नाशिक महानगरपालिकेच्या जेल रोड येथील शाळा क्रमांक ५६ मध्ये समग्र शिक्षा अभियानतंर्गत अपंग समावेशित उपक्रमांतर्गत 'उडान थेरपी सेंटर'चे उद्घाटन करण्यात आले. हे उद्घाटन रोटरी क्लब नाशिक ग्रेपसिटीच्या अध्यक्ष जयश्री पाटील, रोटरी डिस्ट्रिक्ट गव्हर्नर डॉ. राजेश पाटील, शिक्षण विभागाच्या प्रशासन अधिकारी डॉ. मिता चौधरी आणि नगरसेवक सतीश निकम यांच्या हस्ते पार पडले. दिव्यांग विद्यार्थ्यांसाठी हे थेरपी सेंटर अत्यंत लाभदायी ठरणार आहे. या उपक्रमांतर्गत अलिमको शिबिरामार्फत प्रिन्स विश्वकर्मा या दिव्यांग विद्यार्थ्यास बॅटरीवर चालणारी सायकल, तर सिध्देश भांगरे, सचिन भांगरे, सोहम गीत आणि स्नेहा घाटगे यांना शैक्षणिक साहित्य देण्यात आले. तसेच दिव्यांग क्षेत्रात मदत करणारे विद्यार्थी, शिक्षक व पालकांचा सत्कारही करण्यात आला. या केंद्रात दिव्यांगांना शासकीय योजना, शैक्षणिक, वैद्यकीय, सामाजिक आणि कौटुंबिक मार्गदर्शन मिळणार आहे. रोटरीचे राजेश पाटील व जयश्री पाटील यांनी या पहिल्याच उपक्रमाचे कौतुक केले. केंद्राच्या संचालिका वैशाली वाघ यांनी नवीन शैक्षणिक वर्षापासून हा उपक्रम प्रत्यक्षात आल्याबद्दल आनंद व्यक्त केला. थेरपी सेंटरसाठी उत्कृष्ट दर्जाचे साहित्य उपलब्ध करून देण्यासाठी वैद्यकीय विभाग अध्यक्ष अंजली मेहता आणि सचिव कौस्तुभ महाजन यांनी समन्वय साधला. या कार्यक्रमाचे सूत्रसंचालन शिक्षक चंद्रकांत गायकवाड यांनी केले, तर आयोजन व नियोजनात मुख्याध्यापक किसन अहिरे, केंद्रप्रमुख दत्तात्रय सूर्यवंशी यांच्यासह इतर मान्यवरांनी महत्त्वाची भूमिका बजावली. या वेळी विविध शाळांमधील विशेष विद्यार्थी आणि पालक उपस्थित होते.

Anil GUNJAL

नाशिक, नाशिक, महाराष्ट्र•

1 hr ago

नाशिक महानगरपालिकेच्या जेल रोड येथील शाळा क्रमांक ५६ मध्ये समग्र शिक्षा अभियानतंर्गत अपंग समावेशित उपक्रमांतर्गत 'उडान थेरपी सेंटर'चे उद्घाटन करण्यात आले. हे उद्घाटन रोटरी क्लब नाशिक ग्रेपसिटीच्या अध्यक्ष जयश्री पाटील, रोटरी डिस्ट्रिक्ट गव्हर्नर डॉ. राजेश पाटील, शिक्षण विभागाच्या प्रशासन अधिकारी डॉ. मिता चौधरी आणि नगरसेवक सतीश निकम यांच्या हस्ते पार पडले. दिव्यांग विद्यार्थ्यांसाठी हे थेरपी सेंटर अत्यंत लाभदायी ठरणार आहे. या उपक्रमांतर्गत अलिमको शिबिरामार्फत प्रिन्स विश्वकर्मा या दिव्यांग विद्यार्थ्यास बॅटरीवर चालणारी सायकल, तर सिध्देश भांगरे, सचिन भांगरे, सोहम गीत आणि स्नेहा घाटगे यांना शैक्षणिक साहित्य देण्यात आले. तसेच दिव्यांग क्षेत्रात मदत करणारे विद्यार्थी, शिक्षक व पालकांचा सत्कारही करण्यात आला. या केंद्रात दिव्यांगांना शासकीय योजना, शैक्षणिक, वैद्यकीय, सामाजिक आणि कौटुंबिक मार्गदर्शन मिळणार आहे. रोटरीचे राजेश पाटील व जयश्री पाटील यांनी या पहिल्याच उपक्रमाचे कौतुक केले. केंद्राच्या संचालिका वैशाली वाघ यांनी नवीन शैक्षणिक वर्षापासून हा उपक्रम प्रत्यक्षात आल्याबद्दल आनंद व्यक्त केला. थेरपी सेंटरसाठी उत्कृष्ट दर्जाचे साहित्य उपलब्ध करून देण्यासाठी वैद्यकीय विभाग अध्यक्ष अंजली मेहता आणि सचिव कौस्तुभ महाजन यांनी समन्वय साधला. या कार्यक्रमाचे सूत्रसंचालन शिक्षक चंद्रकांत गायकवाड यांनी केले, तर आयोजन व नियोजनात मुख्याध्यापक किसन अहिरे, केंद्रप्रमुख दत्तात्रय सूर्यवंशी यांच्यासह इतर मान्यवरांनी महत्त्वाची भूमिका बजावली. या वेळी विविध शाळांमधील विशेष विद्यार्थी आणि पालक उपस्थित होते.