विठ्ठलवाडी खडेगोळवलीत मध्यरात्री टवाळखोरांचा हैदोस; १० ते १२ वाहनांची तोडफोड, २ दुचाकी पेटवल्या ​कल्याण : विठ्ठलवाडी खडेगोळवली परिसरात मंगळवारी (ता.२५) मध्यरात्रीच्या सुमारास काही मद्यधुंद आणि मुजोर टवाळखोरांनी प्रचंड दहशत माजवली. या हल्ल्यात रस्त्याच्या कडेला उभ्या असलेल्या तब्बल १० ते १२ वाहनांची अमानुष तोडफोड करण्यात आली असून, २ दुचाकी जाळून खाक करण्यात आल्या आहेत. या भीषण घटनेमुळे परिसरात एकच खळबळ उडाली असून नागरिकांमध्ये भीतीचे वातावरण पसरले आहे. मिळालेल्या माहितीनुसार, मध्यरात्रीच्या सुमारास काही समाजकंटकांनी खडेगोळवली परिसरात विनाकारण धुमाकूळ घातला. त्यांनी रस्त्याकडेला पार्किंग केलेल्या वाहनांवर दगडफेक व लाठ्या-काठ्यांनी वार करत गाड्यांच्या काचा फोडल्या. इतकेच नव्हे तर, संतापजनक कृत्य करत त्यांनी दोन दुचाकी वाहनांना आग लावून पेटवून दिले. या आगीच्या ज्वाळा इतक्या तीव्र होत्या की, परिसरातील घरांच्या छतांचेही मोठे नुकसान झाले आहे. या अचानक झालेल्या हल्ल्यामुळे स्थानिक नागरिक भयभीत झाले होते. घटनेची माहिती मिळताच कोळसेवाडी पोलीस ठाण्याच्या पथकाने तातडीने घटनास्थळी धाव घेतली. पोलिसांनी परिस्थिती नियंत्रणात आणत या प्रकरणी तात्काळ गुन्हा दाखल केला आहे. तसेच, या गुन्ह्यात सहभागी असलेल्या दोघा संशयितांना पोलिसांनी बेड्या ठोकल्या असून, इतर फरार आरोपींचा शोध घेतला जात आहे. ​परिसरात अशा प्रकारे पुन्हा गुन्हेगारी कृत्य घडू नये आणि नागरिकांच्या सुरक्षिततेचा प्रश्न ऐरणीवर आला असल्याने या टवाळखोरांवर कठोर मकोका किंवा कडक कायदेशीर कारवाई करण्याची मागणी स्थानिकांकडून केली जात आहे. नगरसेवकाचे पोलिसांना निवेदन : गाड्यांची जाळपोळ, तोडफोड आणि गुंडगिरीच्या वाढत्या घटनांवर तीव्र संताप व्यक्त करत प्रभाग १३ चे नगरसेवक मधुर म्हात्रे यांनी या घटनेचा निषेध केला आहे. नागरिकांच्या जीवित व मालमत्तेच्या सुरक्षेसाठी त्यांनी पोलिस प्रशासनाकडे कठोर कारवाईची मागणी केली असून, परिसरातील अमली पदार्थांची विक्री आणि समाजकंटकांच्या कारवायांना तातडीने आळा घालण्याची मागणी केली आहे.

MH Marathi

कल्याण, ठाणे, महाराष्ट्र•

7 hrs ago

विठ्ठलवाडी खडेगोळवलीत मध्यरात्री टवाळखोरांचा हैदोस; १० ते १२ वाहनांची तोडफोड, २ दुचाकी पेटवल्या ​कल्याण : विठ्ठलवाडी खडेगोळवली परिसरात मंगळवारी (ता.२५) मध्यरात्रीच्या सुमारास काही मद्यधुंद आणि मुजोर टवाळखोरांनी प्रचंड दहशत माजवली. या हल्ल्यात रस्त्याच्या कडेला उभ्या असलेल्या तब्बल १० ते १२ वाहनांची अमानुष तोडफोड करण्यात आली असून, २ दुचाकी जाळून खाक करण्यात आल्या आहेत. या भीषण घटनेमुळे परिसरात एकच खळबळ उडाली असून नागरिकांमध्ये भीतीचे वातावरण पसरले आहे. मिळालेल्या माहितीनुसार, मध्यरात्रीच्या सुमारास काही समाजकंटकांनी खडेगोळवली परिसरात विनाकारण धुमाकूळ घातला. त्यांनी रस्त्याकडेला पार्किंग केलेल्या वाहनांवर दगडफेक व लाठ्या-काठ्यांनी वार करत गाड्यांच्या काचा फोडल्या. इतकेच नव्हे तर, संतापजनक कृत्य करत त्यांनी दोन दुचाकी वाहनांना आग लावून पेटवून दिले. या आगीच्या ज्वाळा इतक्या तीव्र होत्या की, परिसरातील घरांच्या छतांचेही मोठे नुकसान झाले आहे. या अचानक झालेल्या हल्ल्यामुळे स्थानिक नागरिक भयभीत झाले होते. घटनेची माहिती मिळताच कोळसेवाडी पोलीस ठाण्याच्या पथकाने तातडीने घटनास्थळी धाव घेतली. पोलिसांनी परिस्थिती नियंत्रणात आणत या प्रकरणी तात्काळ गुन्हा दाखल केला आहे. तसेच, या गुन्ह्यात सहभागी असलेल्या दोघा संशयितांना पोलिसांनी बेड्या ठोकल्या असून, इतर फरार आरोपींचा शोध घेतला जात आहे. ​परिसरात अशा प्रकारे पुन्हा गुन्हेगारी कृत्य घडू नये आणि नागरिकांच्या सुरक्षिततेचा प्रश्न ऐरणीवर आला असल्याने या टवाळखोरांवर कठोर मकोका किंवा कडक कायदेशीर कारवाई करण्याची मागणी स्थानिकांकडून केली जात आहे. नगरसेवकाचे पोलिसांना निवेदन : गाड्यांची जाळपोळ, तोडफोड आणि गुंडगिरीच्या वाढत्या घटनांवर तीव्र संताप व्यक्त करत प्रभाग १३ चे नगरसेवक मधुर म्हात्रे यांनी या घटनेचा निषेध केला आहे. नागरिकांच्या जीवित व मालमत्तेच्या सुरक्षेसाठी त्यांनी पोलिस प्रशासनाकडे कठोर कारवाईची मागणी केली असून, परिसरातील अमली पदार्थांची विक्री आणि समाजकंटकांच्या कारवायांना तातडीने आळा घालण्याची मागणी केली आहे.