ମହରମ ଅବସରରେ ଗୋ-ମାଂସ ଭୋଜି ଆୟୋଜନ ପାଇଁ ଓଡ଼ିଶାରୁ କେରଳକୁ ଗୋରୁ ଚାଲାଣ କରାଯାଉଥିଲା। ତେବେ, ଗଞ୍ଜାମ ଜିଲ୍ଲା ଭଞ୍ଜନଗର ପୋଲିସର ତତ୍ପରତା ଯୋଗୁଁ ଗୋ-ମାଫିଆଙ୍କର ଏହି ମାଷ୍ଟରପ୍ଲାନ ସମ୍ପୂର୍ଣ୍ଣ ରୂପେ ଫସର ମାରିଛି। ପୋଲିସ ଚଢ଼ାଉ କରି ୧୦୦ରୁ ଅଧିକ ଗୋରୁଙ୍କୁ ଉଦ୍ଧାର କରିଛି।

ରାଜଗାଙ୍ଗପୁର ଠାରେ ମୋହରମ ଶୋଭାଯାତ୍ରା ଅନୁଷ୍ଠିତ ହୋଇଛି।

ରାଜଧାନୀ ଦିଲ୍ଲୀର ସ୍ୱରୂପ ନଗରରେ ଏକ ଘରେ ଭୟାବହ ଅଗ୍ନିକାଣ୍ଡ ଘଟିଛି। ଏହି ଅଗ୍ନିକାଣ୍ଡ ସମୟରେ ଜଣେ ବ୍ୟକ୍ତି ଘର ଭିତରେ ଫସିଯାଇଥିଲେ। କିନ୍ତୁ ସେ ବହୁତ ବୁଦ୍ଧିମତା ଏବଂ ସାହସ ଦେଖାଇ ସମୟ ପୂର୍ବରୁ ନିଜକୁ ସୁରକ୍ଷିତ ଭାବେ ବାହାର କରିବାରେ ସଫଳ ହୋଇଥିଲେ। ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି।

ଧେଙ୍କାନାଳ ଜିଲ୍ଲା ହିନ୍ଦୋଳ ଅନ୍ତର୍ଗତ ରାସୋଳ ଥାନା ଗଣ୍ଡାନାଳୀ ଛକରେ ଥିବା ବିଦ୍ୟାଧର ସାହୁଙ୍କ ଗ୍ରୋସରୀ ଦୋକାନରୁ ଗତରାତିରେ ଚୋରି ହୋଇଛି। ଅଜଣା ଚୋରମାନେ ଦୋକାନର ତାଲା ଭାଙ୍ଗି ଲକ୍ଷାଧିକ ଟଙ୍କାର ସାମଗ୍ରୀ ଲୁଟି ନେଇଛନ୍ତି। ଏହି ଘଟଣାକୁ ନେଇ ପୋଲିସ ସିସିଟିଭି ଫୁଟେଜ୍ ଆଧାରରେ ଛାନଭିନ ଆରମ୍ଭ କରିଛି। ଉଲ୍ଲେଖଯୋଗ୍ୟ ଯେ, ଗତ ଏକ ମାସ ମଧ୍ୟରେ ଏହି ଅଞ୍ଚଳରେ ଚାରୋଟି ଭିନ୍ନ ସ୍ଥାନରୁ ଚୋରି ହୋଇସାରିଛି, ଯାହା ପୋଲିସ ପାଇଁ ଏକ ବଡ଼ ଆହ୍ୱାନ ସୃଷ୍ଟି କରିଛି।

ରାଜ୍ୟ ସରକାରଙ୍କ ଦୁଇ ବର୍ଷ ପୂର୍ତ୍ତି ଅବସରରେ 'ବିକାଶର ଧାରା ଓଡ଼ିଶା ସାରା' କାର୍ଯ୍ୟକ୍ରମ କେନ୍ଦୁଝର ଜିଲ୍ଲା ଅନ୍ତର୍ଗତ ଘସିପୁରା ବ୍ଲକର ରାମଚନ୍ଦ୍ରପୁର ପଞ୍ଚାୟତରେ ଅନୁଷ୍ଠିତ ହୋଇଛି।

ଖୁବଶୀଘ୍ର ଓଡ଼ିଆ ଫିଲ୍ମ "ଗୁରୁଜୀ ନମସ୍କାର" ମୁକ୍ତିଲାଭ କରିବାକୁ ଯାଉଛି। ଭୁବନେଶ୍ୱର, ଓଡ଼ିଶାରୁ ମିଳିଥିବା ସୂଚନା ଅନୁଯାୟୀ, ଏହି ଚଳଚ୍ଚିତ୍ର ସମାଜକୁ ଅନେକ ମହତ୍ତ୍ୱପୂର୍ଣ୍ଣ ବାର୍ତ୍ତା ପ୍ରଦାନ କରିବ।

ଉତ୍ତମ ସ୍ୱାସ୍ଥ୍ୟ ବିନା ସମ୍ପଦ ଓ ସମୃଦ୍ଧିର ପରିକଳ୍ପନା ଅଧୁରା ବୋଲି ବାର୍ତ୍ତା ଦିଆଯାଇଛି। ଏଥିପାଇଁ ନିଜ ସ୍ୱାସ୍ଥ୍ୟ ପ୍ରତି ସଚେତନତା, ଉନ୍ନତ ଚିକିତ୍ସା ସେବା ଏବଂ ସୁସ୍ଥ ଜୀବନଶୈଳୀକୁ ସର୍ବାଧିକ ପ୍ରାଧାନ୍ୟ ଦେବା ଅତ୍ୟନ୍ତ ଜରୁରୀ। 'ଟିମ୍ ଓଡ଼ିଶା'ର ସାମୂହିକ ପ୍ରୟାସ ଏବଂ ସମସ୍ତଙ୍କ ସହଭାଗିତାରେ ହିଁ ଏକ ସୁସ୍ଥ, ସଶକ୍ତ ଓ ସମୃଦ୍ଧ ଓଡ଼ିଶା ଗଢ଼ିଉଠିବ ବୋଲି ଦୃଢ଼ ବିଶ୍ୱାସ ରଖାଯାଇଛି। କାରଣ ସୁସ୍ଥ ନାଗରିକ ହିଁ ବିକଶିତ ଓଡ଼ିଶାର ସବୁଠାରୁ ବଡ଼ ଶକ୍ତି, ଯାହା ଲୋକଙ୍କ ସରକାରର ଦୁଇ ବର୍ଷ ପୂର୍ତ୍ତି ଏବଂ ଓଡ଼ିଶା ସାରା ବିକାଶର ଧାରାକୁ ଆହୁରି ସୁଦୃଢ଼ କରିବ।

ଓଡ଼ିଶାର ଏକ ଅଗ୍ରଣୀ ସାମାଜିକ ସଙ୍ଗଠନ ମାରୁତି ସେନା ପକ୍ଷରୁ କାମାକ୍ଷାନଗର ଉପଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦିଆଯାଇଥିବା ଏହି ଦାବିପତ୍ରରେ ଗରିବ ଓ ଅସହାୟଙ୍କ ଭତ୍ତା ପ୍ରଦାନରେ ବିଳମ୍ବ ଏବଂ କାମାକ୍ଷାନଗର ଉପଖଣ୍ଡ ଚିକିତ୍ସାଳୟରେ ଡାକ୍ତର ଅଭାବ ଭଳି ଦୁଇଟି ପ୍ରମୁଖ ସମସ୍ୟା ଉଲ୍ଲେଖ କରାଯାଇଛି। ରାଜ୍ୟ ସଭାପତି ଆଡଭୋକେଟ୍ ପପୁ ଦଳବେହେରାଙ୍କ ନିର୍ଦ୍ଦେଶକ୍ରମେ ଜିଲ୍ଲା ସଭାପତି ବିକାଶ ଚନ୍ଦ୍ର ବେହେରାଙ୍କ ନେତୃତ୍ୱରେ ସଙ୍ଗଠନର ସଦସ୍ୟମାନେ ଏହି ଦାବିପତ୍ର ପ୍ରଦାନ କରିଥିଲେ। ଦାବିପତ୍ରରେ ଉଲ୍ଲେଖ କରାଯାଇଛି ଯେ, ଜିଲ୍ଲାର ଅନେକ ବୃଦ୍ଧ, ବୃଦ୍ଧା, ବିଧବା, ଭିନ୍ନକ୍ଷମ ଏବଂ ଅସହାୟ ବ୍ୟକ୍ତି ଗତ ତିନି ମାସ ଧରି ଭତ୍ତା ପାଇନଥିବାରୁ ଦୁର୍ଦ୍ଦଶାରେ ଜୀବନ ଯାପନ କରୁଛନ୍ତି। ମାରୁତି ସେନା ଏହି ସମସ୍ୟାର ତୁରନ୍ତ ସମାଧାନ କରି ବକେୟା ଭତ୍ତା ପ୍ରଦାନ କରିବାକୁ ଦାବି କରିଛି। ସେହିପରି, କାମାକ୍ଷାନଗର ଉପଖଣ୍ଡ ଚିକିତ୍ସାଳୟରେ ଡାକ୍ତର ଅଭାବ ଯୋଗୁଁ ସାଧାରଣ ରୋଗୀମାନେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି। ସାମାନ୍ୟ ରୋଗରେ ମଧ୍ୟ ରୋଗୀଙ୍କୁ ଢେଙ୍କାନାଳକୁ ରେଫର୍ କରାଯାଉଥିବାରୁ ଗରିବ ଲୋକମାନେ ଅଧିକ ହଇରାଣ ହେଉଛନ୍ତି। ଏହି ପରିପ୍ରେକ୍ଷୀରେ, ମାରୁତି ସେନା ବିଶେଷକରି ଗର୍ଭବତୀ ମହିଳା ଓ ଶିଶୁମାନଙ୍କ ପାଇଁ ବିଶେଷଜ୍ଞ ଡାକ୍ତର ନିଯୁକ୍ତି ଦେବାକୁ ଦାବି କରିଛି। ସଙ୍ଗଠନ ଚେତାବନୀ ଦେଇଛି ଯେ, ଯଦି ଏହି ସମସ୍ୟାଗୁଡ଼ିକର ଶୀଘ୍ର ସମାଧାନ ନହୁଏ, ତେବେ ଆଗାମୀ ଦିନରେ ଆନ୍ଦୋଳନକୁ ଆହୁରି ତୀବ୍ର କରାଯିବ।

ଢେଙ୍କାନାଳ ଟାଉନ ଥାନା ପୁଲିସକୁ ଏକ ବଡ଼ ସଫଳତା ମିଳିଛି। ପୁଲିସ ମହିଷାପାଟ କାଜୁ ଜଙ୍ଗଲରେ ଚଢ଼ାଉ କରି ୨୨ କେଜି ୬୦୦ ଗ୍ରାମ ଗଞ୍ଜେଇ ଜବତ କରିଛି। ଏହି ଅଭିଯାନରେ ପୁଲିସ ୭ ଜଣ ଯୁବକଙ୍କୁ ମଧ୍ୟ ଗିରଫ କରିଛି। ଗିରଫ ହୋଇଥିବା ଯୁବକମାନଙ୍କ ନିକଟରୁ ୨ଟି ମୋଟରସାଇକେଲ ଏବଂ ୭ଟି ମୋବାଇଲ ଫୋନ ମଧ୍ୟ ଜବତ କରାଯାଇଛି।