आंतरराष्ट्रीय योग दिनाचे औचित्य साधून, विद्यालंकार स्कूल ऑफ इन्फॉर्मेशन टेक्नॉलॉजी, वडाळा आणि मुंबई शहर योगासन क्रीडा संघटना यांच्या संयुक्त विद्यमाने आयोजित ‘विद्यालंकार मुंबई महानगर योगासन अजिंक्यपद स्पर्धा २०२६-२७’ मोठ्या उत्साहात संपन्न झाली. विद्यालंकार संकुलात पार पडलेल्या या उद्घाटन सोहळ्याला महाराष्ट्र ऑलिम्पिक संघटनेचे सरचिटणीस संजय शेटे प्रमुख पाहुणे म्हणून उपस्थित होते. प्राचार्या डॉ. रोहिणी केळकर, उपप्राचार्य विजय गावडे, डॉ. आशिष उकिडवे आणि मुंबई जिल्हा योगासन क्रीडा संघटनेचे सचिव महेश कुंभार यांच्या हस्ते दीपप्रज्वलन करून स्पर्धेचे उद्घाटन करण्यात आले. यावेळी बोलताना मान्यवरांनी योगाचे महत्त्व अधोरेखित केले. संजय शेटे यांनी सांगितले की, योग केवळ शारीरिक आरोग्यासाठीच नव्हे, तर मानसिक संतुलन, एकाग्रता आणि सकारात्मक जीवनशैलीसाठीही उपयुक्त आहे, म्हणूनच त्याला जागतिक मान्यता मिळाली आहे. या प्रसंगी CAO डॉ. उमेश कोयंडे, COO सिंधू कृष्णन, क्रीडा अधिकारी डॉ. संजय गोरे, डॉ. प्रकाश शेळके, अभिषेक निकसे, लीना पाटले, हिमयावती गवळी, प्रा. केतकी घवाळी, प्रा. साबीर शेख, प्रा. अजय पुजारी, प्रा. निशा गुप्ता आणि संघटनेचे २० पंच उपस्थित होते. मुंबई, उपनगर, ठाणे, नवी मुंबई, पालघर आणि रायगड जिल्ह्यांतील खेळाडू व पालक मोठ्या संख्येने यात सहभागी झाले. राष्ट्रीय व आंतरराष्ट्रीय स्पर्धांमध्ये चमकलेल्या खेळाडूंचा यावेळी सत्कार करण्यात आला, तसेच स्पर्धकांनी सादर केलेल्या आकर्षक योगासन प्रात्यक्षिकांनी उपस्थितांची मने जिंकली. ही स्पर्धा ७ ते ५५ वर्षे वयोगटातील खेळाडूंसाठी आठ गटांत आयोजित करण्यात आली होती, ज्यात मुंबई महानगरातील शाळा, संस्था व क्रीडा अकादमींमधील सुमारे ५०० खेळाडूंनी सहभाग नोंदवला. प्रत्येक गटातील पहिल्या पाच खेळाडूंना प्रशस्तीपत्र, तर प्रथम तीन विजेत्यांना अनुक्रमे सुवर्ण, रौप्य आणि कांस्य पदक देऊन सन्मानित करण्यात आले, तसेच सर्व सहभागी खेळाडूंना प्रमाणपत्र देण्यात आले. उत्कृष्ट कामगिरीच्या जोरावर राजाराम क्रीडा अकादमीने ‘विद्यालंकार अजिंक्यपद चषक’ पटकावला. ही स्पर्धा केवळ एक क्रीडा स्पर्धा न राहता योगाचा संदेश समाजाच्या प्रत्येक स्तरापर्यंत पोहोचवणारी आणि निरोगी जीवनशैलीचा प्रसार करणारी ठरली. विद्यालंकार महाविद्यालय, योगासन क्रीडा संघटना, पंच, स्वयंसेवक, शिक्षक, कर्मचारी, विद्यार्थी परिषद व पालक यांचे या यशस्वी आयोजनासाठी विशेष योगदान लाभले.

Pramod dada bari

Pachora, Jalgaon•

1 hr ago

आंतरराष्ट्रीय योग दिनाचे औचित्य साधून, विद्यालंकार स्कूल ऑफ इन्फॉर्मेशन टेक्नॉलॉजी, वडाळा आणि मुंबई शहर योगासन क्रीडा संघटना यांच्या संयुक्त विद्यमाने आयोजित ‘विद्यालंकार मुंबई महानगर योगासन अजिंक्यपद स्पर्धा २०२६-२७’ मोठ्या उत्साहात संपन्न झाली. विद्यालंकार संकुलात पार पडलेल्या या उद्घाटन सोहळ्याला महाराष्ट्र ऑलिम्पिक संघटनेचे सरचिटणीस संजय शेटे प्रमुख पाहुणे म्हणून उपस्थित होते. प्राचार्या डॉ. रोहिणी केळकर, उपप्राचार्य विजय गावडे, डॉ. आशिष उकिडवे आणि मुंबई जिल्हा योगासन क्रीडा संघटनेचे सचिव महेश कुंभार यांच्या हस्ते दीपप्रज्वलन करून स्पर्धेचे उद्घाटन करण्यात आले. यावेळी बोलताना मान्यवरांनी योगाचे महत्त्व अधोरेखित केले. संजय शेटे यांनी सांगितले की, योग केवळ शारीरिक आरोग्यासाठीच नव्हे, तर मानसिक संतुलन, एकाग्रता आणि सकारात्मक जीवनशैलीसाठीही उपयुक्त आहे, म्हणूनच त्याला जागतिक मान्यता मिळाली आहे. या प्रसंगी CAO डॉ. उमेश कोयंडे, COO सिंधू कृष्णन, क्रीडा अधिकारी डॉ. संजय गोरे, डॉ. प्रकाश शेळके, अभिषेक निकसे, लीना पाटले, हिमयावती गवळी, प्रा. केतकी घवाळी, प्रा. साबीर शेख, प्रा. अजय पुजारी, प्रा. निशा गुप्ता आणि संघटनेचे २० पंच उपस्थित होते. मुंबई, उपनगर, ठाणे, नवी मुंबई, पालघर आणि रायगड जिल्ह्यांतील खेळाडू व पालक मोठ्या संख्येने यात सहभागी झाले. राष्ट्रीय व आंतरराष्ट्रीय स्पर्धांमध्ये चमकलेल्या खेळाडूंचा यावेळी सत्कार करण्यात आला, तसेच स्पर्धकांनी सादर केलेल्या आकर्षक योगासन प्रात्यक्षिकांनी उपस्थितांची मने जिंकली. ही स्पर्धा ७ ते ५५ वर्षे वयोगटातील खेळाडूंसाठी आठ गटांत आयोजित करण्यात आली होती, ज्यात मुंबई महानगरातील शाळा, संस्था व क्रीडा अकादमींमधील सुमारे ५०० खेळाडूंनी सहभाग नोंदवला. प्रत्येक गटातील पहिल्या पाच खेळाडूंना प्रशस्तीपत्र, तर प्रथम तीन विजेत्यांना अनुक्रमे सुवर्ण, रौप्य आणि कांस्य पदक देऊन सन्मानित करण्यात आले, तसेच सर्व सहभागी खेळाडूंना प्रमाणपत्र देण्यात आले. उत्कृष्ट कामगिरीच्या जोरावर राजाराम क्रीडा अकादमीने ‘विद्यालंकार अजिंक्यपद चषक’ पटकावला. ही स्पर्धा केवळ एक क्रीडा स्पर्धा न राहता योगाचा संदेश समाजाच्या प्रत्येक स्तरापर्यंत पोहोचवणारी आणि निरोगी जीवनशैलीचा प्रसार करणारी ठरली. विद्यालंकार महाविद्यालय, योगासन क्रीडा संघटना, पंच, स्वयंसेवक, शिक्षक, कर्मचारी, विद्यार्थी परिषद व पालक यांचे या यशस्वी आयोजनासाठी विशेष योगदान लाभले.