव व शेगावमधील घरफोडीचा छडा; जालना येथील अट्टल गुन्हेगार गजाआड ​स्थानिक गुन्हे शाखा व खामगाव शहर पोलिसांची संयुक्त कारवाई; ८.२० लाखांचा मुद्देमाल जप्त ​खामगाव: खामगाव आणि शेगाव शहरात घरफोडी करून धुमाकूळ घालणाऱ्या एका अट्टल गुन्हेगाराला जेरबंद करण्यात स्थानिक गुन्हे शाखा (LCB) आणि खामगाव शहर पोलीस पथकाला यश आले आहे. या कारवाईत पोलिसांनी ८ लाख २० हजार रुपये किमतीचा मुद्देमाल जप्त केला असून, दोन मोठ्या गुन्ह्यांची उकल केली आहे. ८ फेब्रुवारी २०२६ रोजी फिर्यादी रवि राजूमल होतबानी (रा. सिंधी कॉलनी, खामगाव) यांनी तक्रार दिली होती की, २४ ते २५ जानेवारी दरम्यान अज्ञात चोरट्यांनी त्यांच्या काकांच्या घराचे कुलूप तोडून सोन्याचे दागिने चोरून नेले. या तक्रारीवरून खामगाव शहर पोलीस स्टेशनमध्ये गुन्हा नोंद करण्यात आला होता. अशाच प्रकारचा गुन्हा शेगाव येथेही घडला होता. ​जिल्ह्यातील वाढत्या घरफोडीच्या घटनांची दखल घेत पोलीस अधीक्षक निलेश तांबे यांनी गुन्हेगारांचा शोध घेण्याचे आदेश दिले होते. स्थानिक गुन्हे शाखेचे पोनि. सुनील अंबुलकर आणि खामगाव शहरचे पोनि. रामकृष्ण पवार यांच्या मार्गदर्शनाखाली विशेष पथके तयार करण्यात आली. तांत्रिक विश्लेषण आणि तपासाअंती या गुन्ह्यामागे जालना येथील गुन्हेगाराचा हात असल्याचे निष्पन्न झाले. पोलिसांनी सापळा रचून संजयसिंग कृष्णासिंग भादा (वय ३० वर्ष, रा. जालना) याला जालना येथून ताब्यात घेतले. ​पोलिसांनी आरोपीकडून ​सोन्याचे दागिने ३० ग्रॅम वजनाचे ४,५०,०००/- रु.),(स्कोडा कंपनीची चारचाकी गाडी (किंमत ३,५०,०००/- रु.),​मोबाईल २०,०००/- रु.), असा एकूण ८,२०,०००/- रुपयाचा मुद्देमाल हस्तगत केला आहे. ​पकडण्यात आलेला आरोपी संजयसिंग भादा हा सराईत गुन्हेगार असून, त्याच्यावर विविध पोलीस स्टेशनमध्ये एकूण २७ गुन्हे दाखल आहेत. पोलीस बऱ्याच दिवसांपासून त्याच्या शोधात होते. प्राथमिक चौकशीत त्याने खामगाव आणि शेगाव येथील गुन्ह्यांची कबुली दिली आहे. सध्या आरोपी पोलीस कोठडीत असून अधिक तपास सुरू आहे. ​ही यशस्वी कामगिरी पोलीस अधीक्षक निलेश तांबे, अप्पर पोलीस अधीक्षक श्रेणिक लोढा आणि अमोल गायकवाड यांच्या मार्गदर्शनाखाली पोनि. सुनील अंबुलकर, पोनि. रामकृष्ण पवार, पोउपनि. पंकज सपकाळे, सपोनि. विकास पाटील आणि त्यांच्या पथकातील अंमलदारांनी केली आहे. या कारवाईमुळे नागरिकांमधून समाधान व्यक्त होत आहे.

Shivaji Bhosale

Journalist खामगाव, बुलढाणा, महाराष्ट्र•

on 17 February

खामगाव व शेगावमधील घरफोडीचा छडा; जालना येथील अट्टल गुन्हेगार गजाआड ​स्थानिक गुन्हे शाखा व खामगाव शहर पोलिसांची संयुक्त कारवाई; ८.२० लाखांचा मुद्देमाल जप्त ​खामगाव: खामगाव आणि शेगाव शहरात घरफोडी करून धुमाकूळ घालणाऱ्या एका अट्टल गुन्हेगाराला जेरबंद करण्यात स्थानिक गुन्हे शाखा (LCB) आणि खामगाव शहर पोलीस पथकाला यश आले आहे. या कारवाईत पोलिसांनी ८ लाख २० हजार रुपये किमतीचा मुद्देमाल जप्त केला असून, दोन मोठ्या गुन्ह्यांची उकल केली आहे. ८ फेब्रुवारी २०२६ रोजी फिर्यादी रवि राजूमल होतबानी (रा. सिंधी कॉलनी, खामगाव) यांनी तक्रार दिली होती की, २४ ते २५ जानेवारी दरम्यान अज्ञात चोरट्यांनी त्यांच्या काकांच्या घराचे कुलूप तोडून सोन्याचे दागिने चोरून नेले. या तक्रारीवरून खामगाव शहर पोलीस स्टेशनमध्ये गुन्हा नोंद करण्यात आला होता. अशाच प्रकारचा गुन्हा शेगाव येथेही घडला होता. ​जिल्ह्यातील वाढत्या घरफोडीच्या घटनांची दखल घेत पोलीस अधीक्षक निलेश तांबे यांनी गुन्हेगारांचा शोध घेण्याचे आदेश दिले होते. स्थानिक गुन्हे शाखेचे पोनि. सुनील अंबुलकर आणि खामगाव शहरचे पोनि. रामकृष्ण पवार यांच्या मार्गदर्शनाखाली विशेष पथके तयार करण्यात आली. तांत्रिक विश्लेषण आणि तपासाअंती या गुन्ह्यामागे जालना येथील गुन्हेगाराचा हात असल्याचे निष्पन्न झाले. पोलिसांनी सापळा रचून संजयसिंग कृष्णासिंग भादा (वय ३० वर्ष, रा. जालना) याला जालना येथून ताब्यात घेतले. ​पोलिसांनी आरोपीकडून ​सोन्याचे दागिने ३० ग्रॅम वजनाचे ४,५०,०००/- रु.),(स्कोडा कंपनीची चारचाकी गाडी (किंमत ३,५०,०००/- रु.),​मोबाईल २०,०००/- रु.), असा एकूण ८,२०,०००/- रुपयाचा मुद्देमाल हस्तगत केला आहे. ​पकडण्यात आलेला आरोपी संजयसिंग भादा हा सराईत गुन्हेगार असून, त्याच्यावर विविध पोलीस स्टेशनमध्ये एकूण २७ गुन्हे दाखल आहेत. पोलीस बऱ्याच दिवसांपासून त्याच्या शोधात होते. प्राथमिक चौकशीत त्याने खामगाव आणि शेगाव येथील गुन्ह्यांची कबुली दिली आहे. सध्या आरोपी पोलीस कोठडीत असून अधिक तपास सुरू आहे. ​ही यशस्वी कामगिरी पोलीस अधीक्षक निलेश तांबे, अप्पर पोलीस अधीक्षक श्रेणिक लोढा आणि अमोल गायकवाड यांच्या मार्गदर्शनाखाली पोनि. सुनील अंबुलकर, पोनि. रामकृष्ण पवार, पोउपनि. पंकज सपकाळे, सपोनि. विकास पाटील आणि त्यांच्या पथकातील अंमलदारांनी केली आहे. या कारवाईमुळे नागरिकांमधून समाधान व्यक्त होत आहे.