सामाजिक न्याय व विशेष सहाय्य विभागामार्फत अनुसूचित जाती आणि नवबौद्ध घटकांच्या स्वयंसहाय्यता बचत गटांना आर्थिकदृष्ट्या सक्षम करण्यासाठी मिनी ट्रॅक्टर व उपसाधने पुरवठा योजना सन २०२६-२७ या वर्षासाठी राबवली जात आहे. बुलढाणा जिल्ह्यातून या योजनेसाठी दि. २५ जून २०२६ पर्यंत अर्ज मागवण्यात आले आहेत. या योजनेअंतर्गत पात्र बचत गटांना ९ ते १८ अश्वशक्तीचा मिनी ट्रॅक्टर, कल्टिव्हेटर किंवा रोटॅव्हेटर तसेच ट्रेलर खरेदीसाठी ९० टक्के शासकीय अनुदान दिले जाईल. मिनी ट्रॅक्टर व उपसाधनांची कमाल किंमत ३.५० लाख रुपये निश्चित करण्यात आली असून, त्यापैकी ३.१५ लाख रुपये शासकीय अनुदान तर उर्वरित ३५ हजार रुपये लाभार्थी बचत गटाचा स्वहिस्सा राहणार आहे. शासनाने निश्चित केलेल्या मर्यादेपेक्षा अधिक क्षमतेचा किंवा अधिक किमतीचा ट्रॅक्टर खरेदी केल्यास, अतिरिक्त रक्कम संबंधित बचत गटाला स्वतः भरावी लागेल. योजनेचा लाभ घेण्यासाठी बचत गटातील किमान ८० टक्के सदस्य अनुसूचित जाती किंवा नवबौद्ध घटकातील असणे, तसेच अध्यक्ष व सचिव हेही याच समाजातील असणे आवश्यक आहे. सर्व सदस्य महाराष्ट्र राज्याचे रहिवासी असणे बंधनकारक असून, लाभार्थी बचत गटाने निवड झाल्यानंतर शासनमान्य उत्पादकांकडूनच मिनी ट्रॅक्टर व उपसाधने खरेदी करणे अपेक्षित आहे. अनुदानाची रक्कम दोन टप्प्यांत दिली जाईल: खरेदीची पावती सादर केल्यानंतर अनुदानाचा ५० टक्के हिस्सा लाभार्थी बचत गटाच्या आधारसंलग्न बँक खात्यात जमा केला जाईल, तर आरटीओ नोंदणी पूर्ण झाल्यावर उर्वरित अनुदानाची रक्कम अदा करण्यात येईल. इच्छुक बचत गटांनी विहित नमुन्यातील अर्जासह बचत गट नोंदणी प्रमाणपत्र, सदस्यांची यादी, जाती व अधिवास प्रमाणपत्रे, आधार कार्ड, रेशन कार्ड, पॅनकार्ड, बँक पासबुक, ट्रॅक्टर खरेदीचा ठराव, हमीपत्र व इतर आवश्यक कागदपत्रे दि. २५ जून २०२६ पर्यंत सहाय्यक आयुक्त, समाज कल्याण कार्यालय, डॉ. बाबासाहेब आंबेडकर सामाजिक न्याय भवन, त्रिशरण चौक, चिखली रोड, बुलढाणा येथे सादर करावीत. सहाय्यक आयुक्त मनोज मेरत यांनी जास्तीत जास्त पात्र बचत गटांनी या योजनेचा लाभ घ्यावा, असे आवाहन केले आहे.

सागर वानखेडे sagar wankhede

Teacher मोताळा, बुलढाणा, महाराष्ट्र•

22 hrs ago

सामाजिक न्याय व विशेष सहाय्य विभागामार्फत अनुसूचित जाती आणि नवबौद्ध घटकांच्या स्वयंसहाय्यता बचत गटांना आर्थिकदृष्ट्या सक्षम करण्यासाठी मिनी ट्रॅक्टर व उपसाधने पुरवठा योजना सन २०२६-२७ या वर्षासाठी राबवली जात आहे. बुलढाणा जिल्ह्यातून या योजनेसाठी दि. २५ जून २०२६ पर्यंत अर्ज मागवण्यात आले आहेत. या योजनेअंतर्गत पात्र बचत गटांना ९ ते १८ अश्वशक्तीचा मिनी ट्रॅक्टर, कल्टिव्हेटर किंवा रोटॅव्हेटर तसेच ट्रेलर खरेदीसाठी ९० टक्के शासकीय अनुदान दिले जाईल. मिनी ट्रॅक्टर व उपसाधनांची कमाल किंमत ३.५० लाख रुपये निश्चित करण्यात आली असून, त्यापैकी ३.१५ लाख रुपये शासकीय अनुदान तर उर्वरित ३५ हजार रुपये लाभार्थी बचत गटाचा स्वहिस्सा राहणार आहे. शासनाने निश्चित केलेल्या मर्यादेपेक्षा अधिक क्षमतेचा किंवा अधिक किमतीचा ट्रॅक्टर खरेदी केल्यास, अतिरिक्त रक्कम संबंधित बचत गटाला स्वतः भरावी लागेल. योजनेचा लाभ घेण्यासाठी बचत गटातील किमान ८० टक्के सदस्य अनुसूचित जाती किंवा नवबौद्ध घटकातील असणे, तसेच अध्यक्ष व सचिव हेही याच समाजातील असणे आवश्यक आहे. सर्व सदस्य महाराष्ट्र राज्याचे रहिवासी असणे बंधनकारक असून, लाभार्थी बचत गटाने निवड झाल्यानंतर शासनमान्य उत्पादकांकडूनच मिनी ट्रॅक्टर व उपसाधने खरेदी करणे अपेक्षित आहे. अनुदानाची रक्कम दोन टप्प्यांत दिली जाईल: खरेदीची पावती सादर केल्यानंतर अनुदानाचा ५० टक्के हिस्सा लाभार्थी बचत गटाच्या आधारसंलग्न बँक खात्यात जमा केला जाईल, तर आरटीओ नोंदणी पूर्ण झाल्यावर उर्वरित अनुदानाची रक्कम अदा करण्यात येईल. इच्छुक बचत गटांनी विहित नमुन्यातील अर्जासह बचत गट नोंदणी प्रमाणपत्र, सदस्यांची यादी, जाती व अधिवास प्रमाणपत्रे, आधार कार्ड, रेशन कार्ड, पॅनकार्ड, बँक पासबुक, ट्रॅक्टर खरेदीचा ठराव, हमीपत्र व इतर आवश्यक कागदपत्रे दि. २५ जून २०२६ पर्यंत सहाय्यक आयुक्त, समाज कल्याण कार्यालय, डॉ. बाबासाहेब आंबेडकर सामाजिक न्याय भवन, त्रिशरण चौक, चिखली रोड, बुलढाणा येथे सादर करावीत. सहाय्यक आयुक्त मनोज मेरत यांनी जास्तीत जास्त पात्र बचत गटांनी या योजनेचा लाभ घ्यावा, असे आवाहन केले आहे.