गेल्या काही दिवसांपासून धरणगाव तालुक्यात ‘कोथरी-पोटली’ या गावठी दारूची सर्रासपणे अवैध विक्री सुरू असल्याचा धक्कादायक प्रकार समोर आला आहे. या अवैध दारू विक्रीचा एक व्हिडिओ सोशल मीडियावर प्रचंड व्हायरल झाल्याने तालुक्यात एकच खळबळ उडाली आहे. मिळालेल्या माहितीनुसार, तालुक्यातील काही ठराविक भागात ही घातक दारू छुप्या पद्धतीने, तर काही ठिकाणी उघडपणे विकली जात आहे. यामुळे तरुण पिढी आणि अनेक कुटुंबे या अवैध दारूच्या विळख्यात अडकत असून, परिसरातील शांतता व सुव्यवस्था धोक्यात आली आहे. सोशल मीडियावर व्हिडिओ व्हायरल झाल्यानंतर, नागरिकांकडून ‘या बेकायदेशीर धंद्यांना कोणाचे अभय आहे?’ असा संतप्त सवाल उपस्थित केला जात आहे. या अवैध दारू विक्रीमुळे महिला वर्ग आणि स्थानिक नागरिकांमध्ये तीव्र संतापाचे वातावरण आहे. स्थानिक प्रशासनाने तात्काळ आणि कठोर पावले उचलून हे अवैध दारूचे अड्डे उद्ध्वस्त करावेत, अशी जोरदार मागणी नागरिकांनी केली आहे. जर प्रशासनाने ही अवैध दारू विक्री त्वरित थांबवली नाही, तर संपूर्ण धरणगाव तालुक्यात तीव्र स्वरूपाचे ‘जनआंदोलन’ उभारण्यात येईल, असा इशारा संतप्त नागरिकांनी दिला आहे. आता या गंभीर प्रकारावर राज्य उत्पादन शुल्क विभाग आणि स्थानिक पोलीस प्रशासन नेमकी काय कारवाई करते, की नेहमीप्रमाणे याकडे डोळेझाक केली जाते, याकडे संपूर्ण धरणगाव तालुक्याचे लक्ष लागून आहे.

Kiran Mali

Local News Reporter धरणगाव, जळगाव, महाराष्ट्र•

4 hrs ago

गेल्या काही दिवसांपासून धरणगाव तालुक्यात ‘कोथरी-पोटली’ या गावठी दारूची सर्रासपणे अवैध विक्री सुरू असल्याचा धक्कादायक प्रकार समोर आला आहे. या अवैध दारू विक्रीचा एक व्हिडिओ सोशल मीडियावर प्रचंड व्हायरल झाल्याने तालुक्यात एकच खळबळ उडाली आहे. मिळालेल्या माहितीनुसार, तालुक्यातील काही ठराविक भागात ही घातक दारू छुप्या पद्धतीने, तर काही ठिकाणी उघडपणे विकली जात आहे. यामुळे तरुण पिढी आणि अनेक कुटुंबे या अवैध दारूच्या विळख्यात अडकत असून, परिसरातील शांतता व सुव्यवस्था धोक्यात आली आहे. सोशल मीडियावर व्हिडिओ व्हायरल झाल्यानंतर, नागरिकांकडून ‘या बेकायदेशीर धंद्यांना कोणाचे अभय आहे?’ असा संतप्त सवाल उपस्थित केला जात आहे. या अवैध दारू विक्रीमुळे महिला वर्ग आणि स्थानिक नागरिकांमध्ये तीव्र संतापाचे वातावरण आहे. स्थानिक प्रशासनाने तात्काळ आणि कठोर पावले उचलून हे अवैध दारूचे अड्डे उद्ध्वस्त करावेत, अशी जोरदार मागणी नागरिकांनी केली आहे. जर प्रशासनाने ही अवैध दारू विक्री त्वरित थांबवली नाही, तर संपूर्ण धरणगाव तालुक्यात तीव्र स्वरूपाचे ‘जनआंदोलन’ उभारण्यात येईल, असा इशारा संतप्त नागरिकांनी दिला आहे. आता या गंभीर प्रकारावर राज्य उत्पादन शुल्क विभाग आणि स्थानिक पोलीस प्रशासन नेमकी काय कारवाई करते, की नेहमीप्रमाणे याकडे डोळेझाक केली जाते, याकडे संपूर्ण धरणगाव तालुक्याचे लक्ष लागून आहे.