অসমৰ বিজেপিৰ মুখ্য কাৰ্যালয়ত দলীয় নেতা-কৰ্মীসকলে দুজনকৈ কেন্দ্ৰীয় পৰ্যবেক্ষকক উষ্ম আদৰণি জনালে। এই আদৰণিয়ে ৰাজ্যিক ৰাজনীতিত নতুন আলোচনাৰ সৃষ্টি কৰিছে। পৰ্যবেক্ষকসকলৰ আগমনক আগন্তুক ৰাজনৈতিক পৰিৱৰ্তনৰ ইংগিত হিচাপে চোৱা হৈছে।

আজি ছয়গাঁৱত লোক সংস্কৃতিৰ সাধক সুকুমাৰ মেধিৰ স্মৃতিচাৰণ সভা অনুষ্ঠিত হয়। এই সভাত সুকুমাৰ মেধীক মৰম কৰা হাজাৰ হাজাৰ লোকে তেওঁৰ ভূয়সী প্ৰশংসাৰে উপচাই পেলায়। বিধায়ক হিমাংশু শেখৰ বৈশ্যই সুকুমাৰ মেধিৰ স্মৃতি চিৰযুগমীয়া কৰি ৰাখিবলৈ স্থায়ীভাৱে বিশেষ পদক্ষেপ লোৱাৰ আশ্বাস প্ৰদান কৰে।

৭ জুনত প্ৰায় ৫.৫ প্ৰাৱল্যৰ এক শক্তিশালী ভূমিকম্পই অসমৰ বিভিন্ন প্ৰান্ত, বিশেষকৈ সৰ্থেবাৰীসহ সমগ্ৰ অঞ্চলটো কঁপাই তোলে। এই জোকাৰণিৰ ফলত ঠায়ে ঠায়ে তীব্ৰ আতংকৰ সৃষ্টি হয়। ভূমিকম্পৰ কম্পন অনুভৱ কৰাৰ লগে লগে বিদ্যালয় আৰু অন্যান্য শিক্ষানুষ্ঠানসমূহত হাহাকাৰ পৰিস্থিতিৰ সৃষ্টি হয়। বহু ছাত্ৰ-ছাত্ৰীয়ে তেওঁলোকৰ আবাসস্থলৰ পৰা ওলাই আহি নিৰাপদ স্থানত আশ্ৰয় ল'বলৈ বাধ্য হয়। ঠিক তেনেদৰে, স্থানীয় লোকসকলেও হঠাৎ হোৱা এই জোকাৰণিৰ বাবে নিজৰ ঘৰৰ পৰা বাহিৰলৈ ওলাই আহে। সৰ্থেবাৰী, বৰপেটা আৰু গুৱাহাটীসহ কেইবাটাও অঞ্চলত এই কম্পন অনুভৱ কৰা হৈছে। অসম ভূমিকম্প-প্ৰৱণ অঞ্চল হোৱাৰ বাবে সামান্য কম্পনেও জনসাধাৰণৰ মাজত উদ্বেগ বৃদ্ধি কৰে। এই পৰ্যন্ত কোনো বৃহৎ ক্ষয়-ক্ষতি বা হতাহতৰ খবৰ পোৱা হোৱা নাই। প্ৰশাসনে বৰ্তমানৰ পৰিস্থিতিৰ ওপৰত তীক্ষ্ণ নজৰ ৰাখিছে আৰু জনসাধাৰণক কোনো ধৰণৰ আতংকিত নহ’বলৈ আহ্বান জনাইছে।

মীন বিভাগৰ নিযুক্তি কেলেংকাৰিৰ গোচৰত চিআইডিৰ অভিযান চলোৱা হৈছে। এই সন্দৰ্ভত মৰিগাঁও বিধায়ক ৰমাকান্ত দেউৰীৰ ঘৰত নিশা চিআইডিৰ এটা দলে অভিযান চলায়। নিযুক্তি কেলেংকাৰিৰ অন্যতম অভিযুক্ত হিচাপে চিহ্নিত বিধায়ক ৰমাকান্ত দেউৰীক চিআইডিৰ কাৰ্যালয়ত হাজিৰ হ'বলৈ চমন জাৰি কৰা হৈছে।

হজৰত মহম্মদ (ছ) ৰ ওপৰত সামাজিক মাধ্যমত কৰা বেয়া মন্তব্যসমূহৰ বিৰুদ্ধে তীব্ৰ প্ৰতিক্ৰিয়া প্ৰকাশ কৰিছে আমছুৰ প্ৰাক্তন সভাপতি তথা এ আই ইউ ডি এফৰ নেতা ৰেজাউল কৰিম সৰকাৰে। তেওঁ এই সন্দৰ্ভত মুখ্যমন্ত্ৰী ডঃ হিমন্ত বিশ্ব শৰ্মাক কঠোৰ ভাষাৰে সমালোচনা কৰিছে। ৰেজাউল কৰিম সৰকাৰে প্ৰশ্ন উত্থাপন কৰিছে যে অসম বিধানসভাৰ ভিতৰত মুখ্যমন্ত্ৰীয়ে হজৰত মহম্মদ (ছ) ক প্ৰশংসা কৰাৰ পিছতো, সামাজিক মাধ্যমত একাংশ লোকে তেওঁৰ ওপৰত বেয়া মন্তব্য কৰি থকাৰ সময়ত মুখ্যমন্ত্ৰী নিমাত কিয়? তেওঁ মুখ্যমন্ত্ৰীৰ এই নীৰৱতাক লৈ ক্ষোভ প্ৰকাশ কৰি তীব্ৰ প্ৰতিক্ৰিয়া ব্যক্ত কৰিছে।

অসম বিধানসভাত ইউনিফৰ্ম চিভিল কোড (UCC) গৃহীত হোৱাৰ পাছত বিধায়ক দিগন্ত কলিতাই নিজৰ প্ৰতিক্ৰিয়া ব্যক্ত কৰিছে।

Post by Amir

আজি ৰঙিয়াৰ বটাকুছিত সদৌ অসম কোচ ৰাজবংশী সন্মিলনীৰ ৰঙিয়া জিলা সমিতিৰ ২৭ সংখ্যক দ্বি-বাৰ্ষিক অধিৱেশন অনুষ্ঠিত কৰা হয়। পুৱা ৰঙিয়া জিলা সমিতিৰ সভাপতি ৰমণী ৰাজবংশীয়ে সন্মিলনীৰ পতাকা উত্তোলন কৰি কাৰ্যসূচীৰ শুভাৰম্ভ কৰে। অধিৱেশন উপলক্ষে বিয়লি অনুষ্ঠিত মুকলি সভাত সংগঠনটোৰ কেন্দ্ৰীয় সমিতিৰ সাধাৰণ সম্পাদক ৰণাদিত্য বৰ্মণে মুখ্য অতিথি হিচাপে অংশগ্ৰহণ কৰে। ৰমণী ৰাজবংশীৰ সভাপতিত্বত আয়োজিত এই সভাত দৰং জিলা কোচ ৰাজবংশী সন্মিলনীৰ সভাপতি হিৰণ্য ৰাজবংশীয়ে শুভ উদ্বোধন কৰে। এই সভাতেই ৰণাদিত্য বৰ্মণে গৌতম কুমাৰ দাস ৰচিত "বিশ্ব মহাবীৰ চিলাৰায়" শীৰ্ষক গ্ৰন্থখন আনুষ্ঠানিকভাৱে উন্মোচন কৰে, যিখন কমলপুৰ আঞ্চলিক স্বৰ্ণ শাখা সাহিত্য সভাৰ হৈ সভাপতি ব্ৰজেন্দ্ৰ দেৱমোহন শৰ্মাই প্ৰকাশ কৰিছে। এই সভাত ৰঙিয়া জিলা কোচ ৰাজবংশী সন্মিলনীৰ অন্তৰ্গত ১৩ খন আঞ্চলিকৰ উচ্চ আৰু উচ্চতৰ মাধ্যমিকৰ চূড়ান্ত পৰীক্ষাত সুখ্যাতিৰে উত্তীৰ্ণ হোৱা শতাধিক ছাত্ৰ-ছাত্ৰীকো সম্বৰ্দ্ধনা জ্ঞাপন কৰা হয়। সভাত খগেন্দ্ৰজিত ঠাকুৰীয়া, বিজুলী ৰাজবংশী আৰু হেমেন দাসকে ধৰি কেইবাজনো নেতাই অংশগ্ৰহণ কৰে। অধিৱেশন উপলক্ষে ২৭ খন ধ্বজা উত্তোলন আৰু বিশ্ব মহাবীৰ চিলাৰায়ৰ প্ৰতিচ্ছবিত মাল্যাৰ্পণ কৰাৰ লগতে জুবিন গাৰ্গৰ প্ৰতিও শ্ৰদ্ধাঞ্জলি নিবেদন কৰা হয়।

নলবাৰী জিলাৰ বৰক্ষেত্ৰীৰ ন-পাৰা পামত যোৱা নিশা এক ভয়ংকৰ অগ্নিকাণ্ড সংঘটিত হয়। এই অগ্নিকাণ্ডৰ ফলত পামত থকা ছাগলী, গো-ধন আৰু ধান আদি ভস্মীভূত হয়।