ರಬಕವಿ-ಬನಹಟ್ಟಿ ತಾಲೂಕು ಕೇಂದ್ರವಾಗಿ ಸುಮಾರು ಎಂಟು ವರ್ಷಗಳು ಕಳೆದಿದ್ದರೂ, ಎಲ್ಲಾ ಸರ್ಕಾರಿ ಇಲಾಖೆಗಳ ಕಚೇರಿಗಳು ಕಾರ್ಯಾರಂಭ ಮಾಡದಿರುವುದು ಸಾರ್ವಜನಿಕರ ತೀವ್ರ ಅಸಮಾಧಾನಕ್ಕೆ ಕಾರಣವಾಗಿದೆ. ಸರ್ಕಾರಿ ಸೌಲಭ್ಯಗಳನ್ನು ಪಡೆಯಲು ಪಟ್ಟಣ ಸೇರಿದಂತೆ ಸುತ್ತಮುತ್ತಲಿನ ಹತ್ತಾರು ಗ್ರಾಮಗಳ ಜನರು ಇನ್ನೂ ಜಮಖಂಡಿ, ಮುಧೋಳ ಹಾಗೂ ತೇರದಾಳ ತಾಲೂಕುಗಳಿಗೆ ಅಲೆದಾಡಬೇಕಾದ ಪರಿಸ್ಥಿತಿ ಇದೆ. ತಾಲೂಕು ಭಾಗ್ಯ ದೊರೆತರೂ, ಕಚೇರಿಗಳ ಸೌಲಭ್ಯ ಮಾತ್ರ ಇನ್ನೂ ಮರೀಚಿಕೆಯಾಗಿಯೇ ಉಳಿದಿದೆ. ರಬಕವಿ-ಬನಹಟ್ಟಿಯನ್ನು 2017ರಲ್ಲಿ ಜಮಖಂಡಿ ಮತ್ತು ಮುಧೋಳ ತಾಲೂಕುಗಳ ಒಟ್ಟು 31 ಗ್ರಾಮಗಳನ್ನು ಸೇರಿಸಿ ನೂತನ ತಾಲೂಕು ಕೇಂದ್ರವನ್ನಾಗಿ ಘೋಷಿಸಿ, ರಾಜ್ಯಪತ್ರ ಹೊರಡಿಸಲಾಗಿತ್ತು. 2018ರ ಜನವರಿಯಲ್ಲಿ ಇದು ಕಾರ್ಯಾರಂಭ ಮಾಡಿತ್ತು. ನಂತರ, ರಬಕವಿ-ಬನಹಟ್ಟಿ ತಾಲೂಕಿನಿಂದ 9 ಗ್ರಾಮಗಳನ್ನು ಬೇರ್ಪಡಿಸಿ ತೇರದಾಳ ತಾಲೂಕು ರಚನೆ ಮಾಡಲಾಯಿತು. ಆದರೆ, ರಬಕವಿ-ಬನಹಟ್ಟಿ ತಾಲೂಕು ಕೇಂದ್ರದಲ್ಲಿ ತಹಶೀಲ್ದಾರ್ ಹಾಗೂ ತಾಲೂಕು ಪಂಚಾಯಿತಿ ಕಚೇರಿಗಳನ್ನು ಹೊರತುಪಡಿಸಿ ಇನ್ನುಳಿದ ಯಾವ ಕಚೇರಿಗಳೂ ಇದುವರೆಗೂ ಕಾರ್ಯಾರಂಭ ಮಾಡಿಲ್ಲ. ಇದರಿಂದ ಸರ್ಕಾರಿ ಸೌಲಭ್ಯಗಳು ಮರೀಚಿಕೆಯಾಗಿ ಜನರಲ್ಲಿ ಭ್ರಮನಿರಸನ ಉಂಟಾಗಿದೆ. ಸದ್ಯ, ರಬಕವಿ-ಬನಹಟ್ಟಿ ತಾಲೂಕಿಗೆ ಸಂಬಂಧಿಸಿದ ಉಪನೋಂದಣಿ ಕಾರ್ಯಗಳು ತೇರದಾಳ ಉಪನೋಂದಣಿ ಕಾರ್ಯಾಲಯದಲ್ಲಿಯೇ ನಡೆಯುತ್ತಿದ್ದು, ತಾಲೂಕಾಗಿ 8 ವರ್ಷಗಳಾದರೂ ಜನರು ನೋಂದಣಿ ಕಾರ್ಯಗಳಿಗೆ ತೇರದಾಳಕ್ಕೆ ಹೋಗುವುದು ತಪ್ಪಿಲ್ಲ. ಹಾಗೆಯೇ, ಮಹಾಲಿಂಗಪೂರ ವ್ಯಾಪ್ತಿಯ ಜನರು ಉಪನೋಂದಣಿ ಕಚೇರಿಯ ಕೆಲಸಗಳಿಗೆ ಮುಧೋಳ ತಾಲೂಕಿಗೆ ಅಲೆದಾಡಬೇಕಾಗಿದೆ. ಒಟ್ಟಾರೆ, ಒಂದು ತಾಲೂಕಿನ ಜನತೆ ತಮ್ಮ ವ್ಯವಹಾರಗಳಿಗಾಗಿ ನಾಲ್ಕು ಬೇರೆ ತಾಲೂಕುಗಳಿಗೆ ಅಲೆದಾಡುವಂತಾಗಿದೆ. ಶಿಕ್ಷಣ ಇಲಾಖೆಗೆ ಸಂಬಂಧಿಸಿದಂತೆ ವಿದ್ಯಾರ್ಥಿಗಳು, ಪಾಲಕರು ಮತ್ತು ಶಿಕ್ಷಕರು ಜಮಖಂಡಿ ಹಾಗೂ ಮುಧೋಳಕ್ಕೆ ಅಲೆದಾಡುವುದು ತಪ್ಪಿಲ್ಲ. ಉಪನೋಂದಣಿ, ಶಿಕ್ಷಣ, ಕೃಷಿ, ಶಿಶು ಅಭಿವೃದ್ಧಿ, ಸಮಾಜ ಕಲ್ಯಾಣ, ಪಶುಸಂಗೋಪನೆ, ಕರ್ನಾಟಕ ಭೂಸೇನಾ, ತೋಟಗಾರಿಕೆ, ರೇಷ್ಮೆ, ಲೋಕೋಪಯೋಗಿ, ಮೀನುಗಾರಿಕೆ, ಹಿಂದುಳಿದ ವರ್ಗಗಳ ಕಲ್ಯಾಣ, ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಹೀಗೆ ಹತ್ತು ಹಲವು ಇಲಾಖೆಗಳ ಕಚೇರಿಗಳು ಇಲ್ಲದಿರುವುದರಿಂದ, ಮಹಾಲಿಂಗಪೂರ ಭಾಗದವರು ಸಂಬಂಧಿಸಿದ ಕೆಲಸಗಳಿಗೆ ಹಿಂದಿನ ತಾಲೂಕು ಕೇಂದ್ರ ಮುಧೋಳಕ್ಕೆ ಅಲೆದಾಡುತ್ತಿದ್ದಾರೆ. ಮಹಾಲಿಂಗಪೂರ ಜನತೆ ಆದಾಯ, ರಹವಾಸಿ, ವಾರಸಾ, ವಂಶವೃಕ್ಷ ಸೇರಿದಂತೆ ಇತರೆ ಪ್ರಮಾಣಪತ್ರಗಳಿಗೆ ತೇರದಾಳ ಉಪತಹಶೀಲ್ದಾರ್ ಬಳಿ ಹೋಗಬೇಕಾದರೆ, ಸಿಂಧುತ್ವ, ಅಲ್ಪಸಂಖ್ಯಾತ, ಜಾತಿ, ಜಾತಿ-ಆದಾಯ ಸೇರಿದಂತೆ ಇತರೆ ಪ್ರಮಾಣಪತ್ರಗಳಿಗೆ ರಬಕವಿ-ಬನಹಟ್ಟಿ ಗ್ರೇಡ್-2 ತಹಶೀಲ್ದಾರ್ ಸಹಿ ಮಾಡುತ್ತಿದ್ದಾರೆ. ತಾಲೂಕು ಅಭಿವೃದ್ಧಿ ಹೋರಾಟ ಸಮಿತಿ ಹಾಗೂ ಸ್ಥಳೀಯ ನಾಯಕರ ಇಚ್ಛಾಶಕ್ತಿ ಕೊರತೆಯೋ ಅಥವಾ ಸರ್ಕಾರದ ನಿರ್ಲಕ್ಷ್ಯವೋ ಎಂಬುದು ಸ್ಪಷ್ಟವಾಗಿಲ್ಲ. ಒಟ್ಟಾರೆ, ಹೊಸ ತಾಲೂಕಾಗಿ ಎಂಟು ವರ್ಷ ಕಳೆದರೂ ಈ ಭಾಗದ ಜನತೆ ಮಾತ್ರ ಪರದಾಡುವುದು ತಪ್ಪಿಲ್ಲ. ಈ ನಿಟ್ಟಿನಲ್ಲಿ ಸರ್ಕಾರ, ಜನಪ್ರತಿನಿಧಿಗಳು ಹಾಗೂ ಸ್ಥಳೀಯ ಮುಖಂಡರು ಎಚ್ಚೆತ್ತುಕೊಂಡು ಕಚೇರಿ ಭಾಗ್ಯ ಒದಗಿಸುವತ್ತ ಹೆಚ್ಚಿನ ಗಮನ ನೀಡಬೇಕೆಂದು ಸಾರ್ವಜನಿಕರು ಆಗ್ರಹಿಸಿದ್ದಾರೆ. ಮುಖಂಡ ಧರೆಪ್ಪ ಉಳ್ಳಾಗಡ್ಡಿ ಅವರು, ರಬಕವಿ-ಬನಹಟ್ಟಿ ಕೇವಲ ಹೆಸರಿಗೆ ಮಾತ್ರ ತಾಲೂಕಾಗಿದ್ದು, ತೆರಿಗೆ ಮಾತ್ರ ಹೆಚ್ಚಾಗಿದೆ, ಸೌಲಭ್ಯಗಳಿಗೆ ಜಮಖಂಡಿ, ತೇರದಾಳಕ್ಕೆ ಅಲೆದಾಟ ತಪ್ಪಿಲ್ಲ ಎಂದು ಸರ್ಕಾರದ ನಿರ್ಲಕ್ಷ್ಯವನ್ನು ಖಂಡಿಸಿದ್ದಾರೆ. ತೇರದಾಳ ಮತಕ್ಷೇತ್ರದ ಶಾಸಕ ಸಿದ್ದು ಕೆ. ಸವದಿ ಅವರು, ಸದನದಲ್ಲಿ ಹಲವು ಬಾರಿ ಈ ಬಗ್ಗೆ ಪ್ರಸ್ತಾಪಿಸಿದರೂ ಸ್ಪಂದನೆ ಸಿಕ್ಕಿಲ್ಲ ಎಂದು ತಿಳಿಸಿದ್ದು, ಎಲ್ಲ ಹೊಸ ತಾಲೂಕುಗಳಲ್ಲಿ ಕಚೇರಿಗಳು ನಿರ್ಮಾಣವಾಗಬೇಕು ಎಂದು ಒತ್ತಾಯಿಸಿದ್ದಾರೆ. ಬನಹಟ್ಟಿಯ ಈರಣ್ಣ ಚಿಂಚಖಂಡಿ ಸೇರಿದಂತೆ ಸಾರ್ವಜನಿಕರು, ತಾಲೂಕಿನ ಜನತೆ 8 ವರ್ಷಗಳಿಂದ ತೊಂದರೆ ಅನುಭವಿಸುತ್ತಿದ್ದು, ಆದಷ್ಟು ಬೇಗನೆ ಸರ್ಕಾರದ ಕಚೇರಿಗಳು ಲಭ್ಯವಾಗಲಿ ಎಂದು ಆಶಿಸಿದ್ದಾರೆ.

Shiva Belagavi

Photographer ಅಥಣಿ, ಬೆಳಗಾವಿ, ಕರ್ನಾಟಕ•

1 hr ago

ರಬಕವಿ-ಬನಹಟ್ಟಿ ತಾಲೂಕು ಕೇಂದ್ರವಾಗಿ ಸುಮಾರು ಎಂಟು ವರ್ಷಗಳು ಕಳೆದಿದ್ದರೂ, ಎಲ್ಲಾ ಸರ್ಕಾರಿ ಇಲಾಖೆಗಳ ಕಚೇರಿಗಳು ಕಾರ್ಯಾರಂಭ ಮಾಡದಿರುವುದು ಸಾರ್ವಜನಿಕರ ತೀವ್ರ ಅಸಮಾಧಾನಕ್ಕೆ ಕಾರಣವಾಗಿದೆ. ಸರ್ಕಾರಿ ಸೌಲಭ್ಯಗಳನ್ನು ಪಡೆಯಲು ಪಟ್ಟಣ ಸೇರಿದಂತೆ ಸುತ್ತಮುತ್ತಲಿನ ಹತ್ತಾರು ಗ್ರಾಮಗಳ ಜನರು ಇನ್ನೂ ಜಮಖಂಡಿ, ಮುಧೋಳ ಹಾಗೂ ತೇರದಾಳ ತಾಲೂಕುಗಳಿಗೆ ಅಲೆದಾಡಬೇಕಾದ ಪರಿಸ್ಥಿತಿ ಇದೆ. ತಾಲೂಕು ಭಾಗ್ಯ ದೊರೆತರೂ, ಕಚೇರಿಗಳ ಸೌಲಭ್ಯ ಮಾತ್ರ ಇನ್ನೂ ಮರೀಚಿಕೆಯಾಗಿಯೇ ಉಳಿದಿದೆ. ರಬಕವಿ-ಬನಹಟ್ಟಿಯನ್ನು 2017ರಲ್ಲಿ ಜಮಖಂಡಿ ಮತ್ತು ಮುಧೋಳ ತಾಲೂಕುಗಳ ಒಟ್ಟು 31 ಗ್ರಾಮಗಳನ್ನು ಸೇರಿಸಿ ನೂತನ ತಾಲೂಕು ಕೇಂದ್ರವನ್ನಾಗಿ ಘೋಷಿಸಿ, ರಾಜ್ಯಪತ್ರ ಹೊರಡಿಸಲಾಗಿತ್ತು. 2018ರ ಜನವರಿಯಲ್ಲಿ ಇದು ಕಾರ್ಯಾರಂಭ ಮಾಡಿತ್ತು. ನಂತರ, ರಬಕವಿ-ಬನಹಟ್ಟಿ ತಾಲೂಕಿನಿಂದ 9 ಗ್ರಾಮಗಳನ್ನು ಬೇರ್ಪಡಿಸಿ ತೇರದಾಳ ತಾಲೂಕು ರಚನೆ ಮಾಡಲಾಯಿತು. ಆದರೆ, ರಬಕವಿ-ಬನಹಟ್ಟಿ ತಾಲೂಕು ಕೇಂದ್ರದಲ್ಲಿ ತಹಶೀಲ್ದಾರ್ ಹಾಗೂ ತಾಲೂಕು ಪಂಚಾಯಿತಿ ಕಚೇರಿಗಳನ್ನು ಹೊರತುಪಡಿಸಿ ಇನ್ನುಳಿದ ಯಾವ ಕಚೇರಿಗಳೂ ಇದುವರೆಗೂ ಕಾರ್ಯಾರಂಭ ಮಾಡಿಲ್ಲ. ಇದರಿಂದ ಸರ್ಕಾರಿ ಸೌಲಭ್ಯಗಳು ಮರೀಚಿಕೆಯಾಗಿ ಜನರಲ್ಲಿ ಭ್ರಮನಿರಸನ ಉಂಟಾಗಿದೆ. ಸದ್ಯ, ರಬಕವಿ-ಬನಹಟ್ಟಿ ತಾಲೂಕಿಗೆ ಸಂಬಂಧಿಸಿದ ಉಪನೋಂದಣಿ ಕಾರ್ಯಗಳು ತೇರದಾಳ ಉಪನೋಂದಣಿ ಕಾರ್ಯಾಲಯದಲ್ಲಿಯೇ ನಡೆಯುತ್ತಿದ್ದು, ತಾಲೂಕಾಗಿ 8 ವರ್ಷಗಳಾದರೂ ಜನರು ನೋಂದಣಿ ಕಾರ್ಯಗಳಿಗೆ ತೇರದಾಳಕ್ಕೆ ಹೋಗುವುದು ತಪ್ಪಿಲ್ಲ. ಹಾಗೆಯೇ, ಮಹಾಲಿಂಗಪೂರ ವ್ಯಾಪ್ತಿಯ ಜನರು ಉಪನೋಂದಣಿ ಕಚೇರಿಯ ಕೆಲಸಗಳಿಗೆ ಮುಧೋಳ ತಾಲೂಕಿಗೆ ಅಲೆದಾಡಬೇಕಾಗಿದೆ. ಒಟ್ಟಾರೆ, ಒಂದು ತಾಲೂಕಿನ ಜನತೆ ತಮ್ಮ ವ್ಯವಹಾರಗಳಿಗಾಗಿ ನಾಲ್ಕು ಬೇರೆ ತಾಲೂಕುಗಳಿಗೆ ಅಲೆದಾಡುವಂತಾಗಿದೆ. ಶಿಕ್ಷಣ ಇಲಾಖೆಗೆ ಸಂಬಂಧಿಸಿದಂತೆ ವಿದ್ಯಾರ್ಥಿಗಳು, ಪಾಲಕರು ಮತ್ತು ಶಿಕ್ಷಕರು ಜಮಖಂಡಿ ಹಾಗೂ ಮುಧೋಳಕ್ಕೆ ಅಲೆದಾಡುವುದು ತಪ್ಪಿಲ್ಲ. ಉಪನೋಂದಣಿ, ಶಿಕ್ಷಣ, ಕೃಷಿ, ಶಿಶು ಅಭಿವೃದ್ಧಿ, ಸಮಾಜ ಕಲ್ಯಾಣ, ಪಶುಸಂಗೋಪನೆ, ಕರ್ನಾಟಕ ಭೂಸೇನಾ, ತೋಟಗಾರಿಕೆ, ರೇಷ್ಮೆ, ಲೋಕೋಪಯೋಗಿ, ಮೀನುಗಾರಿಕೆ, ಹಿಂದುಳಿದ ವರ್ಗಗಳ ಕಲ್ಯಾಣ, ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಹೀಗೆ ಹತ್ತು ಹಲವು ಇಲಾಖೆಗಳ ಕಚೇರಿಗಳು ಇಲ್ಲದಿರುವುದರಿಂದ, ಮಹಾಲಿಂಗಪೂರ ಭಾಗದವರು ಸಂಬಂಧಿಸಿದ ಕೆಲಸಗಳಿಗೆ ಹಿಂದಿನ ತಾಲೂಕು ಕೇಂದ್ರ ಮುಧೋಳಕ್ಕೆ ಅಲೆದಾಡುತ್ತಿದ್ದಾರೆ. ಮಹಾಲಿಂಗಪೂರ ಜನತೆ ಆದಾಯ, ರಹವಾಸಿ, ವಾರಸಾ, ವಂಶವೃಕ್ಷ ಸೇರಿದಂತೆ ಇತರೆ ಪ್ರಮಾಣಪತ್ರಗಳಿಗೆ ತೇರದಾಳ ಉಪತಹಶೀಲ್ದಾರ್ ಬಳಿ ಹೋಗಬೇಕಾದರೆ, ಸಿಂಧುತ್ವ, ಅಲ್ಪಸಂಖ್ಯಾತ, ಜಾತಿ, ಜಾತಿ-ಆದಾಯ ಸೇರಿದಂತೆ ಇತರೆ ಪ್ರಮಾಣಪತ್ರಗಳಿಗೆ ರಬಕವಿ-ಬನಹಟ್ಟಿ ಗ್ರೇಡ್-2 ತಹಶೀಲ್ದಾರ್ ಸಹಿ ಮಾಡುತ್ತಿದ್ದಾರೆ. ತಾಲೂಕು ಅಭಿವೃದ್ಧಿ ಹೋರಾಟ ಸಮಿತಿ ಹಾಗೂ ಸ್ಥಳೀಯ ನಾಯಕರ ಇಚ್ಛಾಶಕ್ತಿ ಕೊರತೆಯೋ ಅಥವಾ ಸರ್ಕಾರದ ನಿರ್ಲಕ್ಷ್ಯವೋ ಎಂಬುದು ಸ್ಪಷ್ಟವಾಗಿಲ್ಲ. ಒಟ್ಟಾರೆ, ಹೊಸ ತಾಲೂಕಾಗಿ ಎಂಟು ವರ್ಷ ಕಳೆದರೂ ಈ ಭಾಗದ ಜನತೆ ಮಾತ್ರ ಪರದಾಡುವುದು ತಪ್ಪಿಲ್ಲ. ಈ ನಿಟ್ಟಿನಲ್ಲಿ ಸರ್ಕಾರ, ಜನಪ್ರತಿನಿಧಿಗಳು ಹಾಗೂ ಸ್ಥಳೀಯ ಮುಖಂಡರು ಎಚ್ಚೆತ್ತುಕೊಂಡು ಕಚೇರಿ ಭಾಗ್ಯ ಒದಗಿಸುವತ್ತ ಹೆಚ್ಚಿನ ಗಮನ ನೀಡಬೇಕೆಂದು ಸಾರ್ವಜನಿಕರು ಆಗ್ರಹಿಸಿದ್ದಾರೆ. ಮುಖಂಡ ಧರೆಪ್ಪ ಉಳ್ಳಾಗಡ್ಡಿ ಅವರು, ರಬಕವಿ-ಬನಹಟ್ಟಿ ಕೇವಲ ಹೆಸರಿಗೆ ಮಾತ್ರ ತಾಲೂಕಾಗಿದ್ದು, ತೆರಿಗೆ ಮಾತ್ರ ಹೆಚ್ಚಾಗಿದೆ, ಸೌಲಭ್ಯಗಳಿಗೆ ಜಮಖಂಡಿ, ತೇರದಾಳಕ್ಕೆ ಅಲೆದಾಟ ತಪ್ಪಿಲ್ಲ ಎಂದು ಸರ್ಕಾರದ ನಿರ್ಲಕ್ಷ್ಯವನ್ನು ಖಂಡಿಸಿದ್ದಾರೆ. ತೇರದಾಳ ಮತಕ್ಷೇತ್ರದ ಶಾಸಕ ಸಿದ್ದು ಕೆ. ಸವದಿ ಅವರು, ಸದನದಲ್ಲಿ ಹಲವು ಬಾರಿ ಈ ಬಗ್ಗೆ ಪ್ರಸ್ತಾಪಿಸಿದರೂ ಸ್ಪಂದನೆ ಸಿಕ್ಕಿಲ್ಲ ಎಂದು ತಿಳಿಸಿದ್ದು, ಎಲ್ಲ ಹೊಸ ತಾಲೂಕುಗಳಲ್ಲಿ ಕಚೇರಿಗಳು ನಿರ್ಮಾಣವಾಗಬೇಕು ಎಂದು ಒತ್ತಾಯಿಸಿದ್ದಾರೆ. ಬನಹಟ್ಟಿಯ ಈರಣ್ಣ ಚಿಂಚಖಂಡಿ ಸೇರಿದಂತೆ ಸಾರ್ವಜನಿಕರು, ತಾಲೂಕಿನ ಜನತೆ 8 ವರ್ಷಗಳಿಂದ ತೊಂದರೆ ಅನುಭವಿಸುತ್ತಿದ್ದು, ಆದಷ್ಟು ಬೇಗನೆ ಸರ್ಕಾರದ ಕಚೇರಿಗಳು ಲಭ್ಯವಾಗಲಿ ಎಂದು ಆಶಿಸಿದ್ದಾರೆ.