రైతుల సంక్షేమానికి అగ్రతాంబూలం ఇస్తూ ఎన్నికల హామీలను అమలు చేయడంలో కూటమి ప్రభుత్వం ఎలాంటి రాజీ పడడం లేదని ఉదయగిరి శాసనసభ్యులు కాకర్ల సురేష్ స్పష్టం చేశారు. రైతుల పక్షపాత ప్రభుత్వమిదని ఆయన పేర్కొన్నారు. 2026-27 ఆర్థిక సంవత్సరానికి సంబంధించిన తొలి విడత అన్నదాత సుఖీభవ - పీఎం కిసాన్ నిధుల విడుదల సందర్భంగా ఉదయగిరి నియోజకవర్గంలోని జలదంకి మండలం జలదంకి గ్రామంలో ఎమ్మెల్యే ముఖాముఖి నిర్వహించి రైతుల సమస్యలు, అభిప్రాయాలు తెలుసుకున్నారు. ఈ సందర్భంగా జరిగిన నిధుల పంపిణీ కార్యక్రమంలో పల్నాడు జిల్లా లింగంగుంట్ల నుంచి ముఖ్యమంత్రి నారా చంద్రబాబు నాయుడు రాష్ట్రవ్యాప్తంగా 46,85,838 మంది రైతుల ఖాతాల్లో రూ.3,125 కోట్లను జమ చేసిన కార్యక్రమాన్ని రైతులు వీక్షించారు. పశ్చిమ బెంగాల్ నుంచి ప్రధాని నరేంద్ర మోడీ, లింగంగుంట్ల నుంచి ముఖ్యమంత్రి చంద్రబాబు నాయుడు చేసిన ప్రసంగాలను ఎల్ఈడి స్క్రీన్ల ద్వారా రైతులు ప్రత్యక్షంగా చూశారు. రాష్ట్రంలో ఆర్థిక సవాళ్లు ఉన్నా ప్రజలకు ఇచ్చిన ప్రతి హామీని అమలు చేస్తున్నామని ఎమ్మెల్యే కాకర్ల సురేష్ తెలిపారు. రైతులకు ప్రతి ఏడాది రూ.20 వేల ఆర్థిక సాయం అందిస్తామన్న హామీని నిలబెట్టుకుంటూ రెండో ఏడాది తొలి విడత నిధులను కూడా జమ చేశామన్నారు. రాష్ట్ర ప్రభుత్వ రెండేళ్ల పాలన 'నమ్మకం - అభివృద్ధి - సంక్షేమం'కు నిదర్శనమని, రాబోయే మూడేళ్లలో సుపరిపాలన అందించేందుకు కృషి చేస్తామని పేర్కొన్నారు. ఈ విడతలో ఒక్కో రైతుకు అన్నదాత సుఖీభవ కింద రూ.5,000, పీఎం కిసాన్ కింద రూ.2,000 చొప్పున మొత్తం రూ.7,000 జమ అయ్యాయని వివరించారు. నెల్లూరు జిల్లాలో 1,77,545 మంది రైతులకు రూ.117.16 కోట్లు, ఉదయగిరి నియోజకవర్గ పరిధిలో 45,275 మంది రైతులకు రూ.30 కోట్లు ఐదు లక్షల 20 వేల రూపాయలు లబ్ధి చేకూరిందని వెల్లడించారు. రైతులు సరికొత్త సాంకేతికతను అందిపుచ్చుకుని ఆదాయాన్ని పెంచుకోవాలని ఎమ్మెల్యే కాకర్ల సురేష్ సూచించారు. అంతర్ పంటల వైపు మొగ్గు చూపాలని పిలుపునిచ్చారు. వ్యవసాయ రంగంలో వస్తున్న ఆధునిక మార్పులను రైతులు అందిపుచ్చుకోవాలని, సేంద్రీయ ఎరువుల వినియోగాన్ని పెంచాలని, వరిపై అధికంగా ఆధారపడకుండా ఉద్యానవన, వాణిజ్య పంటలను సాగు చేయాలని అన్నారు. అంతర పంటల విధానం ద్వారా రైతులు అధిక ఆదాయం పొందవచ్చని, అగర్ వుడ్ వంటి వాణిజ్య పంటలకు విదేశాల్లో మంచి డిమాండ్ ఉందని తెలిపారు. ఉద్యానవన శాఖ అధికారులు రైతులకు అవగాహన కల్పించి ఈ పంటల సాగును ప్రోత్సహించాలని సూచించారు. భవిష్యత్ తరాలకు నాణ్యమైన ఆహారం అందించేలా, అందరికీ ఆరోగ్య భద్రత కలిగేలా రైతులు శాస్త్ర సాంకేతిక విజ్ఞానాన్ని అందిపుచ్చుకొని ఆరోగ్య ఆంధ్రప్రదేశ్ సాధనకు కృషి చేయాలని పిలుపునిచ్చారు. అనంతరం అన్నదాత సుఖీభవ - పీఎం కిసాన్ పథకానికి సంబంధించిన మెగా చెక్కును ఎమ్మెల్యే ఆవిష్కరించారు. ఈ కార్యక్రమంలో వ్యవసాయ శాఖ అధికారులు, స్థానిక ప్రజాప్రతినిధులు, రైతులు తదితరులు పాల్గొన్నారు.

నాగరాజు కర్రా

కలిగిరి, ఎస్పీఎస్ఆర్ నెల్లూరు, ఆంధ్రప్రదేశ్•

4 hrs ago

రైతుల సంక్షేమానికి అగ్రతాంబూలం ఇస్తూ ఎన్నికల హామీలను అమలు చేయడంలో కూటమి ప్రభుత్వం ఎలాంటి రాజీ పడడం లేదని ఉదయగిరి శాసనసభ్యులు కాకర్ల సురేష్ స్పష్టం చేశారు. రైతుల పక్షపాత ప్రభుత్వమిదని ఆయన పేర్కొన్నారు. 2026-27 ఆర్థిక సంవత్సరానికి సంబంధించిన తొలి విడత అన్నదాత సుఖీభవ - పీఎం కిసాన్ నిధుల విడుదల సందర్భంగా ఉదయగిరి నియోజకవర్గంలోని జలదంకి మండలం జలదంకి గ్రామంలో ఎమ్మెల్యే ముఖాముఖి నిర్వహించి రైతుల సమస్యలు, అభిప్రాయాలు తెలుసుకున్నారు. ఈ సందర్భంగా జరిగిన నిధుల పంపిణీ కార్యక్రమంలో పల్నాడు జిల్లా లింగంగుంట్ల నుంచి ముఖ్యమంత్రి నారా చంద్రబాబు నాయుడు రాష్ట్రవ్యాప్తంగా 46,85,838 మంది రైతుల ఖాతాల్లో రూ.3,125 కోట్లను జమ చేసిన కార్యక్రమాన్ని రైతులు వీక్షించారు. పశ్చిమ బెంగాల్ నుంచి ప్రధాని నరేంద్ర మోడీ, లింగంగుంట్ల నుంచి ముఖ్యమంత్రి చంద్రబాబు నాయుడు చేసిన ప్రసంగాలను ఎల్ఈడి స్క్రీన్ల ద్వారా రైతులు ప్రత్యక్షంగా చూశారు. రాష్ట్రంలో ఆర్థిక సవాళ్లు ఉన్నా ప్రజలకు ఇచ్చిన ప్రతి హామీని అమలు చేస్తున్నామని ఎమ్మెల్యే కాకర్ల సురేష్ తెలిపారు. రైతులకు ప్రతి ఏడాది రూ.20 వేల ఆర్థిక సాయం అందిస్తామన్న హామీని నిలబెట్టుకుంటూ రెండో ఏడాది తొలి విడత నిధులను కూడా జమ చేశామన్నారు. రాష్ట్ర ప్రభుత్వ రెండేళ్ల పాలన 'నమ్మకం - అభివృద్ధి - సంక్షేమం'కు నిదర్శనమని, రాబోయే మూడేళ్లలో సుపరిపాలన అందించేందుకు కృషి చేస్తామని పేర్కొన్నారు. ఈ

విడతలో ఒక్కో రైతుకు అన్నదాత సుఖీభవ కింద రూ.5,000, పీఎం కిసాన్ కింద రూ.2,000 చొప్పున మొత్తం రూ.7,000 జమ అయ్యాయని వివరించారు. నెల్లూరు జిల్లాలో 1,77,545 మంది రైతులకు రూ.117.16 కోట్లు, ఉదయగిరి నియోజకవర్గ పరిధిలో 45,275 మంది రైతులకు రూ.30 కోట్లు ఐదు లక్షల 20 వేల రూపాయలు లబ్ధి చేకూరిందని వెల్లడించారు. రైతులు సరికొత్త సాంకేతికతను అందిపుచ్చుకుని ఆదాయాన్ని పెంచుకోవాలని ఎమ్మెల్యే కాకర్ల సురేష్ సూచించారు. అంతర్ పంటల వైపు మొగ్గు చూపాలని పిలుపునిచ్చారు. వ్యవసాయ రంగంలో వస్తున్న ఆధునిక మార్పులను రైతులు అందిపుచ్చుకోవాలని, సేంద్రీయ ఎరువుల వినియోగాన్ని పెంచాలని, వరిపై అధికంగా ఆధారపడకుండా ఉద్యానవన, వాణిజ్య పంటలను సాగు చేయాలని అన్నారు. అంతర పంటల విధానం ద్వారా రైతులు అధిక ఆదాయం పొందవచ్చని, అగర్ వుడ్ వంటి వాణిజ్య పంటలకు విదేశాల్లో మంచి డిమాండ్ ఉందని తెలిపారు. ఉద్యానవన శాఖ అధికారులు రైతులకు అవగాహన కల్పించి ఈ పంటల సాగును ప్రోత్సహించాలని సూచించారు. భవిష్యత్ తరాలకు నాణ్యమైన ఆహారం అందించేలా, అందరికీ ఆరోగ్య భద్రత కలిగేలా రైతులు శాస్త్ర సాంకేతిక విజ్ఞానాన్ని అందిపుచ్చుకొని ఆరోగ్య ఆంధ్రప్రదేశ్ సాధనకు కృషి చేయాలని పిలుపునిచ్చారు. అనంతరం అన్నదాత సుఖీభవ - పీఎం కిసాన్ పథకానికి సంబంధించిన మెగా చెక్కును ఎమ్మెల్యే ఆవిష్కరించారు. ఈ కార్యక్రమంలో వ్యవసాయ శాఖ అధికారులు, స్థానిక ప్రజాప్రతినిధులు, రైతులు తదితరులు పాల్గొన్నారు.