మంచిర్యాల జిల్లా గిరిజన సంక్షేమ శాఖలో డిప్యూటీ డైరెక్టర్‌గా సేవలు అందించి, జాయింట్ డైరెక్టర్‌గా పదవీ విరమణ పొందిన ఆర్.రమాదేవికి శనివారం మంచిర్యాల జిల్లా కేంద్రంలోని హరిత గార్డెన్‌లో ఘన సన్మానం జరిగింది. తెలంగాణ రాష్ట్ర గిరిజన సంక్షేమ ఉపాధ్యాయుల సంఘం (టీఎస్‌టీడబ్ల్యూటీయూ) ఆధ్వర్యంలో నిర్వహించిన ఈ కార్యక్రమంలో ఆమెకు శాలువా కప్పి, బొకే అందజేసి సత్కరించారు. రమాదేవి గిరిజన సంక్షేమానికి అందించిన సేవలు చిరస్మరణీయమని సంఘం జిల్లా అధ్యక్షుడు రాథోడ్ రవీందర్ కొనియాడారు. గిరిజన విద్యాభివృద్ధి, విద్యార్థుల సంక్షేమం, ఉపాధ్యాయుల సమస్యల పరిష్కారంలో రమాదేవి విశేష కృషి చేశారని రవీందర్ తెలిపారు. ఆమె క్రమశిక్షణ, నిబద్ధతతో విధులు నిర్వహిస్తూ అందరికీ ఆదర్శంగా నిలిచారని, గిరిజన ప్రాంతాల్లో విద్యా ప్రమాణాల మెరుగుదలకు ఎనలేని సేవలు అందించారని వివరించారు. మానవతా దృక్పథంతో ఉపాధ్యాయులు, ఉద్యోగులకు మార్గదర్శకురాలిగా నిలిచిన రమాదేవి సేవలకు గుర్తింపుగా వారంలో ఇది మూడోసారి సన్మాన కార్యక్రమం నిర్వహించడం జరిగిందని పేర్కొన్నారు. పదవీ విరమణ అనంతరం కూడా ఆమె ఆయురారోగ్యాలతో సమాజ సేవలో కొనసాగాలని ఆకాంక్షించారు. ఈ కార్యక్రమంలో ఐటీడీఏ డిప్యూటీ డైరెక్టర్ ప్రేమకళ, ఆసిఫాబాద్ పీఎంఆర్‌సీ ఏసీఎంఓ పూర్క్ ఉద్దవ్, మంచిర్యాల ఏసీఎంఓ అశోక్, ఏటీడీఓ సురేష్, రిటైర్డ్ ఏటీడీఓ కోరం క్షేత్రయ్య, జీసీడీఓ కొట్నాక్ శకుంతల, ఏటీడీఓలు చిరంజీవి, శ్రీనివాస్ పాల్గొన్నారు. వీరితో పాటు మాజీ జిల్లా క్రీడల అధికారి బండ మీనారెడ్డి, టీఎస్‌టీడబ్ల్యూటీయూ రాష్ట్ర ఉపాధ్యక్షులు నైతం కృష్ణారావు, జిల్లా ప్రధాన కార్యదర్శి మాడావి గోపాల్, ఇతర జిల్లా నాయకులు, ఉపాధ్యాయులు, గిరిజన సంక్షేమ శాఖ అధికారులు పెద్ద సంఖ్యలో హాజరయ్యారు.

Krishna

ఆసిఫాబాద్, కుమురం భీమ్ ఆసిఫాబాద్, తెలంగాణ•

4 hrs ago

మంచిర్యాల జిల్లా గిరిజన సంక్షేమ శాఖలో డిప్యూటీ డైరెక్టర్‌గా సేవలు అందించి, జాయింట్ డైరెక్టర్‌గా పదవీ విరమణ పొందిన ఆర్.రమాదేవికి శనివారం మంచిర్యాల జిల్లా కేంద్రంలోని హరిత గార్డెన్‌లో ఘన సన్మానం జరిగింది. తెలంగాణ రాష్ట్ర గిరిజన సంక్షేమ ఉపాధ్యాయుల సంఘం (టీఎస్‌టీడబ్ల్యూటీయూ) ఆధ్వర్యంలో నిర్వహించిన ఈ కార్యక్రమంలో ఆమెకు శాలువా కప్పి, బొకే అందజేసి సత్కరించారు. రమాదేవి గిరిజన సంక్షేమానికి అందించిన సేవలు చిరస్మరణీయమని సంఘం జిల్లా అధ్యక్షుడు రాథోడ్ రవీందర్ కొనియాడారు. గిరిజన విద్యాభివృద్ధి, విద్యార్థుల సంక్షేమం, ఉపాధ్యాయుల సమస్యల పరిష్కారంలో రమాదేవి విశేష కృషి చేశారని రవీందర్ తెలిపారు. ఆమె క్రమశిక్షణ, నిబద్ధతతో విధులు నిర్వహిస్తూ అందరికీ ఆదర్శంగా నిలిచారని, గిరిజన ప్రాంతాల్లో విద్యా ప్రమాణాల మెరుగుదలకు ఎనలేని సేవలు అందించారని వివరించారు. మానవతా దృక్పథంతో ఉపాధ్యాయులు, ఉద్యోగులకు మార్గదర్శకురాలిగా నిలిచిన రమాదేవి సేవలకు గుర్తింపుగా వారంలో ఇది మూడోసారి సన్మాన కార్యక్రమం నిర్వహించడం జరిగిందని పేర్కొన్నారు. పదవీ విరమణ అనంతరం కూడా ఆమె ఆయురారోగ్యాలతో సమాజ సేవలో కొనసాగాలని ఆకాంక్షించారు. ఈ కార్యక్రమంలో ఐటీడీఏ డిప్యూటీ డైరెక్టర్ ప్రేమకళ, ఆసిఫాబాద్ పీఎంఆర్‌సీ ఏసీఎంఓ పూర్క్ ఉద్దవ్, మంచిర్యాల ఏసీఎంఓ అశోక్, ఏటీడీఓ సురేష్, రిటైర్డ్ ఏటీడీఓ కోరం క్షేత్రయ్య, జీసీడీఓ కొట్నాక్ శకుంతల, ఏటీడీఓలు చిరంజీవి, శ్రీనివాస్ పాల్గొన్నారు. వీరితో పాటు మాజీ జిల్లా క్రీడల అధికారి బండ మీనారెడ్డి, టీఎస్‌టీడబ్ల్యూటీయూ రాష్ట్ర ఉపాధ్యక్షులు నైతం కృష్ణారావు, జిల్లా ప్రధాన కార్యదర్శి మాడావి గోపాల్, ఇతర జిల్లా నాయకులు, ఉపాధ్యాయులు, గిరిజన సంక్షేమ శాఖ అధికారులు పెద్ద సంఖ్యలో హాజరయ్యారు.