महाराष्ट्रामध्ये स्थानिक स्वराज्य संस्थांच्या विधान परिषद निवडणुकीसाठी महायुतीचे जागावाटप अखेर निश्चित झाले आहे. गेल्या काही दिवसांपासून सुरू असलेल्या अंतर्गत चर्चांनंतर १७ जागांवर तिन्ही घटक पक्षांमध्ये एकमत झाले असून, भाजप सर्वाधिक ११ जागांवर, शिवसेना (शिंदे गट) ४ जागांवर, तर राष्ट्रवादी काँग्रेस (अजित पवार गट) २ जागांवर निवडणूक लढवणार आहे. या जागावाटपावर प्रदेश आणि केंद्रातील वरिष्ठ नेत्यांच्या मॅरेथॉन चर्चेनंतर अंतिम शिक्कामोर्तब झाले. सुरुवातीला शिवसेना ७ जागांसाठी आग्रही होती आणि मुख्यमंत्री एकनाथ शिंदे यांनी यासंदर्भात दिल्लीत वरिष्ठांशी चर्चाही केली होती. मात्र, जागावाटपाचा तिढा सोडवण्यासाठी भाजपने दोन पावले मागे घेत शिवसेनेला ४ आणि राष्ट्रवादीला २ जागा देण्याचे मान्य केले, ज्यामुळे शिवसेनेला अखेर ४ जागांवरच समाधान मानावे लागले. विधान परिषदेच्या एकूण ७८ सदस्य संख्येपैकी २२ सदस्य स्थानिक स्वराज्य संस्थांद्वारे निवडून दिले जातात. सोलापूर, अहमदनगर, ठाणे, जळगाव, नांदेड, सांगली-सातारा, यवतमाळ, पुणे, भंडारा-गोंदिया, नाशिक आणि अमरावती या स्थानिक संस्थांच्या विधान परिषदेच्या जागांसाठी ही निवडणूक पार पडणार आहे. जागावाटप स्पष्ट झाल्यामुळे आता महायुतीकडून उमेदवारांच्या नावांची घोषणा कधी होणार, याकडे राजकीय वर्तुळाचे लक्ष लागले आहे. या निवडणुकीचे वेळापत्रकही जाहीर झाले आहे. निवडणुकीची अधिसूचना २५ मे रोजी जारी झाली असून, अर्ज भरण्याची शेवटची तारीख ०१ जून आहे. उमेदवारी अर्जांची छाननी ०२ जून रोजी होईल, तर अर्ज माघारीची मुदत ०४ जून आहे. मतदान १८ जून रोजी सकाळी ८ ते दुपारी ४ या वेळेत होणार असून, मतमोजणी व निकाल २२ जून रोजी जाहीर होईल.

जनहित न्यूज महाराष्ट्र

Newspaper distribution कल्याण, ठाणे, महाराष्ट्र•

2 hrs ago

महाराष्ट्रामध्ये स्थानिक स्वराज्य संस्थांच्या विधान परिषद निवडणुकीसाठी महायुतीचे जागावाटप अखेर निश्चित झाले आहे. गेल्या काही दिवसांपासून सुरू असलेल्या अंतर्गत चर्चांनंतर १७ जागांवर तिन्ही घटक पक्षांमध्ये एकमत झाले असून, भाजप सर्वाधिक ११ जागांवर, शिवसेना (शिंदे गट) ४ जागांवर, तर राष्ट्रवादी काँग्रेस (अजित पवार गट) २ जागांवर निवडणूक लढवणार आहे. या जागावाटपावर प्रदेश आणि केंद्रातील वरिष्ठ नेत्यांच्या मॅरेथॉन चर्चेनंतर अंतिम शिक्कामोर्तब झाले. सुरुवातीला शिवसेना ७ जागांसाठी आग्रही होती आणि मुख्यमंत्री एकनाथ शिंदे यांनी यासंदर्भात दिल्लीत वरिष्ठांशी चर्चाही केली होती. मात्र, जागावाटपाचा तिढा सोडवण्यासाठी भाजपने दोन पावले मागे घेत शिवसेनेला ४ आणि राष्ट्रवादीला २ जागा देण्याचे मान्य केले, ज्यामुळे शिवसेनेला अखेर ४ जागांवरच समाधान मानावे लागले. विधान परिषदेच्या एकूण ७८ सदस्य संख्येपैकी २२ सदस्य स्थानिक स्वराज्य संस्थांद्वारे निवडून दिले जातात. सोलापूर, अहमदनगर, ठाणे, जळगाव, नांदेड, सांगली-सातारा, यवतमाळ, पुणे, भंडारा-गोंदिया, नाशिक आणि अमरावती या स्थानिक संस्थांच्या विधान परिषदेच्या जागांसाठी ही निवडणूक पार पडणार आहे. जागावाटप स्पष्ट झाल्यामुळे आता महायुतीकडून उमेदवारांच्या नावांची घोषणा कधी होणार, याकडे राजकीय वर्तुळाचे लक्ष लागले आहे. या निवडणुकीचे वेळापत्रकही जाहीर झाले आहे. निवडणुकीची अधिसूचना २५ मे रोजी जारी झाली असून, अर्ज भरण्याची शेवटची तारीख ०१ जून आहे. उमेदवारी अर्जांची छाननी ०२ जून रोजी होईल, तर अर्ज माघारीची मुदत ०४ जून आहे. मतदान १८ जून रोजी सकाळी ८ ते दुपारी ४ या वेळेत होणार असून, मतमोजणी व निकाल २२ जून रोजी जाहीर होईल.