जळकी बाजारच्या सानिया तडवी यांची जालना पोलीस दलात निवड; ग्रामस्थांकडून जल्लोषात सत्कार जळकी बाजारच्या सानिया तडवी यांची जालना पोलीस दलात निवड; ग्रामस्थांकडून जल्लोषात सत्कार सिल्लोड (प्रतिनिधी, दि. २१) : सिल्लोड तालुक्यातील जळकी बाजार परिसरासाठी अभिमानाची बातमी समोर आली असून, जळकी बाजार येथील सानिया शौकत तडवी हिची जालना पोलीस दलात निवड झाली आहे. तिच्या या यशाबद्दल गावकऱ्यांनी व नातेवाईकांनी आनंद व्यक्त करत जल्लोषात सत्कार केला. सानिया तडवी हिने अत्यंत प्रतिकूल व हलाखीच्या परिस्थितीत शिक्षण घेत मेहनतीच्या जोरावर हे यश संपादन केले. मामाच्या घरी राहून तिने शिक्षणासोबत स्पर्धा परीक्षेची तयारी केली. अनेक अडचणींना सामोरे जात तिने आपले स्वप्न पूर्ण करून दाखवले. यावर्षी पोलीस भरतीत यश मिळवायचेच, वर्दी परिधान करायचीच या जिद्दीने तिने सातत्याने अभ्यास व सराव केला. तिच्या चिकाटी, मेहनत आणि आत्मविश्वासामुळे अखेर तिची जालना पोलीस दलात निवड झाली. त्यामुळे परिसरात आनंदाचे वातावरण निर्माण झाले आहे. सानिया शौकत तडवी ही जालना जिल्ह्यातील भोकरदन तालुक्यातील वाढोणा येथील रहिवासी असून, जळकी बाजार येथील ग्रामपंचायत सदस्य रोशन तडवी यांची भाची आहे. तिच्या यशामुळे कुटुंबीयांसह गावकऱ्यांमध्ये उत्साहाचे वातावरण आहे. तिच्या सत्कार प्रसंगी ग्रामस्थ, नातेवाईक, मित्रपरिवार तसेच विविध क्षेत्रातील मान्यवर पत्रकार शेख नदीम, सलीम कुरैशी रोशन तडवी उपस्थित होते. उपस्थितांनी तिच्या पुढील वाटचालीस शुभेच्छा देत इतर युवक-युवतींनीही तिच्याकडून प्रेरणा घ्यावी, असे मत व्यक्त केले. “अशक्य काहीच नसते, मनापासून प्रयत्न केले तर यश निश्चित मिळते,” हे सानियाने आपल्या कृतीतून सिद्ध करून दाखवले आहे. तिच्या या यशामुळे जळकी बाजार परिसराचे नाव उज्ज्वल झाले आहे.

RahimKhan Pathan

Voice of people सोयगाव, औरंगाबाद, महाराष्ट्र•

2 hrs ago

जळकी बाजारच्या सानिया तडवी यांची जालना पोलीस दलात निवड; ग्रामस्थांकडून जल्लोषात सत्कार जळकी बाजारच्या सानिया तडवी यांची जालना पोलीस दलात निवड; ग्रामस्थांकडून जल्लोषात सत्कार सिल्लोड (प्रतिनिधी, दि. २१) : सिल्लोड तालुक्यातील जळकी बाजार परिसरासाठी अभिमानाची बातमी समोर आली असून, जळकी बाजार येथील सानिया शौकत तडवी हिची जालना पोलीस दलात निवड झाली आहे. तिच्या या यशाबद्दल गावकऱ्यांनी व नातेवाईकांनी आनंद व्यक्त करत जल्लोषात सत्कार केला. सानिया तडवी हिने अत्यंत प्रतिकूल व हलाखीच्या परिस्थितीत शिक्षण घेत मेहनतीच्या जोरावर हे यश संपादन केले. मामाच्या घरी राहून तिने शिक्षणासोबत स्पर्धा परीक्षेची तयारी केली. अनेक अडचणींना सामोरे जात तिने आपले स्वप्न पूर्ण करून दाखवले. यावर्षी पोलीस भरतीत यश मिळवायचेच, वर्दी परिधान करायचीच या जिद्दीने तिने सातत्याने अभ्यास व सराव केला. तिच्या चिकाटी, मेहनत आणि आत्मविश्वासामुळे अखेर तिची जालना पोलीस दलात निवड झाली. त्यामुळे परिसरात आनंदाचे वातावरण निर्माण झाले आहे. सानिया शौकत तडवी ही जालना जिल्ह्यातील भोकरदन तालुक्यातील वाढोणा येथील रहिवासी असून, जळकी बाजार येथील ग्रामपंचायत सदस्य रोशन तडवी यांची भाची आहे. तिच्या यशामुळे कुटुंबीयांसह गावकऱ्यांमध्ये उत्साहाचे वातावरण आहे. तिच्या सत्कार प्रसंगी ग्रामस्थ, नातेवाईक, मित्रपरिवार तसेच विविध क्षेत्रातील मान्यवर पत्रकार शेख नदीम, सलीम कुरैशी रोशन तडवी उपस्थित होते. उपस्थितांनी तिच्या पुढील वाटचालीस शुभेच्छा देत इतर युवक-युवतींनीही तिच्याकडून प्रेरणा घ्यावी, असे मत व्यक्त केले. “अशक्य काहीच नसते, मनापासून प्रयत्न केले तर यश निश्चित मिळते,” हे सानियाने आपल्या कृतीतून सिद्ध करून दाखवले आहे. तिच्या या यशामुळे जळकी बाजार परिसराचे नाव उज्ज्वल झाले आहे.