திருச்சி மாவட்டம் பிடாரபட்டியைச் சேர்ந்த ராகினி (26) தனது ஒரு வயது குழந்தை மற்றும் தங்கை கலைமதி ஆகியோருடன் மணப்பாறையிலிருந்து திரும்பி, துவரங்குறிச்சி பேருந்து நிலையத்தில் அரசுப் பேருந்தில் ஏறி பிடாரபட்டிக்குச் சென்றுள்ளனர். பேருந்தில் கூட்டம் அதிகமாக இருந்ததால், அவர்கள் கூட்டத்துடன் ஏறியுள்ளனர். அப்போது, இவர்களுக்குப் பின்னால் நின்ற ஒரு மூதாட்டி, ராகினியின் ஒரு வயது மகனின் கழுத்தில் அணிந்திருந்த தங்கத் தாயத்தை கட்டிங் பிளேடு மூலம் அறுத்துள்ளார். இந்தச் செயலை பின்னால் நின்று பார்த்துக்கொண்டிருந்த ராகினியின் தங்கை கலைமதி உடனடியாக கூச்சலிட, அருகிலிருந்த பொதுமக்கள் அந்த மூதாட்டியைப் பிடித்து துவரங்குறிச்சி காவல் நிலையத்தில் ஒப்படைத்தனர். காவல்துறையினர் நடத்திய விசாரணையில், அந்த மூதாட்டி தஞ்சை கோரிகுளம் பகுதியைச் சேர்ந்த ராஜேந்திரனின் மனைவி செல்வி (65) என்பதும், அவர் மீது பல காவல் நிலையங்களில் பல்வேறு குற்ற வழக்குகள் இருப்பதும் தெரியவந்தது. இதைத் தொடர்ந்து, ராகினி அளித்த புகாரின் பேரில் மூதாட்டி மீது வழக்குப் பதிவு செய்து, அவரை கைது செய்து நீதிமன்றத்தில் ஆஜர்படுத்தினர். இந்தச் சம்பவத்தால் பேருந்து நிலையத்தில் பெரும் பரபரப்பு ஏற்பட்டது. 65 வயதான ஒரு மூதாட்டி இதுபோன்ற செயலில் ஈடுபட்டதால் பொதுமக்கள் மிகுந்த அதிர்ச்சி அடைந்தனர். ஓடும் பேருந்தில் குழந்தையின் கழுத்தில் அணிந்திருந்த நகைக்காக, நகையின் கயிற்றை அறுத்த மூதாட்டி, நகைக்காக எது வேண்டுமானாலும் செய்வார் என்ற பேச்சு பொதுமக்களிடையே நிலவியது. மேலும், அந்த மூதாட்டி மீது கடுமையான நடவடிக்கை எடுக்க வேண்டும் என பொதுமக்கள் காவல்துறைக்குக் கோரிக்கை விடுத்துள்ளனர்.

Lakshmanan

Local News Reporter மணப்பாறை, திருச்சிராப்பள்ளி, தமிழ்நாடு•

4 days ago

திருச்சி மாவட்டம் பிடாரபட்டியைச் சேர்ந்த ராகினி (26) தனது ஒரு வயது குழந்தை மற்றும் தங்கை கலைமதி ஆகியோருடன் மணப்பாறையிலிருந்து திரும்பி, துவரங்குறிச்சி பேருந்து நிலையத்தில் அரசுப் பேருந்தில் ஏறி பிடாரபட்டிக்குச் சென்றுள்ளனர். பேருந்தில் கூட்டம் அதிகமாக இருந்ததால், அவர்கள் கூட்டத்துடன் ஏறியுள்ளனர். அப்போது, இவர்களுக்குப் பின்னால் நின்ற ஒரு மூதாட்டி, ராகினியின் ஒரு வயது மகனின் கழுத்தில் அணிந்திருந்த தங்கத் தாயத்தை கட்டிங் பிளேடு மூலம் அறுத்துள்ளார். இந்தச் செயலை பின்னால் நின்று பார்த்துக்கொண்டிருந்த ராகினியின் தங்கை கலைமதி உடனடியாக கூச்சலிட, அருகிலிருந்த பொதுமக்கள் அந்த மூதாட்டியைப் பிடித்து துவரங்குறிச்சி காவல் நிலையத்தில் ஒப்படைத்தனர். காவல்துறையினர் நடத்திய விசாரணையில், அந்த மூதாட்டி தஞ்சை கோரிகுளம் பகுதியைச் சேர்ந்த ராஜேந்திரனின் மனைவி செல்வி (65) என்பதும், அவர் மீது பல காவல் நிலையங்களில் பல்வேறு குற்ற வழக்குகள் இருப்பதும் தெரியவந்தது. இதைத் தொடர்ந்து, ராகினி அளித்த புகாரின் பேரில் மூதாட்டி மீது வழக்குப் பதிவு செய்து, அவரை கைது செய்து நீதிமன்றத்தில் ஆஜர்படுத்தினர். இந்தச் சம்பவத்தால் பேருந்து நிலையத்தில் பெரும் பரபரப்பு ஏற்பட்டது. 65 வயதான ஒரு மூதாட்டி இதுபோன்ற செயலில் ஈடுபட்டதால் பொதுமக்கள் மிகுந்த அதிர்ச்சி அடைந்தனர். ஓடும் பேருந்தில் குழந்தையின் கழுத்தில் அணிந்திருந்த நகைக்காக, நகையின் கயிற்றை அறுத்த மூதாட்டி, நகைக்காக எது வேண்டுமானாலும் செய்வார் என்ற பேச்சு பொதுமக்களிடையே நிலவியது. மேலும், அந்த மூதாட்டி மீது கடுமையான நடவடிக்கை எடுக்க வேண்டும் என பொதுமக்கள் காவல்துறைக்குக் கோரிக்கை விடுத்துள்ளனர்.