सांगली आणि सातारा स्थानिक प्राधिकारी मतदारसंघ विधान परिषद निवडणूक २०२६ मध्ये धैर्यशिल ज्ञानदेव कदम यांनी विजय मिळवला आहे. जिल्हाधिकारी तथा निवडणूक निर्णय अधिकारी डॉ. मैनाक घोष यांनी सांगली येथील तरुण भारत व्यायाम मंडळ इमारतीत पार पडलेल्या मतमोजणीनंतर हा निकाल जाहीर केला. मतमोजणीच्या निकालानुसार, धैर्यशिल ज्ञानदेव कदम यांना ५९३ मते मिळाली, तर अभयसिंह खाशेराव जगताप यांना २९२ मते मिळाली आणि किशोर हणमंत धुमाळ यांना ० मते मिळाली. एकूण ८९५ मतदारांपैकी ८९४ मतदारांनी मतदान केले होते. त्यापैकी ८८५ मते वैध ठरली, तर ९ मते अवैध ठरली. विजयासाठी ४४३ मतांचा कोटा निश्चित करण्यात आला होता. मतमोजणी प्रक्रिया सकाळी ८ वाजता सुरू झाली होती. त्यापूर्वी निवडणूक निरीक्षक डॉ. अमित सैनी आणि निवडणूक निर्णय अधिकारी डॉ. मैनाक घोष यांच्या उपस्थितीत स्ट्राँग रूमचे सील तोडून ती उघडण्यात आली. सहायक निवडणूक निर्णय अधिकारी डॉ. स्नेहल कनिचे यांनी उपस्थित सर्वांना गोपनीयतेची शपथ दिली. त्यानंतर मतपत्रिकांचा ताळमेळ आणि त्यांची सरमिसळ करून मतमोजणीला सुरुवात झाली. यावेळी अपर जिल्हाधिकारी सुशांत खांडेकर, सहायक निवडणूक निर्णय अधिकारी नागेश पाटील, उपजिल्हाधिकारी शिवाजी जगताप यांच्यासह मतमोजणीसाठी नियुक्त अधिकारी व कर्मचारी उपस्थित होते. मतमोजणीसाठी एकूण पाच टेबलांची व्यवस्था करण्यात आली होती, ज्यात प्रत्येक टेबलसाठी एक मतमोजणी पर्यवेक्षक, एक सहायक आणि एक शिपाई नियुक्त होता. याव्यतिरिक्त राखीव कर्मचारी, रांग अधिकारी, हौद अधिकारी आणि टॅब्युलेशन पथकाचीही नेमणूक करण्यात आली होती. संपूर्ण प्रक्रियेदरम्यान चोख पोलीस बंदोबस्त ठेवण्यात आला होता, ज्यामुळे मतमोजणी प्रक्रिया पारदर्शक, अचूक आणि सुरळीत पार पडली.

EXPRESS NEWS

Press advisory मिरज, सांगली, महाराष्ट्र•

2 hrs ago

सांगली आणि सातारा स्थानिक प्राधिकारी मतदारसंघ विधान परिषद निवडणूक २०२६ मध्ये धैर्यशिल ज्ञानदेव कदम यांनी विजय मिळवला आहे. जिल्हाधिकारी तथा निवडणूक निर्णय अधिकारी डॉ. मैनाक घोष यांनी सांगली येथील तरुण भारत व्यायाम मंडळ इमारतीत पार पडलेल्या मतमोजणीनंतर हा निकाल जाहीर केला. मतमोजणीच्या निकालानुसार, धैर्यशिल ज्ञानदेव कदम यांना ५९३ मते मिळाली, तर अभयसिंह खाशेराव जगताप यांना २९२ मते मिळाली आणि किशोर हणमंत धुमाळ यांना ० मते मिळाली. एकूण ८९५ मतदारांपैकी ८९४ मतदारांनी मतदान केले होते. त्यापैकी ८८५ मते वैध ठरली, तर ९ मते अवैध ठरली. विजयासाठी ४४३ मतांचा कोटा निश्चित करण्यात आला होता. मतमोजणी प्रक्रिया सकाळी ८ वाजता सुरू झाली होती. त्यापूर्वी निवडणूक निरीक्षक डॉ. अमित सैनी आणि निवडणूक निर्णय अधिकारी डॉ.

मैनाक घोष यांच्या उपस्थितीत स्ट्राँग रूमचे सील तोडून ती उघडण्यात आली. सहायक निवडणूक निर्णय अधिकारी डॉ. स्नेहल कनिचे यांनी उपस्थित सर्वांना गोपनीयतेची शपथ दिली. त्यानंतर मतपत्रिकांचा ताळमेळ आणि त्यांची सरमिसळ करून मतमोजणीला सुरुवात झाली. यावेळी अपर जिल्हाधिकारी सुशांत खांडेकर, सहायक निवडणूक निर्णय अधिकारी नागेश पाटील, उपजिल्हाधिकारी शिवाजी जगताप यांच्यासह मतमोजणीसाठी नियुक्त अधिकारी व कर्मचारी उपस्थित होते. मतमोजणीसाठी एकूण पाच टेबलांची व्यवस्था करण्यात आली होती, ज्यात प्रत्येक टेबलसाठी एक मतमोजणी पर्यवेक्षक, एक सहायक आणि एक शिपाई नियुक्त होता. याव्यतिरिक्त राखीव कर्मचारी, रांग अधिकारी, हौद अधिकारी आणि टॅब्युलेशन पथकाचीही नेमणूक करण्यात आली होती. संपूर्ण प्रक्रियेदरम्यान चोख पोलीस बंदोबस्त ठेवण्यात आला होता, ज्यामुळे मतमोजणी प्रक्रिया पारदर्शक, अचूक आणि सुरळीत पार पडली.