निवडणूक आयोग कडून ग्रामपंचायत निवडणुकांसाठी प्रभाग रचना कार्यक्रम जाहीर निवडणूक आयोग कडून ग्रामपंचायत निवडणुकांसाठी प्रभाग रचना कार्यक्रम जाहीर ! मुदत संपणाऱ्या व नव्याने स्थापन ग्रामपंचायतींसाठी प्रक्रिया सुरू; प्रशासक नियुक्ती प्रकरणी २४ फेब्रुवारीला नागपूर उच्च न्यायालय मध्ये सुनावणी ओमप्रकाश उढाण माहे जानेवारी २०२६ ते डिसेंबर २०२६ दरम्यान मुदत संपणाऱ्या तसेच नव्याने स्थापन झालेल्या ग्रामपंचायतींच्या सार्वत्रिक निवडणुकांसाठी प्रभाग रचनेचा सविस्तर कार्यक्रम जाहीर करण्यात आला आहे. ग्रामविकास विभागाने आदेश क्रमांक ग्रापंनि-२०२५/प्र.क्र.१३१/ई-१४०९६२३/पं.रा.-२ अन्वये हा कार्यक्रम प्रसिद्ध केला असून त्यानुसार तात्काळ कार्यवाही सुरू करण्याचे निर्देश देण्यात आले आहेत. सन २०२२ च्या महाराष्ट्र अधिनियम क्र. २२ नुसार महाराष्ट्र ग्रामपंचायत अधिनियम, १९५८ मधील कलम १० मध्ये सुधारित तरतुदी लागू करण्यात आल्या आहेत. तसेच स्थानिक स्वराज्य संस्थेची मुदत संपण्याच्या सहा महिने आधी निवडणूक प्रक्रिया पूर्ण होईपर्यंत क्षेत्र व हद्दीमध्ये बदल करता येणार नाही, अशी तरतूद राज्य निवडणूक आयोगाने यापूर्वीच स्पष्ट केली आहे. प्रभाग रचना कार्यक्रमाची टप्प्याटप्प्याने अंमलबजावणी जाहीर कार्यक्रमानुसार प्रारूप प्रभाग रचना तयार करण्याची अंतिम मुदत २० फेब्रुवारी २०२६ निश्चित करण्यात आली आहे. तहसीलदारांनी गुगल अर्थ नकाशांवर अधारित प्रत्येक गावाचा नकाशा अंतिम करणे अपेक्षित आहे. तलाठी व ग्रामसेवक यांनी संयुक्त स्थळ पाहणी करून प्रभाग व सीमा निश्चित कराव्यात, असे निर्देश आहेत. तहसीलदार यांच्या अध्यक्षतेखालील समितीमार्फत प्रारूप प्रभाग रचनेची तपासणी ५ मार्चपर्यंत पूर्ण केली जाणार आहे. त्यानंतर प्रस्ताव उपविभागीय अधिकारीमार्फत जिल्हाधिकाऱ्यांकडे मान्यतेसाठी सादर केला जाईल. जिल्हाधिकारी यांच्याकडून तपासणीनंतर प्रस्ताव राज्य निवडणूक आयोगाकडे पाठविला जाईल. आयोगाकडून आवश्यक दुरुस्त्या करून २३ मार्चपर्यंत मान्यता दिली जाणार असून ३० मार्चपर्यंत समितीमार्फत अंतिम स्वाक्षऱ्या करून प्रारूप निश्चित करण्यात येईल. हरकती व सूचना मागविण्याची प्रक्रिया ७ एप्रिल २०२६ रोजी प्रारूप प्रभाग रचनेला व्यापक प्रसिद्धी देऊन हरकती व सूचना मागविण्यात येणार आहेत. १३ एप्रिलपर्यंत हरकती सादर करता येणार असून त्यावर २१ एप्रिलपर्यंत उपविभागीय अधिकारी सुनावणी घेतील. त्यानंतर २८ एप्रिलपर्यंत जिल्हाधिकारी प्रभाग रचना अंतिम करून राज्य निवडणूक आयोगास सादर करतील. आयोगाच्या मान्यतेनंतर ४ मे २०२६ रोजी अंतिम प्रभाग रचनेची प्रसिद्धी केली जाईल. प्रशासक नियुक्ती प्रकरणी २४ फेब्रुवारीला सुनावणी दरम्यान, ग्रामपंचायतींवर प्रशासक नियुक्ती संदर्भातील प्रकरणी २४ फेब्रुवारी २०२६ रोजी नागपूर उच्च न्यायालयात सुनावणी होणार असल्याची माहिती सूत्रांनी दिली आहे. या पार्श्वभूमीवर प्रभाग रचना कार्यक्रमाला विशेष महत्त्व प्राप्त झाले आहे. राज्य शासनाने संबंधित सर्व अधिकाऱ्यांना वेळापत्रकानुसार कार्यवाही पूर्ण करण्याचे आदेश दिले असून ग्रामपंचायत निवडणुकांची प्रक्रिया नियोजित वेळेत पार पाडण्याचा निर्धार व्यक्त केला आहे.

पत्रकार ओमप्रकाश उढाण

घनसावंगी, जालना, महाराष्ट्र•

4 hrs ago

निवडणूक आयोग कडून ग्रामपंचायत निवडणुकांसाठी प्रभाग रचना कार्यक्रम जाहीर निवडणूक आयोग कडून ग्रामपंचायत निवडणुकांसाठी प्रभाग रचना कार्यक्रम जाहीर ! मुदत संपणाऱ्या व नव्याने स्थापन ग्रामपंचायतींसाठी प्रक्रिया सुरू; प्रशासक नियुक्ती प्रकरणी २४ फेब्रुवारीला नागपूर उच्च न्यायालय मध्ये सुनावणी ओमप्रकाश उढाण माहे जानेवारी २०२६ ते डिसेंबर २०२६ दरम्यान मुदत संपणाऱ्या तसेच नव्याने स्थापन झालेल्या ग्रामपंचायतींच्या सार्वत्रिक निवडणुकांसाठी प्रभाग रचनेचा सविस्तर कार्यक्रम जाहीर करण्यात आला आहे. ग्रामविकास विभागाने आदेश क्रमांक ग्रापंनि-२०२५/प्र.क्र.१३१/ई-१४०९६२३/पं.रा.-२ अन्वये हा कार्यक्रम प्रसिद्ध केला असून त्यानुसार तात्काळ कार्यवाही सुरू करण्याचे निर्देश देण्यात आले आहेत. सन २०२२ च्या महाराष्ट्र अधिनियम क्र. २२ नुसार महाराष्ट्र ग्रामपंचायत अधिनियम, १९५८ मधील कलम १० मध्ये सुधारित तरतुदी लागू करण्यात आल्या आहेत. तसेच स्थानिक स्वराज्य संस्थेची मुदत संपण्याच्या सहा महिने आधी निवडणूक प्रक्रिया पूर्ण होईपर्यंत क्षेत्र व हद्दीमध्ये बदल करता येणार नाही, अशी तरतूद राज्य निवडणूक आयोगाने यापूर्वीच स्पष्ट केली आहे. प्रभाग रचना कार्यक्रमाची टप्प्याटप्प्याने अंमलबजावणी जाहीर कार्यक्रमानुसार प्रारूप प्रभाग रचना तयार करण्याची अंतिम मुदत २० फेब्रुवारी २०२६ निश्चित करण्यात आली आहे. तहसीलदारांनी गुगल अर्थ नकाशांवर अधारित प्रत्येक गावाचा नकाशा अंतिम करणे अपेक्षित आहे. तलाठी व ग्रामसेवक यांनी संयुक्त स्थळ पाहणी करून प्रभाग व सीमा निश्चित कराव्यात, असे निर्देश आहेत. तहसीलदार यांच्या अध्यक्षतेखालील समितीमार्फत प्रारूप प्रभाग रचनेची तपासणी ५ मार्चपर्यंत पूर्ण केली जाणार आहे. त्यानंतर प्रस्ताव उपविभागीय अधिकारीमार्फत जिल्हाधिकाऱ्यांकडे मान्यतेसाठी सादर केला जाईल. जिल्हाधिकारी यांच्याकडून तपासणीनंतर प्रस्ताव राज्य निवडणूक आयोगाकडे पाठविला जाईल. आयोगाकडून आवश्यक दुरुस्त्या करून २३ मार्चपर्यंत मान्यता दिली जाणार असून ३० मार्चपर्यंत समितीमार्फत अंतिम स्वाक्षऱ्या करून प्रारूप निश्चित करण्यात येईल. हरकती व सूचना मागविण्याची प्रक्रिया ७ एप्रिल २०२६ रोजी प्रारूप प्रभाग रचनेला व्यापक प्रसिद्धी देऊन हरकती व सूचना मागविण्यात येणार आहेत. १३ एप्रिलपर्यंत हरकती सादर करता येणार असून त्यावर २१ एप्रिलपर्यंत उपविभागीय अधिकारी सुनावणी घेतील. त्यानंतर २८ एप्रिलपर्यंत जिल्हाधिकारी प्रभाग रचना अंतिम करून राज्य निवडणूक आयोगास सादर करतील. आयोगाच्या मान्यतेनंतर ४ मे २०२६ रोजी अंतिम प्रभाग रचनेची प्रसिद्धी केली जाईल. प्रशासक नियुक्ती प्रकरणी २४ फेब्रुवारीला सुनावणी दरम्यान, ग्रामपंचायतींवर प्रशासक नियुक्ती संदर्भातील प्रकरणी २४ फेब्रुवारी २०२६ रोजी नागपूर उच्च न्यायालयात सुनावणी होणार असल्याची माहिती सूत्रांनी दिली आहे. या पार्श्वभूमीवर प्रभाग रचना कार्यक्रमाला विशेष महत्त्व प्राप्त झाले आहे. राज्य शासनाने संबंधित सर्व अधिकाऱ्यांना वेळापत्रकानुसार कार्यवाही पूर्ण करण्याचे आदेश दिले असून ग्रामपंचायत निवडणुकांची प्रक्रिया नियोजित वेळेत पार पाडण्याचा निर्धार व्यक्त केला आहे.