भारतीय जनता पार्टीच्या भंडारा जिल्हा उपाध्यक्षपदी लाखांदूरचे 'किंगमेकर' विनोद ठाकरे यांची नियुक्ती करण्यात आली आहे. सन २००१ पासून, म्हणजेच तब्बल २५ वर्षांपासून भाजपसाठी अथकपणे काम करणाऱ्या निष्ठावान कार्यकर्त्याचा हा सन्मान असल्याचे पक्षात बोलले जात आहे. जिल्हाध्यक्ष आशिष (आशू) गोंडाणे यांनी विनोद ठाकरे यांना नियुक्ती पत्र देऊन ही जबाबदारी सोपवली असून, त्यांच्या या पदोन्नतीमुळे संपूर्ण जिल्ह्यात निष्ठावंत कार्यकर्त्यांमध्ये उत्साहाचे वातावरण निर्माण झाले आहे. विनोद ठाकरे यांचा राजकीय प्रवास संघर्षमय आणि प्रेरणादायी राहिला आहे. दिवंगत खासदार नामदेवराव दिवठे यांच्या मार्गदर्शनाखाली त्यांनी राजकारणाचे धडे गिरवत भाजपची विचारसरणी तळागाळातील लोकांपर्यंत पोहोचवली. सरपंच पदापासून सुरुवात करत त्यांनी लाखांदूर शहरात भाजपची मुळे घट्ट केली. त्यांच्या संघटनात्मक कौशल्यामुळेच भाजपने लाखांदूर नगरपंचायतीवर सलग दोनदा एकहाती सत्ता स्थापन करत 'लाखांदूर पॅटर्न' यशस्वी करून दाखवला, जो एक ऐतिहासिक पराक्रम मानला जातो. त्यांनी तालुकाध्यक्ष पदाची धुरा सांभाळताच लाखांदूरमधील राजकीय समीकरणे बदलली. काँग्रेस, राष्ट्रवादी आणि इतर पक्षांतील अनेक बड्या नेत्यांना व कार्यकर्त्यांना भाजपमध्ये यशस्वीपणे सामील करून घेत, त्यांनी पक्षाला 'अभेद्य' बनवले. त्यांच्या कुशल रणनीतीमुळे लाखांदूर कृषी उत्पन्न बाजार समिती, विजय लक्ष्मी सहकारी भात गिरणी आणि खरेदी-विक्री संस्था या सर्व महत्त्वाच्या निवडणुकांमध्ये भाजपला निर्विवाद विजय मिळवता आला. या प्रवासात त्यांनी स्वतःसोबतच शेकडो निष्ठावान कार्यकर्त्यांची एक नवी फळीही तयार केली आहे. विनोद ठाकरे केवळ निवडणुका जिंकणारे नेते नसून, ते जनतेच्या सुख-दुःखात धावून जाणारे हक्काचे माणूस म्हणून ओळखले जातात. 'संजय गांधी निराधार योजने'चे अध्यक्ष असताना त्यांनी ६,००० पेक्षा जास्त वृद्ध, निराधार, विधवा आणि दिव्यांग व्यक्तींना योजनेचा थेट लाभ मिळवून देत त्यांच्या आयुष्यात आशेचा किरण निर्माण केला. जिल्हाध्यक्ष आशिष गोंडाणे यांनी विनोद ठाकरे यांच्या पक्षनिष्ठेचे आणि कार्यकर्त्यांना जोडून ठेवण्याच्या कलेचे कौतुक केले. त्यांच्या अनुभवाचा फायदा भंडारा जिल्ह्यात पक्ष आणखी मजबूत करण्यासाठी होईल, असा विश्वास त्यांनी व्यक्त केला. पक्षाप्रती असलेली अतूट निष्ठा, सामान्य लोकांसाठी केलेले कार्य आणि निवडणुका जिंकून देण्याच्या 'मास्टर की' मुळेच विनोद ठाकरे आज जिल्हा उपाध्यक्ष पदापर्यंत पोहोचले असून, त्यांच्या या निवडीमुळे भंडारा भाजपला अधिक सुवर्णकाळ लाभेल, असा विश्वास व्यक्त करण्यात येत आहे.

मनिषा विजय काशीवार

साकोली, भंडारा, महाराष्ट्र•

1 hr ago

भारतीय जनता पार्टीच्या भंडारा जिल्हा उपाध्यक्षपदी लाखांदूरचे 'किंगमेकर' विनोद ठाकरे यांची नियुक्ती करण्यात आली आहे. सन २००१ पासून, म्हणजेच तब्बल २५ वर्षांपासून भाजपसाठी अथकपणे काम करणाऱ्या निष्ठावान कार्यकर्त्याचा हा सन्मान असल्याचे पक्षात बोलले जात आहे. जिल्हाध्यक्ष आशिष (आशू) गोंडाणे यांनी विनोद ठाकरे यांना नियुक्ती पत्र देऊन ही जबाबदारी सोपवली असून, त्यांच्या या पदोन्नतीमुळे संपूर्ण जिल्ह्यात निष्ठावंत कार्यकर्त्यांमध्ये उत्साहाचे वातावरण निर्माण झाले आहे. विनोद ठाकरे यांचा राजकीय प्रवास संघर्षमय आणि प्रेरणादायी राहिला आहे. दिवंगत खासदार नामदेवराव दिवठे यांच्या मार्गदर्शनाखाली त्यांनी राजकारणाचे धडे गिरवत भाजपची विचारसरणी तळागाळातील लोकांपर्यंत पोहोचवली. सरपंच पदापासून सुरुवात करत त्यांनी लाखांदूर शहरात भाजपची मुळे घट्ट केली. त्यांच्या संघटनात्मक कौशल्यामुळेच भाजपने लाखांदूर नगरपंचायतीवर सलग दोनदा एकहाती सत्ता स्थापन करत 'लाखांदूर पॅटर्न' यशस्वी करून दाखवला, जो एक ऐतिहासिक पराक्रम मानला जातो. त्यांनी तालुकाध्यक्ष पदाची धुरा सांभाळताच लाखांदूरमधील राजकीय समीकरणे बदलली. काँग्रेस, राष्ट्रवादी आणि इतर पक्षांतील अनेक बड्या नेत्यांना व कार्यकर्त्यांना भाजपमध्ये यशस्वीपणे सामील करून घेत, त्यांनी पक्षाला 'अभेद्य' बनवले.

त्यांच्या कुशल रणनीतीमुळे लाखांदूर कृषी उत्पन्न बाजार समिती, विजय लक्ष्मी सहकारी भात गिरणी आणि खरेदी-विक्री संस्था या सर्व महत्त्वाच्या निवडणुकांमध्ये भाजपला निर्विवाद विजय मिळवता आला. या प्रवासात त्यांनी स्वतःसोबतच शेकडो निष्ठावान कार्यकर्त्यांची एक नवी फळीही तयार केली आहे. विनोद ठाकरे केवळ निवडणुका जिंकणारे नेते नसून, ते जनतेच्या सुख-दुःखात धावून जाणारे हक्काचे माणूस म्हणून ओळखले जातात. 'संजय गांधी निराधार योजने'चे अध्यक्ष असताना त्यांनी ६,००० पेक्षा जास्त वृद्ध, निराधार, विधवा आणि दिव्यांग व्यक्तींना योजनेचा थेट लाभ मिळवून देत त्यांच्या आयुष्यात आशेचा किरण निर्माण केला. जिल्हाध्यक्ष आशिष गोंडाणे यांनी विनोद ठाकरे यांच्या पक्षनिष्ठेचे आणि कार्यकर्त्यांना जोडून ठेवण्याच्या कलेचे कौतुक केले. त्यांच्या अनुभवाचा फायदा भंडारा जिल्ह्यात पक्ष आणखी मजबूत करण्यासाठी होईल, असा विश्वास त्यांनी व्यक्त केला. पक्षाप्रती असलेली अतूट निष्ठा, सामान्य लोकांसाठी केलेले कार्य आणि निवडणुका जिंकून देण्याच्या 'मास्टर की' मुळेच विनोद ठाकरे आज जिल्हा उपाध्यक्ष पदापर्यंत पोहोचले असून, त्यांच्या या निवडीमुळे भंडारा भाजपला अधिक सुवर्णकाळ लाभेल, असा विश्वास व्यक्त करण्यात येत आहे.