ମୟୂରଭଞ୍ଜ ଜିଲ୍ଲାରେ ଜିଲ୍ଲା ପ୍ରଶାସନ ପକ୍ଷରୁ ଚାଲିଥିବା ଉଚ୍ଛେଦ ପ୍ରକ୍ରିୟାକୁ ସ୍ୱାଗତ କରିବା ସହ ଉଚ୍ଛେଦ ପରେ ସ୍ଥାନୀୟ ବାସିନ୍ଦାଙ୍କୁ ଥଇଥାନ କରିବା ନିମନ୍ତେ ଶନିବାର ଦିନ ମିଳିତ ବିରୋଧୀ ଦଳ ପକ୍ଷରୁ ଏକ ଦାବିପତ୍ର ପ୍ରଦାନ କରାଯାଇଛି। କଂଗ୍ରେସ, ସିପିଆଇ, ଓ ସିପିଏମ୍‌ର ମିଳିତ ପ୍ରତିନିଧିମଣ୍ଡଳୀ କଂଗ୍ରେସ ନେତା ଶାନ୍ତନୁ ପାଲଙ୍କ ନେତୃତ୍ୱରେ ଜିଲ୍ଲାପାଳ ହେମକାନ୍ତ ସୟଙ୍କ ଅନୁପସ୍ଥିତିରେ ଅତିରିକ୍ତ ଜିଲ୍ଲାପାଳ ଦୁଃଖବନ୍ଧୁ ନାୟକଙ୍କୁ ଏହି ଦାବିପତ୍ର ପ୍ରଦାନ କରିଥିଲେ। ବିରୋଧୀ ଦଳ ପକ୍ଷରୁ କୁହାଯାଇଛି ଯେ, ବାରିପଦା ସହରର ରାସ୍ତା ପ୍ରଶସ୍ତିକରଣ ପ୍ରକ୍ରିୟାକୁ ସେମାନେ ସମର୍ଥନ କରୁଛନ୍ତି। ସହରର ବିଭିନ୍ନ ସ୍ଥାନରେ ଉଠା ଦୋକାନୀ କିମ୍ବା ସ୍ଥାୟୀ ଦୋକାନୀମାନେ ନିଜ ଦୋକାନ ସାମ୍ନାରେ ଆଗକୁ ବଢ଼ାଇ ଡ୍ରେନ୍‌କୁ କବ୍‌ଜା କରିବା ଯୋଗୁଁ ରାସ୍ତା ସଂକୁଚିତ ହେଉଛି। ତେଣୁ ଜିଲ୍ଲା ପ୍ରଶାସନର ଜବରଦଖଲ ଉଚ୍ଛେଦ କାର୍ଯ୍ୟକ୍ରମ ସ୍ୱାଗତଯୋଗ୍ୟ। ତେବେ ଉଚ୍ଛେଦ ଯୋଗୁଁ ବହୁ ଦୋକାନୀ ପରିବାର ଅସୁବିଧାର ସମ୍ମୁଖୀନ ହେଉଛନ୍ତି ଏବଂ ଅନେକ ବେକାର ଯୁବକ ରୋଜଗାର ହରାଉଛନ୍ତି, ଯାହା ଫଳରେ ସେମାନେ ଦେବାଳିଆ ହେଇଯାଉଛନ୍ତି ବୋଲି ଅଭିଯୋଗ କରାଯାଇଛି। ଦାବିପତ୍ରରେ ସେମାନଙ୍କୁ ତୁରନ୍ତ ଥଇଥାନ କରିବା ପାଇଁ ଅନୁରୋଧ କରାଯାଇଛି, ଯାହା ଦ୍ୱାରା ସେମାନଙ୍କ ପରିବାର ସାମୁହିକ କଷ୍ଟରୁ ବର୍ତ୍ତି ପାରନ୍ତେ। ଏହା ନହେଲେ ସେମାନେ ବେକାର ହେବା ସହିତ ଦାଦନ ଖଟିବାକୁ ବାହାର ରାଜ୍ୟକୁ ଯାଉଛନ୍ତି ଏବଂ ସହରରେ ଚୋରି, ଛିନ୍ତାଇ, ଡକାୟତି ଭଳି ଅପରାଧ ବଢୁଛି ବୋଲି ବିରୋଧୀ ଦଳ ଚେତାବନୀ ଦେଇଛନ୍ତି। ଏହି ଦାବିପତ୍ର ପ୍ରଦାନ ବେଳେ କଂଗ୍ରେସ ପକ୍ଷରୁ ନିର୍ମଳ ପ୍ରଧାନ, ନିହାର ରଞ୍ଜନ ମଢୁଆଳ, ରବିନାରାୟଣ ପରିଡା, ଭବାନୀ ଶଙ୍କର ସାହୁ, ନାରାୟଣ ବାର, ଦିଲ୍ଲୀପ ପାତ୍ର, ରତିକାନ୍ତ ଚୌଧୁରୀ, ସିପିଆଇ ପକ୍ଷରୁ ଜଗବନ୍ଧୁ ମିଶ୍ର, ଶ୍ରୀକାନ୍ତ ସାମଲ ଏବଂ ସିପିଏମ ପକ୍ଷରୁ ରବି ଗୋସ୍ୱାମୀ ପ୍ରମୁଖ ଉପସ୍ଥିତ ଥିଲେ।

Mayurbhanj Public News

ବାରିପଦା ଟାଉନ୍, ମୟୂରଭଞ୍ଜ, ଓଡ଼ିଶା•

6 hrs ago

ମୟୂରଭଞ୍ଜ ଜିଲ୍ଲାରେ ଜିଲ୍ଲା ପ୍ରଶାସନ ପକ୍ଷରୁ ଚାଲିଥିବା ଉଚ୍ଛେଦ ପ୍ରକ୍ରିୟାକୁ ସ୍ୱାଗତ କରିବା ସହ ଉଚ୍ଛେଦ ପରେ ସ୍ଥାନୀୟ ବାସିନ୍ଦାଙ୍କୁ ଥଇଥାନ କରିବା ନିମନ୍ତେ ଶନିବାର ଦିନ ମିଳିତ ବିରୋଧୀ ଦଳ ପକ୍ଷରୁ ଏକ ଦାବିପତ୍ର ପ୍ରଦାନ କରାଯାଇଛି। କଂଗ୍ରେସ, ସିପିଆଇ, ଓ ସିପିଏମ୍‌ର ମିଳିତ ପ୍ରତିନିଧିମଣ୍ଡଳୀ କଂଗ୍ରେସ ନେତା ଶାନ୍ତନୁ ପାଲଙ୍କ ନେତୃତ୍ୱରେ ଜିଲ୍ଲାପାଳ ହେମକାନ୍ତ ସୟଙ୍କ ଅନୁପସ୍ଥିତିରେ ଅତିରିକ୍ତ ଜିଲ୍ଲାପାଳ ଦୁଃଖବନ୍ଧୁ ନାୟକଙ୍କୁ ଏହି ଦାବିପତ୍ର ପ୍ରଦାନ କରିଥିଲେ। ବିରୋଧୀ ଦଳ ପକ୍ଷରୁ କୁହାଯାଇଛି ଯେ, ବାରିପଦା ସହରର ରାସ୍ତା ପ୍ରଶସ୍ତିକରଣ ପ୍ରକ୍ରିୟାକୁ ସେମାନେ ସମର୍ଥନ କରୁଛନ୍ତି। ସହରର ବିଭିନ୍ନ ସ୍ଥାନରେ ଉଠା ଦୋକାନୀ କିମ୍ବା ସ୍ଥାୟୀ ଦୋକାନୀମାନେ ନିଜ ଦୋକାନ ସାମ୍ନାରେ ଆଗକୁ ବଢ଼ାଇ ଡ୍ରେନ୍‌କୁ କବ୍‌ଜା କରିବା ଯୋଗୁଁ ରାସ୍ତା ସଂକୁଚିତ ହେଉଛି। ତେଣୁ ଜିଲ୍ଲା ପ୍ରଶାସନର ଜବରଦଖଲ ଉଚ୍ଛେଦ କାର୍ଯ୍ୟକ୍ରମ ସ୍ୱାଗତଯୋଗ୍ୟ। ତେବେ ଉଚ୍ଛେଦ ଯୋଗୁଁ ବହୁ ଦୋକାନୀ ପରିବାର ଅସୁବିଧାର ସମ୍ମୁଖୀନ ହେଉଛନ୍ତି ଏବଂ ଅନେକ ବେକାର ଯୁବକ ରୋଜଗାର ହରାଉଛନ୍ତି, ଯାହା ଫଳରେ ସେମାନେ ଦେବାଳିଆ ହେଇଯାଉଛନ୍ତି ବୋଲି ଅଭିଯୋଗ କରାଯାଇଛି। ଦାବିପତ୍ରରେ ସେମାନଙ୍କୁ ତୁରନ୍ତ ଥଇଥାନ କରିବା ପାଇଁ ଅନୁରୋଧ କରାଯାଇଛି, ଯାହା ଦ୍ୱାରା ସେମାନଙ୍କ ପରିବାର ସାମୁହିକ କଷ୍ଟରୁ ବର୍ତ୍ତି ପାରନ୍ତେ। ଏହା ନହେଲେ ସେମାନେ ବେକାର ହେବା ସହିତ ଦାଦନ ଖଟିବାକୁ ବାହାର ରାଜ୍ୟକୁ ଯାଉଛନ୍ତି ଏବଂ ସହରରେ ଚୋରି, ଛିନ୍ତାଇ, ଡକାୟତି ଭଳି ଅପରାଧ ବଢୁଛି ବୋଲି ବିରୋଧୀ ଦଳ ଚେତାବନୀ ଦେଇଛନ୍ତି। ଏହି ଦାବିପତ୍ର ପ୍ରଦାନ ବେଳେ କଂଗ୍ରେସ ପକ୍ଷରୁ ନିର୍ମଳ ପ୍ରଧାନ, ନିହାର ରଞ୍ଜନ ମଢୁଆଳ, ରବିନାରାୟଣ ପରିଡା, ଭବାନୀ ଶଙ୍କର ସାହୁ, ନାରାୟଣ ବାର, ଦିଲ୍ଲୀପ ପାତ୍ର, ରତିକାନ୍ତ ଚୌଧୁରୀ, ସିପିଆଇ ପକ୍ଷରୁ ଜଗବନ୍ଧୁ ମିଶ୍ର, ଶ୍ରୀକାନ୍ତ ସାମଲ ଏବଂ ସିପିଏମ ପକ୍ଷରୁ ରବି ଗୋସ୍ୱାମୀ ପ୍ରମୁଖ ଉପସ୍ଥିତ ଥିଲେ।