शहापूर येथे स्वच्छ भारत मिशन निधीतील 52 लाखांचा कथित अपहार; चौकशीची मागणी तालुका औंढा नागनाथ अंतर्गत मौजे शिरड शहापूर येथे स्वच्छ भारत मिशन (SBM) योजनेअंतर्गत मंजूर करण्यात आलेल्या सुमारे ५२ लाख रुपयांच्या निधीमध्ये मोठ्या प्रमाणात अनियमितता व अपहार झाल्याचा गंभीर आरोप समोर आला आहे. या प्रकरणाची सखोल चौकशी करून संबंधितांवर फौजदारी गुन्हा नोंद करण्याची मागणी करण्यात आली आहे. मा. समाज रत्न अनिल भाऊ कांबळे, जिल्हाध्यक्ष वंचित बहुजन आघाडी, हिंगोली यांनी जिल्हा परिषद मुख्य कार्यकारी अधिकाऱ्यांकडे दिलेल्या तक्रारीत नमूद केले आहे की, घनकचरा व सांडपाणी व्यवस्थापनासाठी मंजूर निधी असूनही गावामध्ये प्रत्यक्षात कोणतीही नवीन कामे करण्यात आलेली नाहीत. उलट, इतर शासकीय योजनांमधून (१५वा वित्त आयोग, जिल्हा नियोजन समिती, पीडब्ल्यूडी) आधीच करण्यात आलेल्या कामांचेच खोटे मूल्यांकन करून ते SBM अंतर्गत दाखविण्यात आल्याचा आरोप आहे. तक्रारीनुसार, संबंधित कंत्राटदाराने गावामध्ये कोणतेही काम न करता निधी उचलल्याचा संशय असून, शाखा अभियंता श्री. बोरकर यांनीही खोटे मोजमाप व मूल्यांकन पुस्तिकेत नोंदी करून शासनाची फसवणूक केल्याचा आरोप करण्यात आला आहे. या दोघांनी संगनमताने निधीचा अपहार केल्याचेही तक्रारीत नमूद करण्यात आले आहे. याशिवाय, कामासंदर्भातील आवश्यक पुरावे जसे की काम सुरू करण्यापूर्वीचे, प्रगतीतील व पूर्ण झाल्यानंतरचे फोटो तसेच कंत्राटदाराचे GST इन्व्हॉईस उपलब्ध नसल्यामुळे संपूर्ण व्यवहार संशयाच्या भोवऱ्यात सापडला आहे. या प्रकरणात भारतीय दंड संहितेच्या कलम 409, 420, 467, 468, 471 व 120(ब) तसेच भ्रष्टाचार प्रतिबंधक कायद्यांतर्गत गुन्हा नोंद करण्याची मागणी करण्यात आली आहे. तसेच, या प्रकरणाच्या चौकशीसाठी उच्चस्तरीय समिती नेमून कोणती कार्यवाही केली जाणार आहे, याबाबत लेखी माहिती देण्याची मागणीही करण्यात आली आहे. या गंभीर आरोपांमुळे शहापूर परिसरात खळबळ उडाली असून, प्रशासनाने तात्काळ चौकशी करून दोषींवर कठोर कारवाई करावी, अशी मागणी नागरिकांतून होत आहे.

दिपक हैबतराव चोरमले

Local Politician औंढा (नागनाथ), हिंगोली, महाराष्ट्र•

16 hrs ago

शहापूर येथे स्वच्छ भारत मिशन निधीतील 52 लाखांचा कथित अपहार; चौकशीची मागणी तालुका औंढा नागनाथ अंतर्गत मौजे शिरड शहापूर येथे स्वच्छ भारत मिशन (SBM) योजनेअंतर्गत मंजूर करण्यात आलेल्या सुमारे ५२ लाख रुपयांच्या निधीमध्ये मोठ्या प्रमाणात अनियमितता व अपहार झाल्याचा गंभीर आरोप समोर आला आहे. या प्रकरणाची सखोल चौकशी करून संबंधितांवर फौजदारी गुन्हा नोंद करण्याची मागणी करण्यात आली आहे. मा. समाज रत्न अनिल भाऊ कांबळे, जिल्हाध्यक्ष वंचित बहुजन आघाडी, हिंगोली यांनी जिल्हा परिषद मुख्य कार्यकारी अधिकाऱ्यांकडे दिलेल्या तक्रारीत नमूद केले आहे की, घनकचरा व सांडपाणी व्यवस्थापनासाठी मंजूर निधी असूनही गावामध्ये प्रत्यक्षात कोणतीही नवीन कामे करण्यात आलेली नाहीत. उलट, इतर शासकीय योजनांमधून (१५वा वित्त आयोग, जिल्हा नियोजन समिती, पीडब्ल्यूडी) आधीच करण्यात आलेल्या कामांचेच खोटे मूल्यांकन करून ते SBM अंतर्गत दाखविण्यात आल्याचा आरोप आहे. तक्रारीनुसार, संबंधित कंत्राटदाराने गावामध्ये कोणतेही काम न करता निधी उचलल्याचा संशय असून, शाखा अभियंता श्री. बोरकर यांनीही खोटे मोजमाप व मूल्यांकन पुस्तिकेत नोंदी करून शासनाची फसवणूक केल्याचा आरोप करण्यात आला आहे. या दोघांनी संगनमताने निधीचा अपहार केल्याचेही तक्रारीत नमूद करण्यात आले आहे. याशिवाय, कामासंदर्भातील आवश्यक पुरावे जसे की काम सुरू करण्यापूर्वीचे, प्रगतीतील व पूर्ण झाल्यानंतरचे फोटो तसेच कंत्राटदाराचे GST इन्व्हॉईस उपलब्ध नसल्यामुळे संपूर्ण व्यवहार संशयाच्या भोवऱ्यात सापडला आहे. या प्रकरणात भारतीय दंड संहितेच्या कलम 409, 420, 467, 468, 471 व 120(ब) तसेच भ्रष्टाचार प्रतिबंधक कायद्यांतर्गत गुन्हा नोंद करण्याची मागणी करण्यात आली आहे. तसेच, या प्रकरणाच्या चौकशीसाठी उच्चस्तरीय समिती नेमून कोणती कार्यवाही केली जाणार आहे, याबाबत लेखी माहिती देण्याची मागणीही करण्यात आली आहे. या गंभीर आरोपांमुळे शहापूर परिसरात खळबळ उडाली असून, प्रशासनाने तात्काळ चौकशी करून दोषींवर कठोर कारवाई करावी, अशी मागणी नागरिकांतून होत आहे.