लातूर येथे 'सहकार संकुल' इमारतीचे भूमिपूजन सहकार मंत्री बाबासाहेब पाटील यांच्या अध्यक्षतेखाली आणि लातूरचे पालकमंत्री शिवेंद्रसिंहराजे भोसले यांच्या हस्ते उत्साहात संपन्न झाले. सहकार क्षेत्राला अधिक बळकट करण्यासाठी राज्य शासन कटिबद्ध असून, या नव्या संकुलामुळे सहकारी संस्था व बँकांना अधिक सक्षम करण्यासाठी आणि सहकार विभागाच्या सर्व सेवा एकाच छताखाली उपलब्ध करून देण्यासाठी मोठी मदत होणार आहे. या कार्यक्रमात बोलताना सहकार मंत्री बाबासाहेब पाटील यांनी सांगितले की, बदलत्या काळानुसार सहकाराचे स्वरूप बदलत असून राज्यातील लाखो संसार या चळवळीमुळे उभे राहिले आहेत. सहकारी संस्थांना केवळ पारंपारिक व्यवसायापुरते मर्यादित न ठेवता, त्यांना किराणा दुकानांपासून जेनेरिक औषध दुकानांपर्यंत विविध नवे उद्योग सुरू करण्याची परवानगी शासनाने दिली आहे. यामुळे रोजगाराच्या नवनवीन संधी खुल्या होणार असून, राज्याला १ ट्रिलियन डॉलरची अर्थव्यवस्था बनवण्यात सहकार चळवळ महत्त्वाची भूमिका बजावेल. तसेच, शासनाच्या अहिल्यादेवी होळकर शेतकरी कर्जमुक्ती योजनेमुळे शेतकऱ्यांना मोठा दिलासा मिळणार असल्याचे त्यांनी स्पष्ट केले. पालकमंत्री शिवेंद्रसिंहराजे भोसले यांनी नमूद केले की, महाराष्ट्राला सहकाराची समृद्ध परंपरा असून केंद्र सरकारने स्वतंत्र सहकार मंत्रालय सुरू करून केंद्रीय सहकार मंत्री अमित शाह यांच्या माध्यमातून शेतकरी व सहकारी संस्थांच्या हिताचे मोठे निर्णय घेतले आहेत. लातूर येथे उभारण्यात येणाऱ्या या संकुलाचे काम अत्यंत दर्जेदार आणि गुणवत्तापूर्ण व्हावे, यात कोणताही हलगर्जीपणा होणार नाही याची दक्षता घ्यावी, अशी सूचना त्यांनी केली. तसेच मुख्यमंत्री देवेंद्र फडणवीस यांनी कर्जमुक्ती योजनेतील काही अटी वगळण्याची घोषणा केल्यामुळे लाखो शेतकऱ्यांना मोठा लाभ होईल, असा विश्वास त्यांनी व्यक्त केला. शेतकऱ्यांना आधार देणाऱ्या या संस्थांचे काम वेळेत पूर्ण व्हावे, असे आवाहन आमदार विक्रम काळे यांनी केले. या प्रसंगी मुख्य प्रतोद आमदार विक्रम काळे, जिल्हा परिषद अध्यक्षा उषाताई पाटील तळेगावकर, लातूरच्या महापौर जयश्री सोनकांबळे, नगरसेवक विक्रांत गोजमगुंडे, जिल्हा परिषद उपाध्यक्ष दयानंद सुरवसे, समाज कल्याण सभापती उत्तम माने, अहमदपूर पंचायत समितीचे सभापती सूरज पाटील यांच्यासह विभागीय सहनिबंधक नानासाहेब चव्हाण, जिल्हा उपनिबंधक व्ही. एल. पोतंगले, सार्वजनिक बांधकाम विभागाच्या मुख्य अभियंता रूपा राऊळ आणि अधीक्षक अभियंता बाबासाहेब थोरात उपस्थित होते. कार्यक्रमाचे प्रास्ताविक विभागीय सहनिबंधक नानासाहेब चव्हाण यांनी केले, तर सहायक निबंधक श्री. गडेकर यांनी सर्वांचे आभार मानले.

Nitin Chalak

Media company शिरूर-अनंतपाळ, लातूर, महाराष्ट्र•

1 hr ago

लातूर येथे 'सहकार संकुल' इमारतीचे भूमिपूजन सहकार मंत्री बाबासाहेब पाटील यांच्या अध्यक्षतेखाली आणि लातूरचे पालकमंत्री शिवेंद्रसिंहराजे भोसले यांच्या हस्ते उत्साहात संपन्न झाले. सहकार क्षेत्राला अधिक बळकट करण्यासाठी राज्य शासन कटिबद्ध असून, या नव्या संकुलामुळे सहकारी संस्था व बँकांना अधिक सक्षम करण्यासाठी आणि सहकार विभागाच्या सर्व सेवा एकाच छताखाली उपलब्ध करून देण्यासाठी मोठी मदत होणार आहे. या कार्यक्रमात बोलताना सहकार मंत्री बाबासाहेब पाटील यांनी सांगितले की, बदलत्या काळानुसार सहकाराचे स्वरूप बदलत असून राज्यातील लाखो संसार या चळवळीमुळे उभे राहिले

आहेत. सहकारी संस्थांना केवळ पारंपारिक व्यवसायापुरते मर्यादित न ठेवता, त्यांना किराणा दुकानांपासून जेनेरिक औषध दुकानांपर्यंत विविध नवे उद्योग सुरू करण्याची परवानगी शासनाने दिली आहे. यामुळे रोजगाराच्या नवनवीन संधी खुल्या होणार असून, राज्याला १ ट्रिलियन डॉलरची अर्थव्यवस्था बनवण्यात सहकार चळवळ महत्त्वाची भूमिका बजावेल. तसेच, शासनाच्या अहिल्यादेवी होळकर शेतकरी कर्जमुक्ती योजनेमुळे शेतकऱ्यांना मोठा दिलासा मिळणार असल्याचे त्यांनी स्पष्ट केले. पालकमंत्री शिवेंद्रसिंहराजे भोसले यांनी नमूद केले की, महाराष्ट्राला सहकाराची समृद्ध परंपरा असून केंद्र सरकारने स्वतंत्र सहकार मंत्रालय सुरू करून केंद्रीय सहकार

मंत्री अमित शाह यांच्या माध्यमातून शेतकरी व सहकारी संस्थांच्या हिताचे मोठे निर्णय घेतले आहेत. लातूर येथे उभारण्यात येणाऱ्या या संकुलाचे काम अत्यंत दर्जेदार आणि गुणवत्तापूर्ण व्हावे, यात कोणताही हलगर्जीपणा होणार नाही याची दक्षता घ्यावी, अशी सूचना त्यांनी केली. तसेच मुख्यमंत्री देवेंद्र फडणवीस यांनी कर्जमुक्ती योजनेतील काही अटी वगळण्याची घोषणा केल्यामुळे लाखो शेतकऱ्यांना मोठा लाभ होईल, असा विश्वास त्यांनी व्यक्त केला. शेतकऱ्यांना आधार देणाऱ्या या संस्थांचे काम वेळेत पूर्ण व्हावे, असे आवाहन आमदार विक्रम काळे यांनी केले. या प्रसंगी

मुख्य प्रतोद आमदार विक्रम काळे, जिल्हा परिषद अध्यक्षा उषाताई पाटील तळेगावकर, लातूरच्या महापौर जयश्री सोनकांबळे, नगरसेवक विक्रांत गोजमगुंडे, जिल्हा परिषद उपाध्यक्ष दयानंद सुरवसे, समाज कल्याण सभापती उत्तम माने, अहमदपूर पंचायत समितीचे सभापती सूरज पाटील यांच्यासह विभागीय सहनिबंधक नानासाहेब चव्हाण, जिल्हा उपनिबंधक व्ही. एल. पोतंगले, सार्वजनिक बांधकाम विभागाच्या मुख्य अभियंता रूपा राऊळ आणि अधीक्षक अभियंता बाबासाहेब थोरात उपस्थित होते. कार्यक्रमाचे प्रास्ताविक विभागीय सहनिबंधक नानासाहेब चव्हाण यांनी केले, तर सहायक निबंधक श्री. गडेकर यांनी सर्वांचे आभार मानले.