ସୁନ୍ଦରଗଡ଼ ଜିଲ୍ଲାର ସବଡେଗା ଠାରେ ଯୁଗୀ ଯୁଗୀନ ଡ୍ୟାମ୍ ନିର୍ମାଣ ନ କରାଯିବା ପ୍ରତିବାଦରେ ଏକ ଜନମତ ସମାବେଶ କାର୍ଯ୍ୟକ୍ରମ ଆୟୋଜିତ ହୋଇଛି। ଏହି କାର୍ଯ୍ୟକ୍ରମ ମାଧ୍ୟମରେ ଯୁଗୀ ଯୁଗୀନ ଡ୍ୟାମ୍ ନିର୍ମାଣ ପାଇଁ ସ୍ୱର ଉତ୍ତୋଳନ କରାଯାଇଛି।

ଫ୍ରାନ୍ସରେ ଆୟୋଜିତ G7 ସମ୍ମିଳନୀ ଅବସରରେ ପ୍ରଧାନମନ୍ତ୍ରୀ ମୋଦୀ କାନାଡ଼ାର ପ୍ରଧାନମନ୍ତ୍ରୀ ମାର୍କ କାର୍ନିଙ୍କ ସହ ସାକ୍ଷାତ କରିଛନ୍ତି।

ବରଗଡ଼ ଜିଲ୍ଲା ବରପାଲି ସହରରେ ପ୍ରସିଦ୍ଧ ଶୀତଳ ଷଷ୍ଠୀ ଯାତ୍ରା ମହୋତ୍ସବ ଅବସରରେ ପୋଲିସ ପକ୍ଷରୁ ଫ୍ଲାଗ ମାର୍ଚ୍ଚ କରାଯାଇଛି। ଆଇଆଇସି ପ୍ରମୋଦ କୁମାର ସାହୁ ଏହି ଫ୍ଲାଗ ମାର୍ଚ୍ଚର ନେତୃତ୍ୱ ନେଇଥିଲେ।

ଦେବଗଡ଼ ଜିଲ୍ଲା ବାଗକୋଟ ବ୍ଲକର ଝରାକଣ୍ଡଳ ଗ୍ରାମ ପଞ୍ଚାୟତରେ ମଙ୍ଗଳବାର ଦିନ ଅନୁଷ୍ଠିତ ହେବାକୁ ଥିବା ଜିଲ୍ଲାପାଳଙ୍କ ଜନ ଅଭିଯୋଗ ଶୁଣାଣି, ଅଧାପନ୍ତରିଆ ରାସ୍ତା ନିର୍ମାଣକୁ ନେଇ ଗ୍ରାମବାସୀଙ୍କ ପ୍ରତିବାଦ ଯୋଗୁଁ ବାତିଲ ହୋଇଛି। ଗ୍ରାମବାସୀଙ୍କ ଦାବି ଥିଲା ଯେ, ପୁରୁଣାପାଣି ଛକରୁ ଝରାକଣ୍ଟଳ-ଗୁରୁଜାଙ୍ଗ ଦେଇ ସୁନ୍ଦରଗଡ଼ ଜିଲ୍ଲା ଟେଣ୍ଡରା ପର୍ଯ୍ୟନ୍ତ ନିର୍ମାଣାଧୀନ ରାସ୍ତା କାମକୁ ପୁନରାରମ୍ଭ କରାଯାଉ। ସୂଚନା ଅନୁଯାୟୀ, ପୂର୍ବରୁ ଏହି ରାସ୍ତା ନିର୍ମାଣ ପାଇଁ ବିଭାଗ ପକ୍ଷରୁ ଟେଣ୍ଡର ହୋଇ କାର୍ଯ୍ୟ ଚାଲିଥିଲା। ମାତ୍ର ବନ ବିଭାଗ ଦୀର୍ଘ ୬ ମାସରୁ ଉର୍ଦ୍ଧ ସମୟ ଧରି ଏହି କାର୍ଯ୍ୟକୁ ବନ୍ଦ ରଖିବାରୁ ରାସ୍ତାଟି ଅଧାପନ୍ତରିଆ ଭାବେ ପଡ଼ିରହିଛି। ଏହା ଯୋଗୁଁ ସ୍ଥାନୀୟ ଜନସାଧାରଣ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି। ଅଞ୍ଚଳବାସୀ ଏହାର ସମାଧାନ ପାଇଁ ପ୍ରଶାସନକୁ ବାରମ୍ବାର ଜଣାଇଥିଲେ ମଧ୍ୟ କୌଣସି ସୁଫଳ ମିଳିନଥିଲା। ଫଳରେ, ଗ୍ରାମବାସୀମାନେ ଅଭିଯୋଗ ପ୍ରକୋଷ୍ଠ ସମ୍ମୁଖରେ ପ୍ରତିବାଦ କରି କୌଣସି ପ୍ରଶାସନିକ ଅଧିକାରୀଙ୍କୁ ଭିତରକୁ ପ୍ରବେଶ କରିବାକୁ ଦେଇନଥିଲେ। ଜିଲ୍ଲାପାଳଙ୍କ ଅନୁପସ୍ଥିତିରେ ଉପଜିଲ୍ଲାପାଳ ପରୀକ୍ଷିତ ସାହୁଙ୍କ ସମେତ ଅନ୍ୟ ଅଧିକାରୀମାନେ ଅଭିଯୋଗ ଶୁଣାଣି ଶିବିରରେ ଯୋଗ ଦେବାକୁ ଆସିଥିଲେ, କିନ୍ତୁ ପ୍ରତିବାଦ ଯୋଗୁଁ ଶିବିର ବନ୍ଦ ରହିଥିଲା ଏବଂ ଅଧିକାରୀମାନେ ଫେରି ଆସିଥିଲେ। କିଛି ସମୟ ପାଇଁ ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଉତ୍ତେଜନା ଦେଖାଦେଇଥିଲା। ପରେ ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବାକୁ ଚେଷ୍ଟା କରିଥିଲା ଏବଂ ଉପଜିଲ୍ଲାପାଳ ଶ୍ରୀ ସାହୁ ଦୀର୍ଘ ସମୟ ପର୍ଯ୍ୟନ୍ତ ଆଲୋଚନା କରିଥିଲେ ମଧ୍ୟ କୌଣସି ସୁଫଳ ମିଳିନଥିଲା। ସୂଚନାଯୋଗ୍ୟ ଯେ, ଜିଲ୍ଲା ପ୍ରଶାସନ ପକ୍ଷରୁ ପ୍ରତ୍ୟେକ ସୋମବାର ଦିନ ପର୍ଯ୍ୟାୟକ୍ରମେ ଜିଲ୍ଲାର ନିର୍ଦ୍ଦିଷ୍ଟ ଗ୍ରାମ ପଞ୍ଚାୟତରେ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଥାଏ। ଏହି କ୍ରମରେ, ସୋମବାର ଛୁଟି ଥିବାରୁ ପୂର୍ବ ନିର୍ଦ୍ଧାରିତ କାର୍ଯ୍ୟକ୍ରମ ଅନୁଯାୟୀ ମଙ୍ଗଳବାର ଝରାକଣ୍ଡଳ ପଞ୍ଚାୟତରେ ଏହି ଶୁଣାଣି ହେବାର ଥିଲା।

ସୁବର୍ଣ୍ଣପୁର ଜିଲ୍ଲାର କର୍ଲାଯୁରୀ ଉଚ୍ଚ ବିଦ୍ୟାଳୟର ଶିକ୍ଷକ ଭାବେ ଡମ୍ବରୁଧର ଦୀପ କାର୍ଯ୍ୟ କରୁଛନ୍ତି।

ଓଡିଶା ରାଜ୍ୟ ରାଜଧାନୀରେ ଥିବା ବୁଦ୍ଧ ମନ୍ଦିର ଠାରେ ଭୀମ ଆର୍ମୀ ଓଡିଶାର ରାଜ୍ୟସ୍ତରୀୟ କର୍ମକର୍ତ୍ତା ସମ୍ମିଳନୀ ଆୟୋଜିତ ହୋଇଛି।

ସମ୍ବଲପୁର ଜିଲ୍ଲା ବାମରାରେ ଇଂରାଜୀ ମଦ ଦୋକାନର ସ୍ଥାନ ପରିବର୍ତ୍ତନ ପାଇଁ ଜିଲ୍ଲାପାଳଙ୍କ ନିକଟରେ ଏକ ସ୍ମାରକପତ୍ର ଦାଖଲ କରାଯାଇଛି। ଏହି ସମୟରେ ବାମରା ବିଜେଡି କାର୍ଯ୍ୟକର୍ତ୍ତା ଏବଂ ବାମରା ନାଗରିକ କମିଟିର ଅନେକ ସଦସ୍ୟ ଉପସ୍ଥିତ ଥିଲେ। ସ୍ଥାନୀୟ ଲୋକମାନେ ଆଶା କରିଛନ୍ତି ଯେ ପ୍ରଶାସନ ସେମାନଙ୍କ ଦାବିକୁ ଗମ୍ଭୀରତାର ସହ ବିଚାର କରି ଜନସାଧାରଣଙ୍କ ସୁରକ୍ଷା ପାଇଁ ଆବଶ୍ୟକ ପଦକ୍ଷେପ ଗ୍ରହଣ କରିବ।

ଦେବଗଡ଼ ଜିଲ୍ଲା ବାରକୋଟ ବ୍ଲକରେ NH43 ଠାରୁ ପୁରୁଣାପାଣି ଗାଁ ଦେଇ ଝରକଣ୍ଡଳରୁ ଗୁରୁଜାଙ୍ଗ ପର୍ଯ୍ୟନ୍ତ ପ୍ରଧାନ ମନ୍ତ୍ରୀ ଗ୍ରାମ ସଡ଼କ ଯୋଜନା ଅଧୀନରେ ଚାଲିଥିବା ରାସ୍ତାର ଉନ୍ନତିକରଣ କାର୍ଯ୍ୟ ଗତ ୬ ମାସ ହେବ ବନ୍ଦ ହୋଇପଡ଼ିଛି। ମାର୍ଚ୍ଚ ୨୦୨୫ରେ ଆରମ୍ଭ ହୋଇ ୨୦୨୭ ଜାନୁଆରୀ ସୁଦ୍ଧା ସମାପ୍ତ ହେବାକୁ ଲକ୍ଷ୍ୟ ଧାର୍ଯ୍ୟ ହୋଇଥିବା ଏହି ପୂର୍ତ୍ତ ବିଭାଗ କାର୍ଯ୍ୟଟି ବନ ବିଭାଗର ଅନୁମତି ମିଳିନଥିବାରୁ ଅଟକି ରହିଛି, ବିଶେଷକରି ଝରକଣ୍ଡଳ ରାସ୍ତା ପାଇଁ 'ଡାଇଭରସନ୍' ଅନୁମତି ମିଳିନଥିବା ସହକାରୀ ଯନ୍ତ୍ରୀ ସୂଚନା ଦେଇଛନ୍ତି। ରାସ୍ତା କାମ ଅଧାପନ୍ତରିଆ ଭାବେ ବନ୍ଦ ଥିବାରୁ ଝରକଣ୍ଡଳ ଓ ଗୁରୁଜାଙ୍ଗ ପଞ୍ଚାୟତର ଲୋକେ ଯାତାୟାତରେ ଅସୁବିଧା ଭୋଗୁଛନ୍ତି। ଧୂଳି ଓ ରାସ୍ତାରେ ପଡ଼ିରହିଥିବା ମେଟାଲ ଯୋଗୁଁ ଦୁର୍ଘଟଣା ମଧ୍ୟ ଘଟୁଛି। ଏହି ସମସ୍ୟା ନେଇ ଗ୍ରାମବାସୀ ବାରମ୍ବାର ଜିଲ୍ଲାପାଳ ଓ ଜନ ପ୍ରତିନିଧିଙ୍କୁ ଜଣାଇଥିଲେ ମଧ୍ୟ କୌଣସି ସୁଫଳ ମିଳିନଥିଲା, ଯାହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଦେବଗଡ଼ ପୂର୍ତ୍ତ ବିଭାଗର ସହକାରୀ ଯନ୍ତ୍ରୀ ଏବଂ କନିଷ୍ଠ ଯନ୍ତ୍ରୀ ଖୁବଶୀଘ୍ର ସମସ୍ୟାର ସମାଧାନ ହେବ ବୋଲି ପ୍ରତିଶ୍ରୁତି ଦେଇଛନ୍ତି। ପ୍ରଶାସନ ଠାରୁ କୌଣସି ସହଯୋଗ ନ ମିଳିବାରୁ ଅସନ୍ତୁଷ୍ଟ ଗ୍ରାମବାସୀମାନେ ଆଜି ଝରକଣ୍ଡଳ ପଞ୍ଚାୟତରେ ହେବାକୁ ଥିବା ଜିଲ୍ଲାପାଳଙ୍କ ଅଭିଯୋଗ ଶୁଣାଣିକୁ ବିରୋଧ କରିଛନ୍ତି। ସେମାନେ ଅଭିଯୋଗ ପ୍ରକୋଷ୍ଠରେ ତାଲା ପକାଇ କୌଣସି ପ୍ରଶାସନିକ ଅଧିକାରୀଙ୍କୁ ଭିତରକୁ ପଶିବାକୁ ଦେଇନଥିଲେ। ପ୍ରଶାସନର ବହୁ ଚେଷ୍ଟା ସତ୍ତ୍ୱେ ଆଜିର ଅଭିଯୋଗ ଶୁଣାଣି ବିଫଳ ହୋଇଥିଲା ଏବଂ କୌଣସି କାର୍ଯ୍ୟକ୍ରମ ନ ହୋଇ ପ୍ରଶାସନ ନିରାଶ ହୋଇ ଫେରିଯାଇଥିଲା। ତେବେ, ଏହି ଗ୍ରାମବାସୀଙ୍କ ରାସ୍ତା କାମ କେବେ ଆରମ୍ଭ ହେବ ଏବଂ ବନ ବିଭାଗ କେବେ ଅନୁମତି ପ୍ରଦାନ କରିବ, ତାହା ଏବେ ପ୍ରଶ୍ନବାଚୀ ସୃଷ୍ଟି କରିଛି।

ସୁବର୍ଣ୍ଣପୁର ଜିଲ୍ଲାରେ ଶୀତଳ ଷଷ୍ଠୀ ମହୋତ୍ସବ ପାଇଁ ବ୍ୟାପକ ପ୍ରସ୍ତୁତି ଚାଲିଥିବା ବେଳେ ସହରର ପାଣିଶିଆଳି ଅଞ୍ଚଳରେ ଥିବା ଦେବ ଦେବ ମହାଦେବ ଚନ୍ଦ୍ରଶେଖର ବାବାଙ୍କ ଶଶୁର ଘରେ ସମସ୍ତ ପ୍ରସ୍ତୁତି ଶେଷ ହୋଇଯାଇଛି। ମାତା ପାର୍ବତୀଙ୍କ ଝିଅ ଘର ଲୋକେ ଶିବ ବାବାଙ୍କୁ ଜାନି ଯୌତୁକ ଦେବା ପାଇଁ ସବୁ କିଛି କିଣା ସରିଛି। ବିବାହ ଉତ୍ସବରେ ଝିଅକୁ ଉପହାର ସ୍ୱରୂପ ଦିଆଯାଉଥିବା ସମସ୍ତ ସାମଗ୍ରୀ ଯେପରିକି ସୁନା, ରୂପା, କଂସା ବାସନ, ପଲଙ୍କ, ଗଦି, କମ୍ବଳ ଇତ୍ୟାଦି କ୍ରୟ କରାଯାଇଛି। କନ୍ୟା ପିତାମାତାଙ୍କ ଘରଲୋକେ ଏହି ଶୀତଳ ଷଷ୍ଠୀ ପାଇଁ ପୂର୍ଣ୍ଣ ପ୍ରସ୍ତୁତ ଥିବା ଜଣାପଡ଼ିଛି।

ସୁନ୍ଦରଗଡ଼ ଜିଲ୍ଲାର ବେଦବ୍ୟାସ ଅଞ୍ଚଳରେ କାଳବୈଶାଖୀର ପ୍ରଚଣ୍ଡ ତାଣ୍ଡବ ଦେଖିବାକୁ ମିଳିଛି। ଏହି ପ୍ରାକୃତିକ ବିପର୍ଯ୍ୟୟ ଯୋଗୁଁ ଅନେକ ଗଛ ଭାଙ୍ଗି ଯାଇ ରାସ୍ତା ସମ୍ପୂର୍ଣ୍ଣ ବନ୍ଦ ହୋଇଯାଇଥିଲା। ଫଳରେ, ବିଭିନ୍ନ ସ୍ଥାନରେ ବହୁ ସଂଖ୍ୟକ ଗାଡ଼ି ରାସ୍ତାରେ ଅଟକି ରହିଥିଲା ଏବଂ ଯାତାୟାତ ବାଧାପ୍ରାପ୍ତ ହୋଇଥିଲା। ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ, JCB ସାହାଯ୍ୟରେ ରାସ୍ତା ସଫା କରାଯିବା ପରେ ଗାଡ଼ି ଚଳାଚଳ ପୁଣି ସ୍ୱାଭାବିକ ଅବସ୍ଥାକୁ ଫେରିଥିଲା।