25 तासानंतर शोधानंतर तलावातून तरुणाचा मृतदेह पाण्याच्या बाहेर ; गाय वाचवताना झाला 23 वर्षीय तरुणाचा मृत्यू कोहलगाव येथील एका धाडसी पण दुदैवी घटनेत गाय वाचवण्याच्या प्रयत्नात तलावात बुडालेल्या २३ वर्षीय तरुणाचा तब्बल २५ तासांच्या अथक शोधमोहीमेनंतर मृतदेह मिळाल्याने संपूर्ण गावावर शोककळा पसरली आहे. गावातील स्थानिक नागरिक, पोलीस तसेच आपत्कालीन पथकाच्या संयुक्त प्रयत्नातून अखेर दुसऱ्या दिवशी तलावातून मृतदेह बाहेर काढण्यात आला. मिळालेल्या माहितीनुसार, दि. ६ मार्च रोजी कोहलगाव येथील विलास शंकर सोनवणे (वय २३) हा तरुण नेहमीप्रमाणे सकाळी घरातून गाय- म्हशी चरायला घेऊन गेला होता. दुपारच्या सुमारास तो गावालगत असलेल्या तलावाजवळ जनावरांना पाणी पाजण्यासाठी थांबला. त्यावेळी त्याच्या गाईंपैकी एक गाय तलावातील पाण्यात जास्त आतमध्ये गेल्याने ती बुडण्याची शक्यता निर्माण झाली. गायीला बुडताना पाहून विलासने क्षणाचाही विलंब न लावता तिला वाचवण्यासाठी तलावात उडी मारली. त्याच्या धाडसी प्रयत्नांमुळे गाय सुरक्षितपणे बाहेर आली; मात्र दुर्दैवाने विलासला तलावातील खोल पाण्याचा अंदाज आला नाही आणि तो पाण्यात बुडाला. काही वेळानंतर तो पाण्याच्या वर आला नाही, हे लक्षात येताच परिसरातील नागरिकांनी घटनास्थळी धाव घेतली. घटनेची माहिती मिळताच नवेगाव बांध पोलीस ठाण्याचे ठाणेदार अजित पाटील तसेच पोलीस कर्मचारी तात्काळ घटनास्थळी पोहोचले. यानंतर आपत्कालीन पथकालाही पाचारण करण्यात आले. गावातील नागरिकांच्या मदतीने तलावात शोधमोहीम सुरू करण्यात आली. काल रात्रीपासून सुरू असलेल्या या शोधमोहीमेत पोलीस, आपत्कालीन विभाग तसेच स्थानिक नागरिकांनी अथक प्रयत्न केले. अखेर सुमारे २५ तासांच्या सततच्या शोधानंतर दि. ७ मार्च रोजी विलास शंकर सोनवणे यांचा मृतदेह तलावातून बाहेर काढण्यात आला. मृतदेह मिळताच गावात शोककळा पसरली. या घटनेने संपूर्ण कोहलगाव परिसर हादरून गेला असून कुटुंबीयांवर दुःखाचा डोंगर कोसळला आहे. दरम्यान, विलास हा गावातील मेहनती आणि शांत स्वभावाचा तरुण म्हणून ओळखला जात होता. जनावरांबद्दल असलेल्या आपुलकीमुळे त्याने गायीला वाचवण्यासाठी स्वतःचा जीव धोक्यात घातला; मात्र या प्रयत्नात त्याचा दुदैवी मृत्यू झाला. या घटनेमुळे गावात हळहळ व्यक्त होत असून ग्रामस्थांनी विलासला श्रद्धांजली अर्पण केली आहे.

Ashlesh Made

Sadak-Arjuni, Gondia•

on 7 March

25 तासानंतर शोधानंतर तलावातून तरुणाचा मृतदेह पाण्याच्या बाहेर ; गाय वाचवताना झाला 23 वर्षीय तरुणाचा मृत्यू कोहलगाव येथील एका धाडसी पण दुदैवी घटनेत गाय वाचवण्याच्या प्रयत्नात तलावात बुडालेल्या २३ वर्षीय तरुणाचा तब्बल २५ तासांच्या अथक शोधमोहीमेनंतर मृतदेह मिळाल्याने संपूर्ण गावावर शोककळा पसरली आहे. गावातील स्थानिक नागरिक, पोलीस तसेच आपत्कालीन पथकाच्या संयुक्त प्रयत्नातून अखेर दुसऱ्या दिवशी तलावातून मृतदेह बाहेर काढण्यात आला. मिळालेल्या माहितीनुसार, दि. ६ मार्च रोजी कोहलगाव येथील विलास शंकर सोनवणे (वय २३) हा तरुण नेहमीप्रमाणे सकाळी घरातून गाय- म्हशी चरायला घेऊन गेला होता. दुपारच्या सुमारास तो गावालगत असलेल्या तलावाजवळ जनावरांना पाणी पाजण्यासाठी थांबला. त्यावेळी त्याच्या गाईंपैकी एक गाय तलावातील पाण्यात जास्त आतमध्ये गेल्याने ती बुडण्याची शक्यता निर्माण झाली. गायीला बुडताना पाहून विलासने क्षणाचाही विलंब न लावता तिला वाचवण्यासाठी तलावात उडी मारली. त्याच्या धाडसी प्रयत्नांमुळे गाय सुरक्षितपणे बाहेर आली; मात्र दुर्दैवाने विलासला तलावातील खोल पाण्याचा अंदाज आला नाही आणि तो पाण्यात बुडाला. काही वेळानंतर तो पाण्याच्या वर आला नाही, हे लक्षात येताच परिसरातील नागरिकांनी घटनास्थळी धाव घेतली. घटनेची माहिती मिळताच नवेगाव बांध पोलीस ठाण्याचे ठाणेदार अजित पाटील तसेच पोलीस कर्मचारी तात्काळ घटनास्थळी पोहोचले. यानंतर आपत्कालीन पथकालाही पाचारण करण्यात आले. गावातील नागरिकांच्या मदतीने तलावात शोधमोहीम सुरू करण्यात आली. काल रात्रीपासून सुरू असलेल्या या शोधमोहीमेत पोलीस, आपत्कालीन विभाग तसेच स्थानिक नागरिकांनी अथक प्रयत्न केले. अखेर सुमारे २५ तासांच्या सततच्या शोधानंतर दि. ७ मार्च रोजी विलास शंकर सोनवणे यांचा मृतदेह तलावातून बाहेर काढण्यात आला. मृतदेह मिळताच गावात शोककळा पसरली. या घटनेने संपूर्ण कोहलगाव परिसर हादरून गेला असून कुटुंबीयांवर दुःखाचा डोंगर कोसळला आहे. दरम्यान, विलास हा गावातील मेहनती आणि शांत स्वभावाचा तरुण म्हणून ओळखला जात होता. जनावरांबद्दल असलेल्या आपुलकीमुळे त्याने गायीला वाचवण्यासाठी स्वतःचा जीव धोक्यात घातला; मात्र या प्रयत्नात त्याचा दुदैवी मृत्यू झाला. या घटनेमुळे गावात हळहळ व्यक्त होत असून ग्रामस्थांनी विलासला श्रद्धांजली अर्पण केली आहे.