நாகப்பட்டினம் மாவட்டம், திருக்குவளை அருகேயுள்ள களத்திடல்கரை கிராமத்தில் அமைந்துள்ள பழமையான திருஇருதய ஆண்டவர் ஆலயத்தின் ஆண்டுப்பெருவிழாவின் முக்கிய நிகழ்வாக, மின் அலங்கார பெரிய திருத்தேர்பவனி கோலாகலமாக நடைபெற்றது. இந்த தேர்பவனியில் திரளான பக்தர்கள் பங்கேற்று சிறப்பு வழிபாடு நடத்தினர். கடந்த மே மாதம் 21-ந்தேதி கொடியேற்றத்துடன் தொடங்கிய இந்த ஆண்டுப்பெருவிழாவின் ஒரு பகுதியாக, மின்விளக்குகளால் அலங்கரிக்கப்பட்ட சப்பரத்தில் இருதய ஆண்டவர், மிக்கேல் அதிதூதர், தேவமாதா ஆகியோர் எழுந்தருளினர். ஆலய பங்குத்தந்தை டேவிட்செல்வகுமார் தலைமையில் நவநாள் ஜெபம் உள்ளிட்ட சிறப்புத் திருப்பலிகள் நடத்தப்பட்டு, சப்பரம் புனிதம் செய்யப்பட்டு பவனி துவக்கி வைக்கப்பட்டது. ஆலய வளாகத்தில் இருந்து புறப்பட்ட இந்த சப்பரப்பவனி களத்திடல்கரை கிராமத்தின் முக்கிய வீதிகள் வழியாகச் சென்று பக்தர்களுக்கு காட்சியளித்தது. இந்த தேர்பவனியில் ஏராளமான பக்தர்கள் கலந்துகொண்டு சுவாமி தரிசனம் செய்தனர்.

MAHENDRAN

Local News Reporter Kilvelur, Nagapattinam•

2 hrs ago

நாகப்பட்டினம் மாவட்டம், திருக்குவளை அருகேயுள்ள களத்திடல்கரை கிராமத்தில் அமைந்துள்ள பழமையான திருஇருதய ஆண்டவர் ஆலயத்தின் ஆண்டுப்பெருவிழாவின் முக்கிய நிகழ்வாக, மின் அலங்கார பெரிய திருத்தேர்பவனி கோலாகலமாக நடைபெற்றது. இந்த தேர்பவனியில் திரளான பக்தர்கள் பங்கேற்று சிறப்பு வழிபாடு நடத்தினர். கடந்த மே மாதம் 21-ந்தேதி கொடியேற்றத்துடன் தொடங்கிய இந்த ஆண்டுப்பெருவிழாவின் ஒரு பகுதியாக, மின்விளக்குகளால் அலங்கரிக்கப்பட்ட சப்பரத்தில் இருதய ஆண்டவர், மிக்கேல் அதிதூதர், தேவமாதா ஆகியோர் எழுந்தருளினர். ஆலய பங்குத்தந்தை டேவிட்செல்வகுமார் தலைமையில் நவநாள் ஜெபம் உள்ளிட்ட சிறப்புத் திருப்பலிகள் நடத்தப்பட்டு, சப்பரம் புனிதம் செய்யப்பட்டு பவனி துவக்கி வைக்கப்பட்டது. ஆலய வளாகத்தில் இருந்து புறப்பட்ட இந்த சப்பரப்பவனி களத்திடல்கரை கிராமத்தின் முக்கிய வீதிகள் வழியாகச் சென்று பக்தர்களுக்கு காட்சியளித்தது. இந்த தேர்பவனியில் ஏராளமான பக்தர்கள் கலந்துகொண்டு சுவாமி தரிசனம் செய்தனர்.