மாற்றுப்பணியில் உள்ள டாக்டர்கள், நர்ஸ்கள் விவரம் தாக்கல் செய்ய உத்தரவு. மாற்றுப்பணியில் உள்ள டாக்டர்கள், நர்ஸ்கள் விவரம் தாக்கல் செய்ய உத்தரவு மதுரை, பிப். 18- தமிழகம் முழுவதும் அரசு மருத்துவமனைகளில் மாற்றுப்பணியில் (டெபுடேசன்) உள்ள மருத்துவர்கள் மற்றும் செவிலியர்களின் விபரங்களை தாக்கல் செய்ய சுகாதாரத்துறைக்கு மதுரை உயர்நீதிமன்ற கிளை உத்தரவிட்டுள்ளது. சிவகங்கை அரசு மருத்துவமனையில் நர்ஸ்களாக பணியாற்றிய மெலன்ஷியா செல்வகுமாரி உள்ளிட்டோர், 2014 முதல் 2016 காலப்பகுதியில் மதுரை அரசு மருத்துவமனையில் மாற்றுப்பணியில் நியமிக்கப்பட்டனர். இவர்கள் 2025 நவம்பர் வரை பணியில் தொடர அனுமதிக்கப்பட்ட நிலையில், மாற்றுப்பணி உத்தரவை மருத்துவ இயக்குநர் கடந்த நவம்பர் 25ஆம் தேதி ரத்து செய்தார். இதனைத் தொடர்ந்து, அவர்களை முதலில் பணியாற்றிய இடங்களுக்கு திரும்ப அனுப்ப மதுரை அரசு மருத்துவமனை டீன் உத்தரவிட்டார். இந்த உத்தரவை ரத்து செய்து, மதுரை அரசு மருத்துவமனையில் உள்ள காலிப் பணியிடங்களில் தொடர்ந்து பணியாற்ற அனுமதிக்க வேண்டும் என மெலன்ஷியா செல்வகுமாரி உள்ளிட்ட 8 பேர் மனு தாக்கல் செய்தனர். இந்த வழக்கை புதனன்று விசாரித்த நீதிபதி பி.புகழேந்தி, நகர வாழ்க்கை வசதிகள் காரணமாக அனைவரும் நகரங்களில் பணியாற்ற விரும்புவது உண்மை என்றாலும், கிராமப்புற மக்களின் மருத்துவ தேவைகளும் கவனிக்கப்பட வேண்டும் எனக் குறிப்பிட்டார். மாற்றுப்பணி நியமன மனப்பான்மை ஊக்குவிக்கப்படுமானால் கிராமப்புறங்களில் வசிக்கும் ஏழை மக்களின் தேவைகள் புறக்கணிக்கப்படும் என்றும் நீதிமன்றம் தெரிவித்தது. இதையடுத்து, அரசு மருத்துவமனைகளில் மாற்றுப்பணியில் உள்ள மருத்துவர்கள் மற்றும் செவிலியர்களின் முழு விவரங்களை சுகாதாரத்துறை தாக்கல் செய்ய உத்தரவிட்டு, வழக்கின் விசாரணையை நீதிமன்றம் ஒத்திவைத்தது.

Ponmaran Thekkathir Reporter

மதுரை வடக்கு, மதுரை, தமிழ்நாடு•

3 hrs ago

மாற்றுப்பணியில் உள்ள டாக்டர்கள், நர்ஸ்கள் விவரம் தாக்கல் செய்ய உத்தரவு. மாற்றுப்பணியில் உள்ள டாக்டர்கள், நர்ஸ்கள் விவரம் தாக்கல் செய்ய உத்தரவு மதுரை, பிப். 18- தமிழகம் முழுவதும் அரசு மருத்துவமனைகளில் மாற்றுப்பணியில் (டெபுடேசன்) உள்ள மருத்துவர்கள் மற்றும் செவிலியர்களின் விபரங்களை தாக்கல் செய்ய சுகாதாரத்துறைக்கு மதுரை உயர்நீதிமன்ற கிளை உத்தரவிட்டுள்ளது. சிவகங்கை அரசு மருத்துவமனையில் நர்ஸ்களாக பணியாற்றிய மெலன்ஷியா செல்வகுமாரி உள்ளிட்டோர், 2014 முதல் 2016 காலப்பகுதியில் மதுரை அரசு மருத்துவமனையில் மாற்றுப்பணியில் நியமிக்கப்பட்டனர். இவர்கள் 2025 நவம்பர் வரை பணியில் தொடர அனுமதிக்கப்பட்ட நிலையில், மாற்றுப்பணி உத்தரவை மருத்துவ இயக்குநர் கடந்த நவம்பர் 25ஆம் தேதி ரத்து செய்தார். இதனைத் தொடர்ந்து, அவர்களை முதலில் பணியாற்றிய இடங்களுக்கு திரும்ப அனுப்ப மதுரை அரசு மருத்துவமனை டீன் உத்தரவிட்டார். இந்த உத்தரவை ரத்து செய்து, மதுரை அரசு மருத்துவமனையில் உள்ள காலிப் பணியிடங்களில் தொடர்ந்து பணியாற்ற அனுமதிக்க வேண்டும் என மெலன்ஷியா செல்வகுமாரி உள்ளிட்ட 8 பேர் மனு தாக்கல் செய்தனர். இந்த வழக்கை புதனன்று விசாரித்த நீதிபதி பி.புகழேந்தி, நகர வாழ்க்கை வசதிகள் காரணமாக அனைவரும் நகரங்களில் பணியாற்ற விரும்புவது உண்மை என்றாலும், கிராமப்புற மக்களின் மருத்துவ தேவைகளும் கவனிக்கப்பட வேண்டும் எனக் குறிப்பிட்டார். மாற்றுப்பணி நியமன மனப்பான்மை ஊக்குவிக்கப்படுமானால் கிராமப்புறங்களில் வசிக்கும் ஏழை மக்களின் தேவைகள் புறக்கணிக்கப்படும் என்றும் நீதிமன்றம் தெரிவித்தது. இதையடுத்து, அரசு மருத்துவமனைகளில் மாற்றுப்பணியில் உள்ள மருத்துவர்கள் மற்றும் செவிலியர்களின் முழு விவரங்களை சுகாதாரத்துறை தாக்கல் செய்ய உத்தரவிட்டு, வழக்கின் விசாரணையை நீதிமன்றம் ஒத்திவைத்தது.