ವಿಜಯಪುರದ ಲಕ್ಷ್ಮೀ ನಗರದ ಉದ್ಯಾನವನದಲ್ಲಿ ಅದಮ್ಯ ಚೇತನ ಹಾಗೂ ಆದ್ಯ ಸಮಾಜಮುಖಿ ಮಹಿಳಾ ಮಂಡಳದ ಸಹಯೋಗದಲ್ಲಿ ಹಸಿರು ಭಾನುವಾರದ ಅಂಗವಾಗಿ ಸಸಿಗಳನ್ನು ನೆಡುವ ಹಾಗೂ ಪರಿಸರ ಜಾಗೃತಿ ಕಾರ್ಯಕ್ರಮ ಅರ್ಥಪೂರ್ಣವಾಗಿ ನಡೆಯಿತು. ಈ ವೇಳೆ 'ವೃಕ್ಷ ಜೀವನ ರಕ್ಷಕ', 'ಹಸಿರೇ ಉಸಿರು' ಮುಂತಾದ ಅನೇಕ ಸಂದೇಶ ಫಲಕಗಳನ್ನು ಪ್ರದರ್ಶಿಸಲಾಯಿತು. ಈ ಅಭಿಯಾನಕ್ಕೆ ಚಾಲನೆ ನೀಡಿದ ಸಿದ್ಧಸಿರಿ ಸೌಹಾರ್ದ ಸಹಕಾರಿ ನಿರ್ದೇಶಕಿ ಶೈಲಜಾ ಪಾಟೀಲ ಯತ್ನಾಳ ಮಾತನಾಡಿ, ಹಸಿರು ಭಾನುವಾರ ಹೆಸರೇ ಸೂಚಿಸುವಂತೆ ಭಾನುವಾರವನ್ನು ನಮ್ಮ ಪರಿಸರಕ್ಕಾಗಿ ಮೀಸಲಿರಿಸಬೇಕು ಎಂದರು. ರವಿವಾರ ರಜಾದಿನವಾಗಿದ್ದರೂ, ಆ ಒಂದು ದಿನವಾದರೂ ವೃಕ್ಷ ನೆಡಲು ಹಾಗೂ ಪರಿಸರ ಸಂಬಂಧಿತ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಳ್ಳಬೇಕು ಎಂದು ಅವರು ಹೇಳಿದರು. ಈ ನಿಟ್ಟಿನಲ್ಲಿ ಸಂಘಟನೆ ಹೊಸ ಪ್ರಯತ್ನಕ್ಕೆ ಸಿದ್ಧವಾಗಿರುವುದು ಸಂತೋಷ ತಂದಿದೆ ಎಂದು ಶೈಲಜಾ ಪಾಟೀಲ ಯತ್ನಾಳ ಸಂತಸ ವ್ಯಕ್ತಪಡಿಸಿದರು. ಪರಿಸರ ರಕ್ಷಣೆಯಲ್ಲಿಯೇ ಜೀವ ಸಂಕುಲದ ರಕ್ಷಣೆ ಅಡಗಿದ್ದು, ಆದ್ದರಿಂದ ವೃಕ್ಷಗಳನ್ನು ನೆಟ್ಟು ಪೋಷಿಸಲು ಆದ್ಯತೆ ನೀಡಬೇಕು ಎಂದು ಅವರು ಕರೆ ನೀಡಿದರು. ಈ ಕಾರ್ಯಕ್ರಮದಲ್ಲಿ ಗೋವಿಂದ ದೇಶಪಾಂಡೆ, ಡಾ. ಬಾಬು ಸಜ್ಜನ, ಬಡಾವಣೆಯ ಹಿರಿಯರಾದ ಕಾವಿ, ಸಂಜೀವ ಜಹಾಗೀರದಾರ, ಅಭಯ ದಿನೇಶ ಕಾವಿ, ರುಣವಾಲ, ಸಚಿನ್ ಗಿರಗಾವಂಕರ, ಅಂಬಾದಾಸ ಜೋಶಿ, ಅಶೋಕ ದೀಕ್ಷಿತ, ನಾರಾಯಣ ಜೋಶಿ, ಜಯಶ್ರೀ ಕನ್ನೂರ, ಸವಿತಾ ಗಲಗಲಿ, ಜಯಶ್ರೀ ಕುಲಕರ್ಣಿ, ಶ್ರೀಮತಿ ಗಿರಗಾವಂಕರ, ಲೀಲಾ ನಾಡಗೌಡ, ವಿಜಯಶ್ರೀ ಕುಲಕರ್ಣಿ ಸೇರಿದಂತೆ ಹಲವರು ಪಾಲ್ಗೊಂಡಿದ್ದರು.

T NEWS BIJAPUR

ವಿಜಯಪುರ, ವಿಜಯಪುರ, ಕರ್ನಾಟಕ•

1 hr ago

ವಿಜಯಪುರದ ಲಕ್ಷ್ಮೀ ನಗರದ ಉದ್ಯಾನವನದಲ್ಲಿ ಅದಮ್ಯ ಚೇತನ ಹಾಗೂ ಆದ್ಯ ಸಮಾಜಮುಖಿ ಮಹಿಳಾ ಮಂಡಳದ ಸಹಯೋಗದಲ್ಲಿ ಹಸಿರು ಭಾನುವಾರದ ಅಂಗವಾಗಿ ಸಸಿಗಳನ್ನು ನೆಡುವ ಹಾಗೂ ಪರಿಸರ ಜಾಗೃತಿ ಕಾರ್ಯಕ್ರಮ ಅರ್ಥಪೂರ್ಣವಾಗಿ ನಡೆಯಿತು. ಈ ವೇಳೆ 'ವೃಕ್ಷ ಜೀವನ ರಕ್ಷಕ', 'ಹಸಿರೇ ಉಸಿರು' ಮುಂತಾದ ಅನೇಕ ಸಂದೇಶ ಫಲಕಗಳನ್ನು ಪ್ರದರ್ಶಿಸಲಾಯಿತು. ಈ ಅಭಿಯಾನಕ್ಕೆ ಚಾಲನೆ ನೀಡಿದ ಸಿದ್ಧಸಿರಿ ಸೌಹಾರ್ದ ಸಹಕಾರಿ ನಿರ್ದೇಶಕಿ ಶೈಲಜಾ ಪಾಟೀಲ ಯತ್ನಾಳ ಮಾತನಾಡಿ, ಹಸಿರು ಭಾನುವಾರ ಹೆಸರೇ ಸೂಚಿಸುವಂತೆ ಭಾನುವಾರವನ್ನು ನಮ್ಮ ಪರಿಸರಕ್ಕಾಗಿ ಮೀಸಲಿರಿಸಬೇಕು ಎಂದರು. ರವಿವಾರ ರಜಾದಿನವಾಗಿದ್ದರೂ, ಆ ಒಂದು ದಿನವಾದರೂ ವೃಕ್ಷ ನೆಡಲು ಹಾಗೂ ಪರಿಸರ ಸಂಬಂಧಿತ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಳ್ಳಬೇಕು ಎಂದು ಅವರು ಹೇಳಿದರು. ಈ ನಿಟ್ಟಿನಲ್ಲಿ ಸಂಘಟನೆ ಹೊಸ ಪ್ರಯತ್ನಕ್ಕೆ ಸಿದ್ಧವಾಗಿರುವುದು ಸಂತೋಷ ತಂದಿದೆ ಎಂದು ಶೈಲಜಾ ಪಾಟೀಲ ಯತ್ನಾಳ ಸಂತಸ ವ್ಯಕ್ತಪಡಿಸಿದರು. ಪರಿಸರ ರಕ್ಷಣೆಯಲ್ಲಿಯೇ ಜೀವ ಸಂಕುಲದ ರಕ್ಷಣೆ ಅಡಗಿದ್ದು, ಆದ್ದರಿಂದ ವೃಕ್ಷಗಳನ್ನು ನೆಟ್ಟು ಪೋಷಿಸಲು ಆದ್ಯತೆ ನೀಡಬೇಕು ಎಂದು ಅವರು ಕರೆ ನೀಡಿದರು. ಈ ಕಾರ್ಯಕ್ರಮದಲ್ಲಿ ಗೋವಿಂದ ದೇಶಪಾಂಡೆ, ಡಾ. ಬಾಬು ಸಜ್ಜನ, ಬಡಾವಣೆಯ ಹಿರಿಯರಾದ ಕಾವಿ, ಸಂಜೀವ ಜಹಾಗೀರದಾರ, ಅಭಯ ದಿನೇಶ ಕಾವಿ, ರುಣವಾಲ, ಸಚಿನ್ ಗಿರಗಾವಂಕರ, ಅಂಬಾದಾಸ ಜೋಶಿ, ಅಶೋಕ ದೀಕ್ಷಿತ, ನಾರಾಯಣ ಜೋಶಿ, ಜಯಶ್ರೀ ಕನ್ನೂರ, ಸವಿತಾ ಗಲಗಲಿ, ಜಯಶ್ರೀ ಕುಲಕರ್ಣಿ, ಶ್ರೀಮತಿ ಗಿರಗಾವಂಕರ, ಲೀಲಾ ನಾಡಗೌಡ, ವಿಜಯಶ್ರೀ ಕುಲಕರ್ಣಿ ಸೇರಿದಂತೆ ಹಲವರು ಪಾಲ್ಗೊಂಡಿದ್ದರು.