ఏకోపాధ్యాయ పాఠశాలల్లో ఏపీ అగ్రస్థానం ఆందోళనకరం - యు ఎస్ ఎఫ్ ఐ రాష్ట్ర ఉపాధ్యక్షులు నరసింహ సర్వేపల్లి. మదనపల్లి: రాష్ట్రంలో విద్యారంగాన్ని నిర్వీర్యం చేసే విధానాలను ప్రభుత్వం విరమించుకోవాలని, విద్యార్థుల సమస్యల పరిష్కారం కోసం సమరశీల పోరాటాలకు విద్యార్థిలోకం సిద్ధం కావాలని యూఎస్‌ఎఫ్‌ఐ రాష్ట్ర ఉపాధ్యక్షుడు నరసింహ సర్వేపల్లి పిలుపునిచ్చారు. అన్నమయ్య జిల్లా యూఎస్‌ఎఫ్‌ఐ విస్తృతస్థాయి సమావేశం శనివారం మదనపల్లిలోని నేచురోపతి కార్యాలయంలో నిర్వహించారు. ఈ సందర్భంగా ఆయన మాట్లాడుతూ, కేంద్ర ప్రభుత్వం పార్లమెంట్‌లో విడుదల చేసిన యూడైస్‌ ప్లస్‌ (UDISE+) గణాంకాల ప్రకారం దేశవ్యాప్తంగా 1,00,843 ఏకోపాధ్యాయ పాఠశాలలు ఉండగా, ఆంధ్రప్రదేశ్‌లోనే అత్యధికంగా 16,357 పాఠశాలలు ఒకే ఉపాధ్యాయుడితో కొనసాగుతున్నాయని పేర్కొన్నారు. ప్రభుత్వ విద్య బలోపేతానికి అవసరమైన చర్యలు తీసుకోవాల్సిన అవసరం ఉందన్నారు. రాష్ట్రవ్యాప్తంగా 54 బీసీ సంక్షేమ వసతి గృహాలను, ఉమ్మడి అన్నమయ్య జిల్లాలో 14 హాస్టళ్లను మూసివేయడం వల్ల పేద, బీసీ, మైనారిటీ విద్యార్థులు విద్యకు దూరమయ్యే పరిస్థితి ఏర్పడుతుందని ఆందోళన వ్యక్తం చేశారు. కోడూరు డివిజన్‌లో ఒక్క బీసీ బాలుర వసతి గృహం కూడా లేకపోవడం విచారకరమని, మూసివేసిన హాస్టళ్లను యథాతథంగా కొనసాగించాలని డిమాండ్ చేశారు. పెండింగ్‌లో ఉన్న స్కాలర్‌షిప్‌లు, ఫీజు రీయింబర్స్‌మెంట్ బకాయిలను వెంటనే విడుదల చేయాలని, సంక్షేమ హాస్టళ్లలో ఆర్‌ఓ ప్లాంట్లు, దోమతెరలు, నెలనెలా వైద్య పరీక్షలు వంటి కనీస సౌకర్యాలు కల్పించాలని కోరారు. అలాగే మదనపల్లి జిల్లా కేంద్రంగా ప్రభుత్వ ఐటీఐ, ప్రభుత్వ జూనియర్ కళాశాలలను ఏర్పాటు చేయాలని ప్రభుత్వాన్ని డిమాండ్ చేశారు. సమావేశంలో యూఎస్‌ఎఫ్‌ఐ జిల్లా నాయకులు ఆఫ్రిద్, కమలాకర్, యువరాజ్, మనోజ్, సాయికుమార్‌రెడ్డి, రామ్‌తేజ, సుల్తాన్, సంతోష్, ఆదినారాయణ, భాను, ప్రేమ్ తదితరులు పాల్గొన్నారు.

శ్రీనాధుడు ఎం

మదనపల్లె, అన్నమయ్య, ఆంధ్రప్రదేశ్•

3 hrs ago

ఏకోపాధ్యాయ పాఠశాలల్లో ఏపీ అగ్రస్థానం ఆందోళనకరం - యు ఎస్ ఎఫ్ ఐ రాష్ట్ర ఉపాధ్యక్షులు నరసింహ సర్వేపల్లి. మదనపల్లి: రాష్ట్రంలో విద్యారంగాన్ని నిర్వీర్యం చేసే విధానాలను ప్రభుత్వం విరమించుకోవాలని, విద్యార్థుల సమస్యల పరిష్కారం కోసం సమరశీల పోరాటాలకు విద్యార్థిలోకం సిద్ధం కావాలని యూఎస్‌ఎఫ్‌ఐ రాష్ట్ర ఉపాధ్యక్షుడు నరసింహ సర్వేపల్లి పిలుపునిచ్చారు. అన్నమయ్య జిల్లా యూఎస్‌ఎఫ్‌ఐ విస్తృతస్థాయి సమావేశం శనివారం మదనపల్లిలోని నేచురోపతి కార్యాలయంలో నిర్వహించారు. ఈ సందర్భంగా ఆయన మాట్లాడుతూ, కేంద్ర ప్రభుత్వం పార్లమెంట్‌లో విడుదల చేసిన యూడైస్‌ ప్లస్‌ (UDISE+) గణాంకాల ప్రకారం దేశవ్యాప్తంగా 1,00,843 ఏకోపాధ్యాయ పాఠశాలలు ఉండగా, ఆంధ్రప్రదేశ్‌లోనే అత్యధికంగా 16,357 పాఠశాలలు ఒకే ఉపాధ్యాయుడితో కొనసాగుతున్నాయని పేర్కొన్నారు. ప్రభుత్వ విద్య బలోపేతానికి అవసరమైన చర్యలు తీసుకోవాల్సిన అవసరం ఉందన్నారు. రాష్ట్రవ్యాప్తంగా 54 బీసీ సంక్షేమ వసతి గృహాలను, ఉమ్మడి అన్నమయ్య జిల్లాలో 14 హాస్టళ్లను మూసివేయడం వల్ల పేద, బీసీ, మైనారిటీ విద్యార్థులు విద్యకు దూరమయ్యే పరిస్థితి ఏర్పడుతుందని ఆందోళన వ్యక్తం చేశారు. కోడూరు డివిజన్‌లో ఒక్క బీసీ బాలుర వసతి గృహం కూడా లేకపోవడం విచారకరమని, మూసివేసిన హాస్టళ్లను యథాతథంగా కొనసాగించాలని డిమాండ్ చేశారు. పెండింగ్‌లో ఉన్న స్కాలర్‌షిప్‌లు, ఫీజు రీయింబర్స్‌మెంట్ బకాయిలను వెంటనే విడుదల చేయాలని, సంక్షేమ హాస్టళ్లలో ఆర్‌ఓ ప్లాంట్లు, దోమతెరలు, నెలనెలా వైద్య పరీక్షలు వంటి కనీస సౌకర్యాలు కల్పించాలని కోరారు. అలాగే మదనపల్లి జిల్లా కేంద్రంగా ప్రభుత్వ ఐటీఐ, ప్రభుత్వ జూనియర్ కళాశాలలను ఏర్పాటు చేయాలని ప్రభుత్వాన్ని డిమాండ్ చేశారు. సమావేశంలో యూఎస్‌ఎఫ్‌ఐ జిల్లా నాయకులు ఆఫ్రిద్, కమలాకర్, యువరాజ్, మనోజ్, సాయికుమార్‌రెడ్డి, రామ్‌తేజ, సుల్తాన్, సంతోష్, ఆదినారాయణ, భాను, ప్రేమ్ తదితరులు పాల్గొన్నారు.