काँग्रेस प्रदेशाध्यक्ष हर्षवर्धन सपकाळ यांनी महाराष्ट्रातील कायदा आणि सुव्यवस्थेवर तीव्र नाराजी व्यक्त करत म्हटले आहे की राज्यातील परिस्थिती रसातळाला गेली असून खालच्या स्तरापासून मंत्रालयाच्या सहाव्या मजल्यापर्यंत हप्ते पोहोचवले जात आहेत. त्यांच्या आरोपानुसार, हप्ता वसुलीमुळे पोलीस प्रशासनावर कोणाचाही वचक राहिलेला नाही, म्हणूनच राज्यात ड्रग्जचा खुलेआम काळाधंदा, गांजाची विक्री, तसेच हातभट्ट्या आणि विषारी दारूचे थैमान सुरू आहे. पुण्यात विषारी दारूमुळे २२ निष्पाप लोकांचा बळी जाण्याची घटना याच बेबंदशाहीचा परिणाम असून, राज्याचा गृहविभाग 'पांडू हवालदार' चालवत असल्यामुळे सर्वत्र अराजक माजले आहे, असे सपकाळ यांनी घणाघाती आरोप केला. टिळक भवन येथे प्रसार माध्यमांशी बोलताना सपकाळ यांनी पुण्यातील घटनेनंतरच सरकारला जाग आल्याचे सांगितले आणि आता हातभट्ट्या तोडण्याची कारवाई केली जात असल्याचा दावा केला. ते म्हणाले की, या हातभट्ट्या काही एका रात्रीत उभ्या राहिलेल्या नाहीत; राज्यात ५०० शहरे आणि ४३ हजार गावखेड्यांमध्ये अवैध धंदे आणि हातभट्ट्या राजरोसपणे सुरू आहेत. गुजरातमधून महाराष्ट्रात येणारे ड्रग्ज, 'जामतारा'सारखी प्रकरणे आणि अवैध धंद्यांची साखळी गृहविभागाच्या आशीर्वादानेच सुरू असल्याचा आरोपही त्यांनी केला. गृहमंत्री देवेंद्र फडणवीस यांनी पोलिसांचे 'सदरक्षणाय खलनिग्रहणाय' हे ब्रीदवाक्यच बदलल्याचा दावा करत, पुण्यातील प्रकरणामुळे सर्व स्तरातून व्यक्त होत असलेल्या संतापामुळे स्वतःची अब्रू वाचवण्यासाठी सध्या कारवाईचे नाटक केले जात असल्याचे सपकाळ यांनी सांगितले. गृहविभागाची कार्यपद्धतीवर टीका करताना काँग्रेस प्रदेशाध्यक्षांनी बुलढाणा जिल्ह्यातील एका प्रकरणाचा उल्लेख केला. त्यांनी सांगितले की, एक मुलगी बेपत्ता झाल्यानंतर पोलिसांना एक मृतदेह सापडला. हा मृतदेह त्याच मुलीचा आहे असे समजून पोलिसांनी बेपत्ता मुलीच्या वडील आणि भावाला अटक करून बेदम मारहाण केली आणि त्यांच्याकडून कबुलीजबाब घेतला. पोलिसांनी ४८ तासात प्रकरण सोडवल्याबद्दल स्वतःची पाठ थोपटून घेतली, मात्र नंतर ती बेपत्ता मुलगी परत समोर आली. यातून पोलिसांनी कोणतीही शहानिशा न करता हे प्रकरण हाताळले, हा प्रकार 'चोर सोडून संन्याशाला फाशी' दिल्यासारखा आहे आणि महाराष्ट्रात पोलीस विभागाचे काम असेच चालत असल्याचा आरोप हर्षवर्धन सपकाळ यांनी केला. मनोज जरांगे पाटील यांच्या मराठा आरक्षणासाठीच्या उपोषणावर बोलताना सपकाळ यांनी मराठा आंदोलनावेळी तत्कालीन मुख्यमंत्री एकनाथ शिंदे यांनी नवी मुंबईतील वाशी येथे मध्यरात्री मनोज जरांगे पाटील यांना आरक्षण दिल्याचे जाहीर करत गुलाल उधळला होता याची आठवण करून दिली. तसेच, आझाद मैदानातील आंदोलनावेळीही गुलाल उधळला गेला होता, त्यावेळी मुख्यमंत्री देवेंद्र फडणवीस होते, असेही ते म्हणाले. या दोन्ही आंदोलनावेळी मुख्यमंत्र्यांनी काय आश्वासन दिले होते, ते जाहीर करावे अशी मागणी सपकाळ यांनी केली. आरक्षणाचा प्रश्न सोडवायचा असेल तर जातनिहाय जनगणना करावी, त्यातून मराठा समाजासह सर्वच समाजाच्या आरक्षणाचा प्रश्न सुटू शकतो, असे मतही सपकाळ यांनी व्यक्त केले. या गंभीर परिस्थितीच्या पार्श्वभूमीवर, देवेंद्र फडणवीस यांनी याचे प्रायश्चित्त घेऊन राज्याला पूर्णवेळ आणि सक्षम गृहमंत्री द्यावा, अशी मागणी काँग्रेस प्रदेशाध्यक्ष हर्षवर्धन सपकाळ यांनी केली आहे. त्यांच्या मते, महाराष्ट्राचा गृहविभाग 'पांडू हवालदार' चालवतो म्हणूनच राज्यात अवैध धंदे, ड्रग्ज आणि विषारी दारूचे थैमान सुरू आहे.

लोक हिंद चॅनल

Journalist शहापूर, ठाणे, महाराष्ट्र•

1 hr ago

काँग्रेस प्रदेशाध्यक्ष हर्षवर्धन सपकाळ यांनी महाराष्ट्रातील कायदा आणि सुव्यवस्थेवर तीव्र नाराजी व्यक्त करत म्हटले आहे की राज्यातील परिस्थिती रसातळाला गेली असून खालच्या स्तरापासून मंत्रालयाच्या सहाव्या मजल्यापर्यंत हप्ते पोहोचवले जात आहेत. त्यांच्या आरोपानुसार, हप्ता वसुलीमुळे पोलीस प्रशासनावर कोणाचाही वचक राहिलेला नाही, म्हणूनच राज्यात ड्रग्जचा खुलेआम काळाधंदा, गांजाची विक्री, तसेच हातभट्ट्या आणि विषारी दारूचे थैमान सुरू आहे. पुण्यात विषारी दारूमुळे २२ निष्पाप लोकांचा बळी जाण्याची घटना याच बेबंदशाहीचा परिणाम असून, राज्याचा गृहविभाग 'पांडू हवालदार' चालवत असल्यामुळे सर्वत्र अराजक माजले आहे, असे सपकाळ यांनी घणाघाती आरोप केला. टिळक भवन येथे प्रसार माध्यमांशी बोलताना सपकाळ यांनी पुण्यातील घटनेनंतरच सरकारला जाग आल्याचे सांगितले आणि आता हातभट्ट्या तोडण्याची कारवाई केली जात असल्याचा दावा केला. ते म्हणाले की, या हातभट्ट्या काही एका रात्रीत उभ्या राहिलेल्या नाहीत; राज्यात ५०० शहरे आणि ४३ हजार गावखेड्यांमध्ये अवैध धंदे आणि हातभट्ट्या राजरोसपणे सुरू आहेत. गुजरातमधून महाराष्ट्रात येणारे ड्रग्ज, 'जामतारा'सारखी प्रकरणे आणि अवैध धंद्यांची साखळी गृहविभागाच्या आशीर्वादानेच सुरू असल्याचा आरोपही त्यांनी केला. गृहमंत्री देवेंद्र फडणवीस यांनी पोलिसांचे 'सदरक्षणाय खलनिग्रहणाय' हे ब्रीदवाक्यच बदलल्याचा दावा करत, पुण्यातील प्रकरणामुळे सर्व स्तरातून व्यक्त होत असलेल्या संतापामुळे स्वतःची अब्रू वाचवण्यासाठी सध्या कारवाईचे नाटक केले जात असल्याचे सपकाळ यांनी सांगितले. गृहविभागाची कार्यपद्धतीवर टीका करताना काँग्रेस प्रदेशाध्यक्षांनी बुलढाणा जिल्ह्यातील एका प्रकरणाचा उल्लेख केला. त्यांनी सांगितले की, एक मुलगी बेपत्ता झाल्यानंतर पोलिसांना एक मृतदेह सापडला. हा मृतदेह त्याच मुलीचा आहे असे समजून पोलिसांनी बेपत्ता मुलीच्या वडील आणि भावाला अटक करून बेदम मारहाण केली आणि त्यांच्याकडून कबुलीजबाब घेतला. पोलिसांनी ४८ तासात प्रकरण सोडवल्याबद्दल स्वतःची पाठ थोपटून घेतली, मात्र नंतर ती बेपत्ता मुलगी परत समोर आली. यातून पोलिसांनी कोणतीही शहानिशा न करता हे प्रकरण हाताळले, हा प्रकार 'चोर सोडून संन्याशाला फाशी' दिल्यासारखा आहे आणि महाराष्ट्रात पोलीस विभागाचे काम असेच चालत असल्याचा आरोप हर्षवर्धन सपकाळ यांनी केला. मनोज जरांगे पाटील यांच्या मराठा आरक्षणासाठीच्या उपोषणावर बोलताना सपकाळ यांनी मराठा आंदोलनावेळी तत्कालीन मुख्यमंत्री एकनाथ शिंदे यांनी नवी मुंबईतील वाशी येथे मध्यरात्री मनोज जरांगे पाटील यांना आरक्षण दिल्याचे जाहीर करत गुलाल उधळला होता याची आठवण करून दिली. तसेच, आझाद मैदानातील आंदोलनावेळीही गुलाल उधळला गेला होता, त्यावेळी मुख्यमंत्री देवेंद्र फडणवीस होते, असेही ते म्हणाले. या दोन्ही आंदोलनावेळी मुख्यमंत्र्यांनी काय आश्वासन दिले होते, ते जाहीर करावे अशी मागणी सपकाळ यांनी केली. आरक्षणाचा प्रश्न सोडवायचा असेल तर जातनिहाय जनगणना करावी, त्यातून मराठा समाजासह सर्वच समाजाच्या आरक्षणाचा प्रश्न सुटू शकतो, असे मतही सपकाळ यांनी व्यक्त केले. या गंभीर परिस्थितीच्या पार्श्वभूमीवर, देवेंद्र फडणवीस यांनी याचे प्रायश्चित्त घेऊन राज्याला पूर्णवेळ आणि सक्षम गृहमंत्री द्यावा, अशी मागणी काँग्रेस प्रदेशाध्यक्ष हर्षवर्धन सपकाळ यांनी केली आहे. त्यांच्या मते, महाराष्ट्राचा गृहविभाग 'पांडू हवालदार' चालवतो म्हणूनच राज्यात अवैध धंदे, ड्रग्ज आणि विषारी दारूचे थैमान सुरू आहे.